افضل سراير للبيبي دشووو

[الزيـــــ^^ـــــن]

السلام عليكم ورحمة الله وبركاته

شلووونكم


اشتقت لكم كتير كتير:eh_s(7): :eh_s(9):

المووهم ،، ولدي اسم الله عليه عمره 8 شهور وشاريتله سرير من بنتا بس صراحه موشي خشبه خفيف
وصغير حيل عليه،

ابي سرير يكون جوده وكبير وحواجز يعني يكفي لي 3 سنين وابي اللون الابيض مابي الخشبي وين احصله وسعره معقول يكون

سنتر بوينت رحت له اليوم خشبه خفيف الابيض مثل مال بنتا ، بس مره رحت ايكيا وشفت سرير لونه ابيض جذبني وكبير بس مادري عن الجوده

شنو تنصحووني يا امهات ،،،؟؟!!

ابي رايكم بليز

:eh_s(7):

 

[Ranoon]

اب حابه أتعلم سرير هذا من يطلع ال ٤٠ ل ٣ سنوات ؟؟؟

 

[الزيـــــ^^ـــــن]

اي رنا نبي من ال 40 الى 3 سنين ،،؟

 

[زين ودلال]

اذا تبين جوده سويه نجاره تفصال

انا عندي خشبي من عمر بنتي صارله ٣ سنين يهبببل من سنتر بوينت

وسرير ولدي ابيض من مذركير صارله سنتين تقريبا

 

[shai6ona19]

اذا ابيض مذركير حيل زين بسس غاالي

 

[آجمل نسآء آلدنيآ]

تلاااقين طلبچ بسوق المپاركيه وووين السرداب اللي فيه تجهيز الپيبيااات

نزلي السرداب راح تلقين محل اسمه العووضي الموووهم ان هالمحل الووووحيد بهالسرداب

اللي اسعاره محدود مستحيل ينززل 100 ڤلس واهوا الووحيد بعد اللي بضاعته

اسبانيه وماليزيه

عندده سراااير عجييييييبه وراااهيه ووسيعه وخشبهم يعمرر معاچ واسعاره

من الـ60 للـ 85

مع الفراش الطبي و لبس السرير

وعئپااال ماتچهزين سريرررر عرسه الگتگوت

 

[مشاعر]

سنتر بوينت أو مذركير حلو شغلهم

ايكيا شغلهم زين بس إذا كل يوم تغييرين مكان السرير ماانصحج تاخذين منهم ...

الخشب زين ويعمر معاج طلعي أي صوره سرير يعجبج من النت وروحي حق منجره يسوونه لج

 

[M!SS.LOBY]

الله يحفظه لج ولا تشوفين فيه مكروه

 

[M!SS.LOBY]

ايكيا شوفيهم

 

[latkt7as]

انا شاريه لولدي سرير من ايكيا

صارله سنتين تقريبا

وعني كل شوي اسحب بهالسرير يمين ويسار

وشريته من 30 الى 40 دينار مو متاكده

 

[نور دنياه]

انا سريربنتي من بابز اند مامز صج غالي بس سعره فيه، جوده وخشب متين مو. خفيف مثل سنتر بوينت ويعيش وللبيبي الجاي بعد باخذ من بابز اند مامز مو خساره

 

[جوجو بلاس]

انا سرير ولدي جابه له خاله هديه اول ماولدت وعمره يومين من سنتر بوينت واليوم ولدي كمل سنه والسرير في افضل حالاته لدرجه اني اذا ابي ولدي يغار ويجي بسريره اقعد فيه خخخخ وفكينا وركبناه لما سافرت شقتي لان بالاربعين عند امي صراحه اشوفه ممتاز وخشبه قوي ويكفي من عمر 0 الى 3سنوات

 

[Um Tuki]

انا ما عورت قلبي كلش

رحت فصلت لولدي سرير و ما شاء الله عمره الحين سنتين وليحين يرقد فيه ويرتاح
خشب بحريني .. قـــــــــوي

و الكبت المحطوط ع السرير تقدرين تشيلينه و تنزلينه تحطينه مثل الكمدينو .. و السرير يصير أكبر لعمر الـ 6 سنوات تقريبا

 

[++صدفة++]

انا خذيت سرير بنتي من ايكيا وخشبه زين مع اني كل شوي موديته يمين ويسار بس شزينه ما علامه شي
انا اللي شجعني على ايكيا ان ببيت خالتي عندهم سرير من ايكيا بنات حماتي كانوا يستخدمونه من 4 سنين ولي الحين بنتي تستخدمه

 

[Aloe Vera]

سرير عيالي من مذركير و فرشة طبية من ٦ سنين استخدمه
خشب و كفى كل واحد من عيالي لي عمر ٣ سنين