افضل فنادق في كوالالمبور

[الدانه الكويتية]

حيت اعرف احسن فنادق في كوالالمبور ولنجاوي مو خمس نجوم بس تكون نظيفه وقريبه

 

[عمشه المنتفشه]

انا سكنت العام وهالسنه باسكن باذن الله بالنوفوتيل اهو 4 نجوم بس عجيييب نظافه وخدمه وقريب من شارع العرب وبس تنزلين من الفندق يسارج في اسنسير وجسر تمشين فيه شوي والا انتي بالبافليون

انصحج فيه

لنكاوي سكنا في هوليداي فيلا ماعجبني بس احلى مافيه ان تلفزيونهم فيه قناة سوريا والسعوديه

 

[-مذهلهـ-]

انا سكنت في فندق وستن اهو خمس نجوم
قدامه بالظبط مجمع بافليو
وبنفس الشارع كله مطاعم عربيه وكوفيات
مايحتاج تاخذين سياره كله مشي بصراحه موقعه عجيب
انا كنت ماخذه جناح رجال اعمال
ولنا قاعه بوفيهات خاااصه

 

[-مذهلهـ-]

للنكاوي قمته روحي بننق / بننج ههههههه
واسكني الشنقيريلااااا رووووووووووووعه
اصلااا بيننج حيل حلووووه وشرط ماتملين منها

 

[... May ))]

تريدرز ،،، خيالي

اصلا ما تصدقين انه اربع نجوم

يتعاملون معاه البنوك لوفود رجال الأعمال ،،، ريوقه ايين ، واطلالة الغرفة زوغة ، تطل على الحديقة والبرجين
ويوفر سيارة صغيرة رايحة رادة للبرجين طووول اليوم ، مثل ما لت الخيران مادري شسمها
واذا بتتمشين للبرجين بالضبط حاسبتهم 9 دقايق
ويبعد عن بافليون 12 دقيقة مشي بالضبط

انا شخصيا قعدت فيه ثلاث مرات وما احب اغيره

^_^

 

[توتــه]

اختي سكنت دورست ريجينسي اهو اربع نجووووم بس حيييييييل تمدحه

وهذي الاسعار نقلتها لج

الأسعار الإقتصادية للغرف بفندق دورست ريجنسي

* الغرفة الديلوكس العادية ( في الليله ) : أسعارها تبدأ من 16 د.ك إلى 30 د.ك وذلك حسب الموسم وأيام الإجازة
* الغرفة الديلوكس البريمير ( في الليله ) : أسعارها تبدأ من 26 د.ك إلى 30 د.ك وذلك حسب الموسم وأيام الإجازة
* السويت ( الجناح ) في الليله : أسعاره تبدأ بحدود 40 د.ك وتتفاوت هذه الأسعار حسب الموسم وأيام الإجازة

 

[انوثه طاغيه]

انزين بنات شرايكم بفندق اسمه د فيدرال بشارع العرب 4 نجوم الي تعرفه تقولي بلييزز

 

[الدانه الكويتية]

مشكووريين حبايبي علي الرد واسفه علي التاخير

 

[الدانه الكويتية]

شوفي حبيبتي انا حجزت بفندق فيدرال بشارع العرب وماادري زين وله شيين بس انه قرييب من كل شي

 

[Big_Love]

صباح الخير حبوبه طبعا انا دايما اخذ غرفتين وصاله

انا سكنت في ويستن كان حلو وفخم وسكنت في شقق فندقيه سمرسيت كان حلو وسكنت في متيارا هذا كان عجيب وسكنت في السن واي لاجون

وسكنت في دورست ريجينسي هذا اللي ما عجبني وكنت اول مره اروح ماليزيا فكان عن طريق سفريات

اما الباجي كنت احجز من النت او الشركه العربيه

 

[حلوى كويتيه]

دورست ريجنسي ماانصحج فيه لان النظافه موذاك الزود
والخدمه بعد يعطونج طاف

 

[عمشه المنتفشه]

انزين بنات شرايكم بفندق اسمه د فيدرال بشارع العرب 4 نجوم الي تعرفه تقولي بلييزز

شوفي هو مكانه حلو بس مره دخلناله عشان نبي الحمام اكرمج الله بس ماعجبني الحمام جنه حمام سوق شعبي ومتروس حشرات وزهيويه

بس الغرف وحمامه ماجربته ولاسمعت عنها

دشي قوقل سالي احسن تاكدي

 

[انوثه طاغيه]

مشكوره حياتي بعد هم بحثت عنه ومامدحووه لي
انزين شرايكم في فندق رويال جنتق؟ اهم يم فيدرال احد سكن فيه من قبل

 

[عمشه المنتفشه]

شوفي عندج النوفوتيل يههههههههههههههههبل 4 نجوم ومايفرق عن سعر فدرال بس فرق السما والارض

هو اجدد فندق بكوالا انصحج فيه سكنت فيه اعام وبسكن هالسنه ان شالله

 

[حلوى كويتيه]

شوفي عندج النوفوتيل يههههههههههههههههبل 4 نجوم ومايفرق عن سعر فدرال بس فرق السما والارض

هو اجدد فندق بكوالا انصحج فيه سكنت فيه اعام وبسكن هالسنه ان شالله

حبيت اسالج بعد النوفوتيل مثل بعد دور ست عن شارع العرب وشلون الريوق عندهم

 

[0ام الحلا0]

البنتائج عند الفدرال بالضبط عزالله يهبل سكنت فيه

 

[P!NKia]

فى كوالالمبور اخذى الماريوت بوسط السوق تروحين كل الاسواق من غير سياره كل شي قريب المطاعم والاسواق
اما لنجاوى انا سكنت بالشيراتوون روووعه

 

[عمشه المنتفشه]

حبيت اسالج بعد النوفوتيل مثل بعد دور ست عن شارع العرب وشلون الريوق عندهم

لا هو من على شارع العرب بس تروحيله مشي

تطلعين من باب الفندق يكون يمينج اسانسير تصعدينه الا انتي بالبافليون

يعني مو بعيده عن المعمعه دقايق بس

الريوق ماجربته لاني كنت اتنسى فكنت انام الصبح وتلوع جبدي من الروايح الصبح

 

[الرواسي]

خواتي باسألكم عن فندق أنكاسا شنو رايكم فيه وهل هو حلو ونظيف او لا

 

[don-3]

بنات عفيه حطو السعر وياليت تحطون لنا بالصيف كم يكون سعر الغرفه المزدوجه اذا 30 دينار حلو