افكار حق نون

[فراشه1]

شلونكم بنات

حبيباتي بقيت افكار حق النون افيدوني يالغاليات والله محتارة شسوي

وشكرا لاتاخرون علي بليز بنات

 

[أم جوري]

السلام عليكم ورحمة الله وبركاته

وانا مثلش

 

[Harmony]

و الله انا عن نفسى اخلي وحده تسويلى و افتك

 

[أسيرة موني]

افكار للنون ؟؟

احنا نسوي النون مالنا

انييب جيس كبيييييييييييييييييييييير

ونترسه كاكاو وحلاو و علوج و بلاوي تتفخ المعده و تمتن لوووول

ونقعد بشكل دائرة <- هذا ما قبل التطشر

و توقف الي تبي تحذف النون ..

عاد مرة امي شسوت لووول

كانت بتسويلي انا واختي نون

وست الجيس الكبير هذا ,,

وان و عيال خالاتي و خوالي كلنا قعدنا بدائرة بس انا واختي بالنص

عاد امي قامت سوت روحها حذفت كاكاو تعالي شوفي اشكالنا و احنا نحط ايدنا على رسونا خايفين لا يطيح علينا

جان تكررها مرتين متنا على بعض من الضحك

وبس جان يصير وناسه جان

بث

 

[love love]

اي صح بس يبي سله كبيره وحطي الي تبين مع الفلوس وقطيهم فوق روس الناس

 

[جنتي^و^ناري]

انا مره سويت 20 دينار خرده والككاو طلع يمكن 30 أو أكثر

يعني لومخليه المبلغ كله خرده جان الكل حصل أكثر

أو نصه خرده والباجي مسويه عشا جان هم حلو

إحنا حتى الخدم نييبهم يطبون معانا بالنون عشان يستانسون وتعالي شوفي لمخامط ولصراخ والضحك

خلي شي يكون وناسه

 

[فن وذوق]

النون ما يبيله افكار
حلاته ببساطته من غير خبه
بس اذا ودج تسوين شي يعني ...
اقترح عليج انج تاخذين جياس حلوة وتوزعينها على الموجودين
واخذيلج سله حلوة فيها الحلاو والخرده وممكن تحطين معاها العاب صغار من بو اميه حق اليهال

 

[بنت الحزن]

النون اختي اهوا النون حلاته بشكله الاعتيادي بدون فناتق

 

[al7noona]

احنا نحط النون بزبيل ونوزع اجياس ونحط بالنون ككاو وحلاو وخرده وهالشغلات واهما يوقفون بالنص وانقطه عليهم

 

[supermarket]

حلاة النون بالطريقة القديمة

ولاتنسين تصوير الفيديو حق الضحك


وحطي مع النون شي فنتق يصير مثل الجائزة اللي تكون من نصيبة

 

[جارة القمر]

شوفي بنون ولد أختي

حطينا ألعاب من ب100 فلس

الصغار


وحطينا بطاط نايس

بأكياسه الصغار


وكاكاو وحلاو

بس التصوير كان فظيع

 

[Pink GirL]

شوفي حبيبتي انا آخر مره سويت نون السنة اللي طافت لما امي الله يحفظها طلعت من المستشفى قلت بنستانس ونونسها عقب اسبوع ذاقت فيه الويل بمستشفى الاميري الله لا يعودها من ايام
قلت حق خوالي وعيالهم وبنات عمي

الصراحه كنت مسوية النون مفاجأة محد جهزة معاي
صرفت 30 دينار خرده
ويمكن فوق ال 40 دينار حق الحلويات رحت جمعية الشامية خميت اغراض
ورحت المعلم بو 100 خذيت ميداليات صغار اللي على ككاو والعاب صغيرة كبر الككاو حق اليهال وهم خذيت سلال 2 شحلوهم كبااار حق النون
وهم رحت بارتي لاند بشويخ هم عندهم باكيتات العاب صغار

ولما رجعت البيت بطلت الكمبيوتر واخترت جم صورة حلوة للوالده وكتبت عليهم الحمدلله على سلامتج وسلامات يا الغالية وطبعتهم على ورق ستيكرز ولزقتهم على ككاو بو الفيل المربع صارت جنه الصورة اهي غلاف الككاو

وحطيت ارباع بعد بالنون سويتهم جنهم مهفة وربطتهم بشرايط الوان

حطيناا الوالده بنص الصاله وهااات يا تحذف صج صج استانست والكل استانس واكثر شي الخدااام اهم اللي يحصلون الشي الزين خخخ

وفكره الصور كلمن استانس عليها حتى عقب جم يوم رحت بيت خالي ولا ملزق صور امي اللي كنت حاطتهم على الككاو بصالتهم اليومية على براويز صغار

اتمنى اني فدتج حبوبة​

 

[رمانه كويتيه]

فى ناس شفتهم مسوين النون مدخلينه داخل تفاخيه كبيره وبعدين بطوها عاد شوفو النون اشلون يتناثر مع الفلوس

 

[جناش]

I]قبل شهر كان نون بنت اختي اول شي الديكور كله سوينا بالتور الوردي و النجوم ليتات وكانت بنت اختي ملبسينها لبس باليه ووايد حلو و زبيل النون كان عبارة عن ستاند مزين بالتور الوردي وليتات بطارية ملوت ايكيا وعليه سله كبيرة وحطينة الدنانير والأرباع و الانصاص داخل علب الحلاو البيتزا وحطينه 10 وحدة لراعي الحظ وقبل لانقط النون طفينا الثريات واعتمدنا على الأباجورات و ليتات النجوم و الليتات اللي بالسله و كان الشكل وووايد حلو حسافة ماعندي صور واذا كان ولد استخدمي اللون الأزرق بدل الوردي:eh_s(15): [/I][/I]

 

[^كويتية^]

حلوه سالفة جناش
بس افضل النون الأولي ببساطته ..،

 

[leza_q8]

السلام عليكم ورحمة الله وبركاته ...

شوفي حبيبتي هالرابط والموضع

http://www.q8yat.net/showthread.php?t=20931&highlight=%CD%DD%E1%C9
هزا تجربتي مع حفلة النون واتمنى اكون افتج

ربي يجعلهم من الزريه الصالحه ..

 

[ساره ستايل]

انا بعد افضل الطريقه التقليدية للنون
بس تقدرين تتفنتقين بخلطة النون

شوفي موضوعي على هالرابط عن نون ولدي..
واي استفسار انا حاظرة
http://q8yat.net/showthread.php?t=61785

وهذا النون سويته مخصوص حق رفيجاتي بالدوام لأنهم ما كانوا موجودين
حزة النون..
وكتبت لهم شعر اصغير(انا كاتبته<<يعني كللش) عن هالمناسبة
ولفيته على شكل اسطوانه وربطته بشرايط النون