افضل اماكن للمحاسبين

[Pocahontass]

قوة بنات شلووونكم
بغيت اسال وين احسن اماكن العمل للمحاسبين و شرايكم في شغل البنوك ؟ولا مجلس الامه ولا لجنة المناقصات المركزية التابعة لمجلس الوزراء ؟
اكو احد يعرف شلون طريقة التقديم فيهم ولا لازم واسطه ؟؟
و جم رواتبهم للمحاسب بكالوريوس اول ما يشتغل ؟ مع الكادر مال محاسبين 320 ؟

 

[احب روحي]

حق المحاسبين : ديوان المحاسبه - وزارة الماليه - الهيئة العامه للصناعه - شركة البترول - البنك المركزي - البنوك بشكل عام - معهد الابحاث - ديوان الخدمه المدنيه .. ووايد اماكن

اللي يميز المحاسبين الكادر

ماعندي فكرة جم الكادر بس ناس تقول 230 و ناس تقول 320

واغلب الاماكن اللي ذكرتها يبيلها واسطه قوية

الراتب ما يقل عن 850

 

[Pocahontass]

اببب اببب اببب

 

[Mrs_lacoste]

افضلج ديوان المحاسبه

 

[Pocahontass]

ديوان المحاسبه و هالاماكن يبون واسطه قوية

 

[M!SS.LOBY]

البنوك افضل

 

[Pocahontass]

انزين ليش محد يعرف عن لجنة المنناقصااات بليييييييز بناااااات نبي احد يفيدنا عن معاشاتهم و طريقة التعين عندهم و اذا يبون واسطه ولا لا

 

[مفرفشة ومنعنشة]

ديوان المحاسبة - مراقب مالي بوزارة المالية

 

[shayoma89]

اختى حتى المكان الي يقولونلج لازم واسطه قدمي فيه مو خسرانه شي .. و ابتعدى عن البنوك و القطاع الخاص لانه اذيه ومو مضمون ودوامهم بعد طويل واجازاتهم غير .. غير البنك المركزي لا تروحين بنك ثاني..

و الاماكن الي قالوها البنات وايد زينه

ديوان المحاسبه- الهيئة العامه للصناعه - شركة البترول - البنك المركزي - البنوك بشكل عام - معهد الابحاث - ديوان الخدمه المدنيه - ( التقديم من عندهم وينزلون اعلان بالجرايد)
وزارة الماليه ( التقديم من ديوان الخدمه)

مجلس الوزراء رواتب قويه وبدلات و مكافات و الخ... لهم وايد مميزات
مجلس الامه رواتبهم هم زينه لانه يتهم زياده اخيره عدلت الراتب

راتب المحاسبين 900 وشي و الاماكن الي ذاكرتهم يوصل اكثر من 1000

لانه راتب الاداري الحين بالوزارات اول تعيين 870 - المحاسبه راتبهم اكثر

وموفقه ان شاءالله ربي يسهل عليج وفيدينا اذا قدمتي باي مكان

 

[احب روحي]

كادرالمحاسبين 220

والراتب 900 وكسور مو اقل من جذي

 

[فيلجاويه كيوت]

ديوان المحاسبة

البنك المركزي

 

[ghalyah91]

لجنة المناقصات يبيلها واسطة ويطلعون عينج على ما تتوظين

انا توني متوظفه عندهم.. حلو المكان مرتب والمبنى يديد.. الشغل حلو بعد

اول معاش للمحاسبه 970