افضل معطرات الجــو للمنزل واركانه ((شاركونا في تجاربكم))

[مزيونه وشقره]

السلام عليكم ورحمة الله وبركاته

شلونكم شخباركم حبايبي




حبايب قلبي نبي تجاربكم بافضل معطرات الجو اللي تستخدم للحمامات وانتوا بكرامه او للممرات والمطابخ او حتى لغرف القعده والنوم نبي المعطرات البخاخه للجو اللي موجوده بالجمعيات ماركه جليد وغيره وللبيت نبي تقولون لنا من وين تشترونهم وبالاسم :eh_s(9):

يالله انطر تجاربكم حبايب قلبي

:eh_s(17): :eh_s(17): :eh_s(17):
مع تحياتي يا حياتي

مزيونه وشقره​

 

[New Mum]

أنا احب الزيوت العطريه ملوت بودي شوب و طبعا مالنا غنا عن البخور

 

[زلابيا]

احنا نستخدم اصايل بخاخ شحلات ريحته نرشها مع البخور حق البيت

نشتري من سوق المعلم من عند الهنود

 

[اعييز]

هلا بالزين كله هلا



والله ياحبيبتي آنه استخدم حق :


1. الحمام تكرمين --> (( جليد )) جنه اسمه عبير البرتقال .. رشه وحده عقب ماتنظفين الحمام واتم ريحتها مده حلوه ترى حتى بره الحمام تشمينها يعني اذا حمامج صغير راح تختنقين لا اسمالله عليج .. بس الوحيد اللي حسيته إن ماشالله ريحته حلوه + يتم


2. داري --> الزجاج اللي على توت بري او فراوله .. بس ماادري شنو ماركته .. المهم الوردي اخذي المدوره .. والتوت - الازرق - الطوالي

بس مشكلته مايتم أكثر من 10 أيام


3. الصالة --> بخور .. او اللي تعطر - الشموع - وآخذ من بدي شوب : برتقال .. الوايت مسك حلو بس مايوفي حق الصاله فااحطه حق داري والفراوله ماعجبني اممم هذول اللي جربتهم وجربت مالوت لاندمارك هم موذاك الزود ..


4. الكفرات وأثواب الصلاة --> غير البخور رشوش اسمه أصيل .. يستهلك في بيتنا ماينفع اشتري بس واحد


وبس سلامتج وتعيشين

 

[الاسطورية]

انا ساتخدم بخاخات لاند مارك الفانيليا اينننن

واستخدم من الشايع رشاش بالفراوله وايد حلوه ريحته

مالوت الجمعيه ماحبهم وايد موثابتين بس مره شريت الي المعطر الي بالكهربا يشتغل كان يسحب ريحه الزقاير ريحته بالبرتقال كنت لما اشغله ريحه الدار تصير تينن

والشموع المعطره بعد خوش شي

 

[النبع الصافي]

جربي الي في سنتربوينت البخاخات الطواليه والمجموعه كامله من شموع وعطر الفواحه حلوه أنا جربت البنفسجي والموف والي لون المنجا ..

 

[@ دهن العود @]

انا شاريه الجهاز المعطر اللى بالشايع شريت منه 3واحد حاطته عزكم الله بالحمام وواحد بالممر وواحد بدارى واحط فيهم عطر بخاخ خاص فيهم على عنب او ورد او مسك بس رووووووووعه وتحطين التوقيت اللى تبينه انا حاطه كل 5 دقايق رشه

وطبعا ما استغنى عن البخور والمخلطات ضرووووووورى

وحاطه بعد بدارى المعطره اللى بالشمعه

 

[^مزهريه^]

الصاله وغرف النوم = بخور
الحمامات= glade + Detol + شموع
المطبخ = بخور او glade

 

[bnt q8 in usa]

صج اصايل وايد حلو وايد حلوووو
بس نسيت من وين اخذته جنه من المعلم بالسالميه
طبعا البخور+قلاد في منه بخاخ وفي منه بالكهرباء
والشموع
هذيل اكثر شي

 

[قلب راشد]

انا غراامي أروى من جنيد رووعه وفيه واحد من عطورات النبيل ما ادري شسمه لونه بيج وكبير

 

[jaggy-cat]

جربوا جليد اللي ريحته على ليمون على ما اعتقد قرطاسته خضره.

