افكـــار الصوايغ !! الردة قربت نبي افكار وفناتق

[منورة الكويتية]

السلام عليكم
شلونكم مغتربات مع الغربه وضيقة الخلق
بس الي يهون على الواحد الردة والتجهيز لها
انا صارلي جم يوم افكر بالصوايغ

:jbdwjbd:

نبي افكار حلوة حق الصوايغ من امريكا ومن باجي الدول
لان احس متوهقة مادري شنو ايب

ونبي اشياء حلوة فناتق يعني ماكو منها بالكويت وبنفس الوقت اسعارها حلوة

اذا وحدة تعرف عروض او شيئ تقولنا ولها الاجر ان شاء الله لووول

وبعد متى التخفيضات فيه شيئ ننطر ولاا نبلش نشتري من الحين

يالله حياكم اثرو النقاش

 

[travel]

كريمات فيكتوريا سيكرت عجيبه ومافي منها وجناط كوتش وجوسى كوتور ووشنو بعد بس راح تلاقين اشياء حلوة هناك واسعارها مناسبه

 

[travel]

من شهر سته تبدى تنزيلات الصيف ولكن سبعه تنزل ملابس الشتا

 

[منورة الكويتية]

تسلمين حبوبه

انزين حق اليهال بعمر 12لي 15 سواء بنت او ولد شنو هدية مناسبه لهم وماتكون غاليه


وحدة بعد بتتخرج من الثنوية ودي لها بهدية مميزة

هدية مميزة حق الوالدة وخالتي

وابوي وعمي شنو ممكن

 

[De3La^85]

انا هذي اول رده لي واحتمال ارجع بشهر 8 ان شاءلله

نفس الوضع متوهقه !! وحتى حق عمري ماشريت شي حلو ومميز مادري سوقهم مافيه شي الصراحه او انا للحين ما عرفتله !!

ابي بدله حق العيد وابي فناتق نفانيف حق الرمضان لان الحين هابين كل الماركات هابين بالنفانيف فاتوقع احصل....

اكو موضوع نفس موضوعج البنات يقولون اندر ويرات حق الحريم الكبار وجواتي طبيه انا ناويه اودي حق ابوي اجهزه الكترونيه اكسسوارات الاي باد والاي فون وهالسوالف وامي مادري اوديلها يمكن جنطه من ماركاتهم احسهم حلوين حق امهات كوتش ودي كي ان وايي واكو بعد ماركات غريبه اول مره اسمع فيهم بميسيز وو نوردستروم

وان شاءلله البنات يفيدونا

 

[De3La^85]

http://q8yat.net/showthread.php?t=587010



هذا الموضوع نفس المحتوى

 

[منورة الكويتية]

يسلمو دعووووووول ع الافكاؤ


بس بعد نبي افكار فنتوقيه

ومرات في اعمار تحتارين شنو اتيبين لهم

ف نبي افكار بعد

 

[منورة الكويتية]

اب
اب
اب

 

[So0oNa]

هاااااي منوؤة وترافل ودعولة

عاد توني كاتبة بدوانية المغتربات اني رادة على اخر ٧ باذن الله ومن الحين احاتي الصوايغ

خوش موضوع صج محتاجينه هههههههه

انا مخططة على شهر ٦ ياذن الله اروح اورلاندو الاوتليتات واتسوق

بس هم ودي مثل ماقلتو اشياء غريبة وفناتق

احس في مواقع مرات بالنت في اشياء جان زين اللي تعرف مواقع زينة واسعارها معقولة تفيدنا

انا من الحين ازهب الميزانية هههههههه بالكرسميس شريت صوايغ اكثر من نفسي .. جناطي كلها صوايغ واغراضي منقصين على كتر

واي صصصصج حدي ودي شي فنتوقي حق رمضان !!

عموما انا اليوم عطلت وعندي اسبوعين عطلة وانشالله بحوس بالنت لين اقول بس

اذا لقيت اي مستجدات على طول راح اوافيكم

ثانكس منورة على طرح القضية المهمة اللي تهم الشعب المغترب لووووول

لنا عودة : )

 

[AVE.NJ]

الكبار جناط قوتش من اوت لت واليهال ملابس اطفال اشكثر اخذيهم من السيل احسن لج وباث اند بدي عطر جسم
وانه هابه بالاكسسوارات اتينن والله يردج بالسلامه