افضل دكتور لتجميل الانف بجده تكفون دشوا

[Mnoo-q8]

السلام عليكم ورحمه الله وبركاته

شلونكم بنات حبايبي ماعليكم امر عندي جم استفسار
ودي اسوي عمليه للخشم عندي انحراف في الجهه اليمنى وودي اسويه بس بغيت اسألكم انا عرس ولد عمي بعد اقل من شهر يمديني اسوي ولالا وبعدين ياليت اللي تعرف دكتور زين بجده

 

[غاده بنت وليد]

سلامتك حبيبي
والله يتمم عليه علا خير..
اذا بجده ياسر بدوي او ممدوح عشي بس انا ارجح ممدوح عشي
انا سويت عمليتي عند بدوي
حلو خشمي بس مو اللي ببالي
بس الافضل ممدوح
بعيد كليلنك..
وتكلفه العمليه بكل شي تريبا ١٤ او ١٥ الف ما اذكر ..

 

[Mnoo-q8]

يسلمو حبيبتي .......انزين شرايج بلطفي الدقر اظن اسمه جذيه او بشار البرزه

 

[Mnoo-q8]

انزين يمديني اسويه قبل العرس عادي ما يأثر بالنسبه للمكياج ومابي احد ينتبه اني مسويه

 

[EmMy]

رد : افضل دكتور لتجميل الانف بجده تكفون دشوا

ياقلبي انتي
كثييييير يمدحو لطفي الدقر
ادخلي منتدى الفراشة
شوووفي كثير مسووين عندو
ويمدحوه مدح مو طبيعي
اما من ناحية انك تسويها قبل الزواج والله مادري الافضل انك تروحي تستشيري الدكتور
ياليت تبلغينا بالتفاصيل اذا سويتيها عندو
لأن خاطري اسوي انا كمان عندو
موفقه حبوبه

 

[EmMy]

رد : افضل دكتور لتجميل الانف بجده تكفون دشوا

انتبهي من بشااااااااااااااار البرزه كثير يذمو فيه
وعمري مالقيت احد مدحو
اما ممدوح عشي وياسر بدوي الله اعلم
بس بشاااااااار البرزه انتبهي منو ودوري في النت عنو

 

[Mnoo-q8]

اوكي حبيبتي على قولتج خوفوني من بشار من كثر ما يذمونه بس بشوف لطفي

 

[MISS_LIZLIZ]

رد : افضل دكتور لتجميل الانف بجده تكفون دشوا

نصيحتي لا تروحين لـ لطفي الدقر
راح تقابلك سكرتيرته المصرية و بعدين اللبنانية رندا تناقش معاك الاسعار و تقولك مطلوب 17 الف و في الاخير تخفض لك حتى توصلها 15 الف
و تتفق معاكي على مكان العملية في مستشفى هالة بن لادن و راح تخرجين من العملية بتغير بنسبة 30 % يعني و لا كأنك سويتي شي
لطفي في الانف ما يعطيكي شي مختلف عن انفك السابق .. ممكن ينفع في نفخ او شد او تكبير اقولك يمكن لكن الانف انا شفت نتيجته على قريبتي و الله حرام تدفع له 15 الف .. و وقت تدخلين عيادته في بن حمران تقولين هذا واحد بارع في الانف لان كل اللوحات في عيادته بس للانوف .. و الصراحة شغل ما يستاهل السعر اللي يطلبه ابداً .. و الدكتور البزرة لمعلوميتك مو شاطر .. و انفذي بجلدك من انك تروحي له
هذا رأي بالنسبة للي سألتي عنهم .. و انا مثلك لا زلت ابحث عن دكتور شاطر و يعطيني النتيجه المرضية اذا لقيت راح ابلغك و اتمنى منك اذا لقيت واحد يده تلتف بالحرير و شغله نظيف برضوا بلغيني .. و ربي يساعدك حتى توصلي للي يرضي ربنا و يرضيك

في اسماء انا ارشحها لك و راح اقابلهم حتى اتعامل مع واح فيهم
لانهم من امهر الاسماء في شغل التجميل للانف باختصاص

بالدرجة الاولى نزار فقيه و الثاني خالد الغامدي
ان شاء الله ازورهم و انتي كمان زوريهم و ان شاء الله نتقابل في المنتدى و نبلغ بعض بالردود

 

[مستهامه]

كثير مدحولي لطفي الدقر بس للأمانه ماشفت شغله ياليت تفيدونا بخصوص نزار فقيه وخالد الغامدي ..

 

[غاده بنت وليد]

حبيبتي حرمه اخوي من جده وكانت ترااجع في المستشفي
ولقت مريض قدام لطفي كان يتحسب عليه
كان عامل عمليه في الاذرع
المهم كان يبكي ويصاارخ ويتحسب
هذا اللي شاافته حرمه اخوى..
اما انا اعرفه او شفت يعنيوني لااا،،
والبزره لا تقريبن جمبه
الله يوفقك

 

[رنو7]

هاذي اول مشاركه لي بهالمنتدى اللي من جد روعه ماشاء الله
وبالنسبه لدكتور انا كمان محتاره بس بعد ماسويت بحث عن دكتور نزار فقيه ماشاء الله عليه عندو خبره

وهذا موقعو http://drnizar.com/biography.htm
بس المشكله ماقيت له ذكر زي لطفي وممدوح..
لكن انا حجزت موعدي هالاسبوع بشوف كيف وان شاء الله خير

