افكار لعيد الأم

[كويتيه منكم وفيكم]

احلى مسا على الناس الكويسه ابيكم تساعدون اختكم الي منكم وفيكم بأفكار حق عيد الأم
ويسلمون الحبايب ياأغلى حبايب!!!!!!!!!!!!!!!!
:tomato2:

 

[جروح تبتسم]

انا ناويه هالسنه اشتري لأمي عباة جتف كششششششششخه بروح المشعل وباخذ لها عباااااايه رااااااااااقيه

مع لفتها ..... وباخذ لابوي نظاره شمسية

 

[ذكريات]

انا دايما افكر شنو ناقص امي

و هالسنة ان شا الله ناوية اخذ لها كفر

 

[znzn]

ناويه اعطي امى فلوس تشتري الى في خاطرها ومعاها احلى بوسه ورد:aha:ه حمره وصفره وبيضه

 

[ماكينتـ*زينة*ـوشة]

انا كل مرة اشتري لامي اخر جهاز (موبايل)
بس هالمرة حابة اغير

 

[Hapo0opaH]

اخر مره شريت لها بخور من العربيه للعود بس هالمره مادري شنو اشتري لها؟

 

[و-د]

بنات ماكوا احلى من تذاكر سفر حق العمره مع أقامه
السنه الي فاتت تحاططنا انا و اخواني و حجزنا تذاكر سفر حق امي و ابوي حق العمره مع اقامة في دار التوحيد حدهم كيفوا عليها
و ناويين هالسنه بعد و الصراحة اهيا اجر لهم و لنا

اشرايكم

 

[diamonda]

ود فكرتج وايد حلوه صج اجر ورضا لرب العالمين

انا فكرتي حق يدتي الله يطول بعمرها ويخليها لنا

صندوق امبيت حتى لو انا سويته بيطلع احلى بعد من بره الصندوق اغلفه بخام مخمل اسود واسوي تفاصيل الصندوق المبيت اللي انتوا عارفينها..
ومن داخل الصندوق احط خام ستان معفس بلون اسود..

واحط فيه الهديه: مثلا مجموعة بخور ودهن عود ومخلط وهالسوالف ومو شرط تكون من مجموعه وحده يعني تختارين لها من كل شي وتحطينه داخل الصندوق.. وكل شي تلفين عليه شريطه بلون احمر مثلا بيكون شكله مع الاسود وايد حلو مميز


او مثلا الهديه تكون خاتم وسواره ويكون الصدنوق المبيت اصغر طبعا حسب حجم الهديه

وتسوين بطاقه على شكل قلب (انتي تسوينها مو شرط تشترينها) وبره البطاقه تحطين شكل قلب صغيرون شويه بارز ومن داخل الحجي

بصراحه انا ادور على شي ما شريته حقها ومو عارفه للحين مو مقرره

نشوف اقتراحاتكم

 

[Maltesers]

العام حجزنالها انه وريلي العمره حقها وحق خالتي .. ووايد استانسوا

هالسنه

باخذلها كوبون من الأسطورة .. تحب تشتري الأسطورة وعندنا مناسبة بشهر 3 فرصه اني اخذلها كوبون من عندهم


خل نشوف باجي البنات يمكن ناخذ من أفكارهم الحلوه

 

[Pink GirL]

انا السنة بهون عن عيد الام
وبشتري لها ان شاء الله هدية بيوم ثاني

ومادري شاخذ والله امي اسم الله عليها كلشي عندها يبيلي اعصر مخي عصار

 

[love love]

خالتي وامي خذيتلهم مره ذهب ومره ساعه


هالمره بشوف حق خالتي بخوور

وامي يمكن بلازما بس طبعا نتحاطط كلنا

 

[BaiTotia]

والله مدري شاخذ لها!!!!!!!!!!!!

ودي ساعة لأن بخاطرها حبيبتي ساعة يديدة بس ميزانيتي ماتسمح

و الحين محتارة بين بدلة وجنطة خل أشوف

 

[bedour18]

امممممممممممممممممممممم احنا كل سنة غير

بس هالسنة انشالله ودي اعطيها فلوس أحسن تشتري اي شي بخاطرها

و خالتي تحب الأنتيكات و سوالف الديكور وايد، أفكر أروح A2z أشوف شي حلو هناك

 

[شهد ستايل*]

باسوى حق امى طقم تقديم ..بما انه هذا فنى ..هههههههه
وان شاء الله من يخلص راح احطه لكم تشوفونه .راح ابلش فيه هالايام بعد العيد الوطنى ..

وعلى فكرة تونى مطلعه طلبيه الاخت الغاليه فى المنتدى ..batoulizm
بس للحين ما حطيت الصور.....و اهى ما قصرت حطت المول فى موضوع ...شنو شريتى من المنتدى وعجبج

عاد انتوا بعد سوى نفسى.....وطلبوا من شهد ستايل
وانا تحت امركم ......

الله يخليلكم امهاتكم واهلكم اجمعين ان شاء الله ........

 

[@ربانة العود@]

انا اقوووووول
شرايكم بطقم مواعييين يموون على هالسوالف
ههههههههههههههههه

 

[al7noona]

انا ودي اشتري حق امي وخالتي ام ريلي قلب ذهب شرايكم حلوه الهديه؟؟؟؟؟؟؟

 

[بنت الشاميه]

أنا ناويه إن شاء الله أجيب حق أمى غرفه نوم جديدة حجزتها من ميداس