افكار

[فاميليا]

قوة بنات .. انا دايما تصير عندي افكار تصميم شيء او تصنيع شي ومرات انسى الفكرة صراحة فهل اكو ناس تشتري الافكار وتسوقها تجاريا ؟ انا الحين مثلا عندي تصميم لنفنوف للعيد الوطني وفكرة ما شفتها دارجة صراحة بس ممكن يستفيدون منها اصحاب المشاغل فهل مثلا يدفعون لي مقابل التصميم مثلا ؟؟ وكم الاسعار عادة مقابل تصميم معين ؟؟ الخبيرة تساعدني بليززززززززززززززززززززززززز:eh_s(1):

 

[أغلى الأثمان]

مرحبا

في الدول الغربية يبعون افكارهم

ولكن هنا في الكويت لا اعلم

ولكن اذا عندج تصاميم اذهبي لخياط وصممي افكارج وخلي لج نسبة لان بيكون عليه كل شيء
واذا اتشاركينه يكون احسن ويكون الربح بالنصف

مع تحياتي .........زز

 

[فاميليا]

مشكورة على الرد اغلى الاثمان اسم على مسمى والله

 

[really cat]

اتصدقين حلوه فكرتج

يعنى مثلااا جم حاطه ابالج اتبعين التصميم ؟؟

 

[((الزين))]

ليش ما تتفقين تكون لج نسبه من الربح احسن
عموما اذا حبيتى راسلينى عالخاص وانا تحت امرج
لان انا اتعامل مع مصمم أزياء بهالطريقه

 

[فاميليا]

مشكورين خواتي ريلي كات انا مو حاطة ببالي سعر لان اول مرة افكر هالفكرة وما ادري اذا دارج جذي شي بالكويت فاذا سمعتي ان اكو اشياء بهالمعنى وينعطى ارباح معينة قوليلي بليز .. ام عبد الرحمن انا ما اعرف شلون الاتفاق او النسبة ومشكورة على ذوقج وانا حابة اعرف الطريقة واذا انت تبين حقج التصميم تستفيدين منه تجاريا للعيد الوطني هم اوكي وتراه فكرة حلوة والله وما يحتاج مصممة يحتاج بس مشغل باسعار بسيطة والفكرة سرية للحين وحلوة للمدارس بعد وانا هذا اول تعامل لي بالتجارة فودي اعرف اذا الطريقة مربحة والا لا عشان استمر ومشكورين خواتي اللي ردوا مرة ثانية .. حلوين بنات كويتيات النسائية