بس كنت ابغى اسال الاخت MISS_LIZLIZ كم ممكن تكون تكلفه العمليات عندو
لاني مااقدر ارسل رساله خاصه وان شاء الله تفيدوني
​

 

[MISS_LIZLIZ]

التكلفة في حدود ١٣ الف غير الكشف و المراجعة يعني ممكن تكلفك في حدود ١٤ الف

و ممكن يعمل لك تخفيض لو كاسرتيه في السعر يعني يطرح لك ممكن ٥٠٠ او ١٠٠٠ تفيديك برضوا

و الصراحة سعره افضل من غيره

تقدرين تطلبينه صور لعملياته و تقررين اذا يناسبك شغله او لا

و ان شاء الله يعجبك

ان شاء الله انا كمان راح اعملها الشهر الجاي عنده لان

الان جالسة اخلص من مشاكل الحشو و القلع في الاسنان و لازم راحة بين كل جلسة و جلسة فاول ما اخلص

و اريح اسبوعين او ثلاثة من النزيف و التخدير راح يكون المحطة الثانية عندي تجميل الانف و يكون المبلغ كمان عندي اكتمل لان ناقصه ٤٠٠٠ الاف ريال

و يا رب بالتوفيق لكي و لي و ان شاء الله يا رب تنجح عملياتنا و نحصل على طلبنا​

 

[رنو7]

اليوم رحت عندو
الله يسعدك يارب لانك دلتيني على هالدكتور انا صح لسى ماسويتها بس
كلامو وشرحو للي بيسويه ريحني وطمني ويارب تجمعين اللي ناقصك وتسوينها وتصيرين احلى واحلى
وربنا كريم

 

[MISS_LIZLIZ]

امين يا رب تسوين عمليتك و تتهني في النتيجة اللي تبسط قلبك
و يا رب اتوفق انا كمان و اعملها قريب مثلك

و ان شاء الله ما يكون قدامك الا العافية و الراحة و السرور ​

 

[AL-NOR]

الله ييسرلك امرك .. انآ عني .. للأن بأسويهـا عند لطفي الدقر .. وجالسه احاول اخذ موعــد
بأشوف متى اقرب موعد .. وانا دايمآ اتصل على العيادات وكذآ من تلفون البيت .. بس تلفون البيت الحين مفصول
الجوال مصاريف كثيرهـ
صراحـه لطفي الدقر متمكن لأبعد الحدود وهو لبناني الجنسيه على ما اعرف .. وعمل لـ كثير من النآس

 

[فدوووو]

اب اب

 

[Reem!]

ياحبي لكم ايه عفيه بنات ارفعو الموضوع
لمن يردون علينا البنات ؛(

 

[miss_IU]

يا بناااااااااااات لا تجااازفوا مافي دكاترة شاطرين لا بالسعودية و لا بالخليج !!!
إذا تبغون شغل حلو و مرتب و اهم شي السعر المادي مو غالي ..سووها في الشام ..يا في الاردن او لبنان !!

هناك رخص + إحتراف + في اسبوع و هو منتهي من العملية !

ماما سوت زيركون في اسنانها كلفها الاسنان الامامية فقط بـ 14 ألف !!!!!! و صاحبتها سوتها في الاردن بــ7 آلالاف ! شايفين كيف الفرق !!!

أنا ان شاء الله بسوي عملية نحت و رفع للانف في الاردن ...

 

[بنت سنعه]

السلام عليكم
بصراحه انا من زمان مادخلت المنتدى بس شفت الموضوع وقلت خلني ارد ياقلبي انا سويت عمليتين انف وكانت جدا فاشله الله لايوريكم بمستشفى عسكري وعند جراحين الان لهم عياداتهم الخاصه هذا قبل 10 سنوات وبعد كذا خفت وقلت ماراح اسوي عمليه ابدا الا ان شفت بنت معي بالجامعه قبل 5 سنوات عملت انفها عند الدكتور لطفي اقسم بالله كان شي خرافي رسمه مزبوطه وبقى اسمه براسي وبما اني خوافه قعدت 5 سنوات اتحرى عنه لان الوجه مولعبه وتوكلت على الله في مارس 2011 وسويتها والله اني ادعيله من كل قلبي لا حسيت بالم والنتيجه اللي ترضيني وزياده وفوق هذا الى الان اراجعه يقول النتيجه النهائيه بعد سنه ونص ولو تروحي في الانتظار عنده ولا احد يسبه بالاخير شغله ابداع والله على ما اقول شهيد وبالتوفيق

 

[Moora Bazzar]

يا بناااااااااااات لا تجااازفوا مافي دكاترة شاطرين لا بالسعودية و لا بالخليج !!!
إذا تبغون شغل حلو و مرتب و اهم شي السعر المادي مو غالي ..سووها في الشام ..يا في الاردن او لبنان !!

هناك رخص + إحتراف + في اسبوع و هو منتهي من العملية !

ماما سوت زيركون في اسنانها كلفها الاسنان الامامية فقط بـ 14 ألف !!!!!! و صاحبتها سوتها في الاردن بــ7 آلالاف ! شايفين كيف الفرق !!!

أنا ان شاء الله بسوي عملية نحت و رفع للانف في الاردن ...

حرام عليكي والله في دكاتره يعتبرو توب في عده مجالات

بالنسبه لعمليات تجميل الانف مايحتاج وغني عن التعريف (بشار البزره )في عيادات النخيل في جده اعملي

سيرش عنو في قوقل​