 

[لوكريسيا]

حق الحمام و انتوا بكرامة : جليد البرتقال او بخاخ الليمون

الغرفة و الصالة : بخور و رشوش الخلطة الفضية من الشايع أو رشوش أصيل و مرات ما احط بخور أحط المبخرة مالت الشايع اللي احط فيها الزيوت العطرية و اللي عجبني ان أخلط الفانيليا مع الإكزوتيك و أزيدهم ماي شوي عشان تخفف الريحة ماتصير مقموته و مرات أشتري البودرة اللي على لافندر من الجمعيات حق الزل أرش شويه من البودرة و بعطينها أشغل المكنسة واااو تصير ريحة الغرفة جنج داشة غرفة بفندق
و سلامتج

 

[نطوووعه]

الصاله بخور بس

الدار كلشي بخور و شمووع و زيوت عطريه و رشوووش


لوكريسيا مافهمت طريقه البودره ويا المكنسه بليز شرحيها عجبتني

 

[زلابيا]

لوكريسيا يالحلوه ابي اعرف الفانيليا والاكزوتيك من وين هذولي ؟؟

خصوصا الاخير اول مره يمر علي الاسم

 

[مواســم]

صح الجهاز المؤقت بخة كل ربع ساعة يهبل ويدوم وايد

وهم بعد الزيوت العطرية اخذها من لاند مارك طبعا لاغنى عن المعمول خصوصا مال القرشي .. ​

 

[مواســم]

لوكريسيا حلوة فكرة البوددددددددرة​

 

[island]

احلى شي هو عطر الغرف الكوثر من اجمل
بعدين ملطفات الجو اللي في لايف ستايل اللي بالفراوله و الفانيليا و اوشن وغيره
طبعا خلطات الحريم لا يعلى عليها

 

[لوكريسيا]

الصاله بخور بس

الدار كلشي بخور و شمووع و زيوت عطريه و رشوووش


لوكريسيا مافهمت طريقه البودره ويا المكنسه بليز شرحيها عجبتني

هلا و غلا نطوعة : شوفي حبيبتي روحي الجمعية صوب سوالف تعطير المنزل راح تلقين قواطي اسطوانية كرتون لون الأرضية أبيض و عليه الأنواع يعني انا أشتري اللافندر على القوطي ورد اللافندر البنفسجي ( على طووول أستخدمه ) و سعره بحدود الدينار

طريقة استخدامه : ترشين شوي من البودرة على الأرض ( الزولية أو قطع الزل ) و خليه بو 3 الى 5 دقايق و بعدين شفطيه بالمكنسة يعني كنسي الغرفة او الصالة عادي و بسسسسسسسسس سلامتج .. كنت بحطلج صورته بس توه خلص عندي انشالله لما اشتريه احط لكم صورته.
اي سؤال انا حاضرة حبوبات:eh_s(21):

 

[لوكريسيا]

لوكريسيا يالحلوه ابي اعرف الفانيليا والاكزوتيك من وين هذولي ؟؟

خصوصا الاخير اول مره يمر علي الاسم

هلا فيج زلابيا : عيونج الحلوة انا آخذهم من بودي شوب و احط تقريبا 5 نقط من الفانيليا و فوقها 5 نقط من الإكزوتيك و احط عليهم شوية ماي من الحنفية عشان الريحة تصير خفيفة و تحسين انج ريلاكس:eh_s(7):

 

[لوكريسيا]

مواسم : جربتيها؟