افضل كتب مكتبة جرير

[بنت الانصاري 77]

يا خواتي جربوا تقرون كتاب الرجال من المريخ و النساء من الزهره
:gathering:

 

[grumpy22]

عاد تدرين ان هذا الكتاب من زمان عندي وللحين ماخلصته احس يبيله تركزين فيه وانا كل ما ابلش بقرا فيه يصير عندي شغل ويشتت انتباهي فيه

 

[قطرية كوول]

مشكوره حبيبتي

قاريته كذا مره

 

[توت وتين]

حلو الكتاب وصراحة استفدت منه

 

[ذكريات]

وااااااااااااايد حلو الكتاب بس ما كملته

مثل ما قالت grumpy يبيله تركيز

جم مرة ارد اعيده اذا احد خربطني او انشغلت مدة طويلة ..

 

[احلى قطريه]

سمعت فيه بس ماشريته شكلى بشتريه

 

[برونزية رشيقة]

مشكووووووورة على الموضوع ..

أنا شاريته من سنتين أول ما هبوووووا فيه الناس ..

قريت منه 10 صفحات وللأسف الترجمة حرفية .. فما يشد !!!

كلللللللللللللللللللللللللش ما استفدت منه !!!

صديقاتي شروا النسخة الإنجليزية .. يقولون أسهل وأوضح .

 

[^وجد قلبي^]

عاد انا ماحب اقرا الكتب اللى تقارن بين الرجل والمرأه ..

في كتاب مادري يمكن يعجبج نفس الكتاب هذا بس الكاتب واحد كويتي شباب اسم كتابه ((الرجال من العبدلي والنساء من الوفره)) وان شاء الله يعجبج

 

[سكادا بلو]

على كثر مااسمع عن هالكتاااب شووقتوووني اشتررريه ...

 

[دمعة يراع]

انا حبيت كتاب روبين شارما ... دليل العظمه .. روووعه .. شريته من جرير

ويقولون كتابه الراهب الذي باع سيارته الفراري حده عجيييييييييييييب ....

ابي رايكم فيه ..........

 

[ثلاثينية]

من زمان وبنت خالي تقولي اقريه لانها قرت النسخه الاصليه
وقالت انه ترجم ووايد مفيد
وانا مسافره اخذته من المطار و احاول كل يوم صفحه لانه لاهيه بالشقه وولدي صغير ولا انا احب اقري
ومع اني في بدايه الصفحات إلا اني بديت اكتشف اشياء حلوه

 

[rosemary777]

قريته ومااستفدت شي منه ولا ا1ذكر سطر واحد

 

[روح الدنيا]

شكراا

 

[opera]

نفس ماقالو البنات شاريته من زمان وقريته كله بس مافهمت عدل واحس الكلام مكرر بكل الفصول :\

يعني الكتاب كله يقول الرياييل غير عن الحريم .. بس

ودي افهم اكثر شنو يقصد بس ماعرفت


شرايكم يا بنات اللي قارينه وفاهمينه ويقولون انه مفيد يشرحون لنا كل فصل

 

[Stylist]

صح من احلى الكتب اللي قريتها

 

[pure feminine]

قااريه منه مقتطفات عـ النت صراحه حلووو


بس انا طبعي ما احب الكتب المترجمه مثل ما قالو البنات ما يشد

 

[زيـטּ عَبْس]

شوقتووني عالكتاب

 

[كاتبه حيرانه]

عندي من زمان بس قريت بدايته مو حلوووووو ماادري ليش هالضجه عليه

 

[^_^ حوراء ^_^]

انا قاريته بالعربي و الانجليزي

وصراحه كتاب يستحق القراءه

^_^

 

[محبوبه]

الكتاب روووووووووعه :ggdw:
فعلا ينبهج على شغلات يوميه انتي تفهمينها بشكل والرجل يفهمها بشكل ثاااااني تماما
اهو يشرح شلون ان الموقف الواحد كل جنس يفسره بطريقه مختلفه عن الجنس الاخر

ونزل منه الجزء الثاني المريخ والزهرة معا الى الابد
بس الاول احلى الثاني مافيه شي جديد نفس الافكار

فعلا اللي ما قرته لازم تقراه راح تتغير عندها المفاهيم عن الرجل وردة فعله في الامور

وسوري قرقت كثير بس لان شفت فيه بنات موفاهمين فكرة الكتاب حبيت اوضح لهم :tek: