افكاركم معاي

[ام الدكاتره]

السلام عليكم
هذي اول مشاركه لي معاكم بهالقسم بس انا من اشد المعجبين فيه والمتابعين بنفس الوقت
ما ابي اطولها عليكم .....
انا زوجي الله يحفظه مفاجئني بسفره هالسنه لماليزيا وانا بصراحه ودي اعبر له عن شكري وافاجئه بهديه وخاطري تكون شي يسوه ودي اعطيه بالطياره او اني اسوي له شي يفاجئه عاد انتو و افكاركم الحلوه معاي
وعسى الله يسعد كل وحده فيكم ويفاجئه بو عيالها بسفرة العمر قولو آميييييين

 

[*مرامي*]

الله يهنيكم

وانا بعد ابي افكار بطلع من النفاس

 

[حلوه ولمآحه]

اب

اب

 

[^^المهره^^]

عسى الله يسخره لج دااايما يارب
بالنسبه لي اهوا ماسوالج هالشي ناطر منج هديه
يكفي تسعدينه هناك واتفانين بهالشي
وخللي الهديه حق مناسبه تخصه او تخصكم انتو الاثنين
عيدميلاده عيدزواجكم ترقيه .. جذي يعني
بس لاتعطينه الحين
اهوا صج انه ماقصر وشي وايد حلو اللي سواه بس ترى يتم هالشي من ضمن واجباته عليج و حقج عليه كزوجه انه يسفرج ويونسج

مادري هذا رايي وانتي و كيفج
ورحله سعيده باذن الله

 

[ام الدكاتره]

ما قصرتو كلكم الله يسعدكم وبالنسبه لكلامج اختي المهره صح 100% بس انا دايم احب ارد الطيب بالشي اطيب منه ومشكوره لا خلا ولا عدم

 

[^^المهره^^]

العفو حبيبتي وعسى الله يوفقج ويسعدج

 

[جوري 2007]

مادري مايبيله هدية ، يزاه الله خير بس مومال هدية
اخذيلج جم قميص نوم فنتق على لعبة زوجية على جم شمعة على رغوة بانيو على بكيني حلو
صبغي شعرج قبل يوم سفرتج بالليل وربطي شعرج لايشوفه
او اذا صاج حابة تشترين شي
وانتوا اهناك اذا اعجبه شي ومتردد ياخذه قوليله انا باخذه لك
حتى اذا قال لا ماابيه مشكورة انتي صري واخذيه
بيستانس

 

[اميرة-الاحجار]

انا اقول لاتعطينه هديه بس اكتفي انج تاخذين مجموعة صور من اول زواجك ليما يبتو عيالكم وتشوفونها بالطياره راح يستانس
ودلعيه اهناك بالسفره سويه يادهينه لاتنكتين
وان شاء الله يتم عليكم تروحون وتردون بالسلامه

 

[منيرة خالد]

والله احلى هديه تعطينا المره لزوجها اذا فاجئها بسفره

انها تريحه بالسفره ولا تغثه بالسوق والتشري وتخليه يشيل على قلبه جناط الدنيا

صدقيني أحلى هديه تقدمها المره لزوجها بالسفره انه يرد مرتاح ومستانس



أما الهديه خليها بمناسبة تخصه أو فاجيئه من غير مناسبه ترا حلوه يحس انج تهتمين فيه

 

[عقارية]

أخذي معاك عدة مساج وتعلمي فنون المساج
شموع وزيوت معطرة كل جزء بالجسم له كريم خاص

وبس الرجل مطالبه قليلة

والشي الجديد أنك تقدمين له شخصية جديدة غير اللي تعودها فيك
وكثري من الهدوء والصمت والترتيب والنظافة والنظام

ريحيه علشان كل مرة يأخذك ويكثر من هالنوعية من المفاجآت .