افيدوني بسافر دبي لاول مره

[غلا الاحساء]

السلام عليكم

مساكم الله بالحب

وش اخباركم يابنات

بنات انا بسافر مع زوجي بعد اسبوعين الى دبي دار الحي

لاول مره انا وزوجي نسافر

ولااسف ماعرف شي عنها ابي افضل اماكن السياحه والمجمعات والمطاعم

وافضل شقق وتكون مناسبه وايش هو الحي حق الشقق المشهوره

وكمان شلووووون اتفاهم مع التكاسي علما بان زوجي مايعرف انجليزي وانا كمان مانعرف ميح للاسف الشديد

واللي اسمعه بان التكاسي اغلبهم اجانب ولازم اللغه الانجليزيه شلون بنتفاهم بليزززززززز

والمترو شلووون طريقته علموني

وبليزززز وش فيه من فعاليات وعالم مدهش وين مكانه باي مجمع احصله اتمنى اشوووفه

بليززز ابي كل شي ومدة السفره 5 ايام







*

 

[HmS al JaLiD]

ااب

 

[لمى الهاجري]

عندج فندق البستان هذا جنب جمعية الولو هناك وعندج فندق امارات مول يمون الفندق وتحته مجمع امارات مول وعندج القرية العالمية هناك كله فعاليات والعاب والسوق مقسم من كل العالم قطر بحرين اردن سورية الخ وعندج مجمع دبي مول هذا وايد كبي فيه كل الماركات

 

[لمى الهاجري]

ومجمع البرجمان واي هناك في مجمع صيني كلهفيه اشياء صيتنية عليه مجسم تنين السوق الصيني

 

[لمى الهاجري]

وعندج جميرة بيج وعندج اسواق شعبيةى سوق نايف شوق مرشد

 

[غلا الاحساء]

وين الباقي

 

[مجنون زعلآتك]

عندج مجمع برجمآن - امارات مول - دبي مول - سيتي سنتر ، و سكي دبي ( مدينه الثلج ) بـ امارات مول وآيد حلووة ، و عندج حلبة التزلج بـ دبي مول ، و مطعم ارز لبنآن حلوو ..

 

[»βαzεя«]

افضل اماكن السياحه والمجمعات والمطاعم

1) دبي مول - مول كبييييييير كل شي فيه وفيه محل كاكاوات وحلويات candylicious وهيرشي هم مال كاكاوات و اكويريم وواااايد اشياء وبره النافوره وفيه مطاعم ,, الوالده تمدح مطعم عبدالوهاب - يكون بره يطل على النافوره -

2) مول الامارات - نفس الشي موول كبييير وفيه سكي دبي - مال الثلج -

3) السوق الصيني (( دراغون مول )) - فيه سوالف الصينيين واكسسوارات وكل شي كل شي هناك .. بس ترا كبييييييير وطويييييييييييييل يعني ياخذ وقت بس يستاهل ..

4) القرية العالميه - فيها اجنحه من دول مختلفه ويبيعون اغراض خاصه بهل دول ومطاعم والعاب وهم كبيييييييييييييره ..

5) ابن بطوطه - صاير مثل متحف على مول وايد حلو بس شوي بعيد عن دبي

وهذا اللي يحظرني حاليا

 

[»βαzεя«]

والشقق مادري والله بس انا حاجزه عن طريق موقع booking.com انتي دشي الموقع وراح يوريج كل الفنادق واسعارهم والخ


وكمان شلووووون اتفاهم مع التكاسي علما بان زوجي مايعرف انجليزي وانا كمان مانعرف ميح للاسف الشديد ؟

التكاسي الاغلبية العظمى تتكلم عربي .. وحتى لو مايعرف راح يفهم وين تبين من الاسم ..


والمترو شلووون طريقته علموني
المترو سالي الفندق وينه ويدليج وماكو تروحين تقصين تذكره وتركبين توقفين عند محطه الثانيه ,, بس مايمدحونه وخصوصا الفتره اللي بتروحين فيها زحمممممه والمترو مو كل مره يوديج المكان اللي تبينه بالضبببببببببببط .. والله اعلم هذا اللي اسمعه

وبليزززز وش فيه من فعاليات وعالم مدهش وين مكانه باي مجمع احصله اتمنى اشوووفه
بدبي مول اعتقد .. بس اللي فيه فعاليات وبتستانسون فيه القريه العالميه


وللعلم ايضا ,, الجو بفترة الصبح يكون وايد حلو .. بس بليل برد .. فا عشان تعرفين الملابس اللي تاخذينها

 

[catwiti]

مثل ماقالولج البنات واهم شي لاتطوفين القريه العالميه اهي تفتح من الساعه 4 العصر لين 12 بليل وايد وايد يمدحونها لاتطوفينهاا حته الهدايا والصوغات راح تاخذينها من هنااك وعندج الركن الاوربيي يبيعون مكياج و عطورات بس بسعر ارخص من السوق
خليلها يووم كامل

عندج جميرا ووك وايد حلو اهو ممشى وفي مطاعم اعتقد بس الي راحو يمدحونه
وروحي سكي دبي و السوق الصيني كبيير في نااس يقولون مايسوا انتي اذا رحتي القريه العالميه ماتحتاجين تروحين السوق الصيني بس اذا حابه روحي وشووفييه يقولون يختصرج الصيين لووول
ترا اناا مارحت دبي بس ان شاء الله بررووح ششهر 2 الاماكن الي قلتلج عنهم الي اسمعهم يمدحونها اكثر شيي

وبالنسبه للفنادق دشي على موقع booking وشوفي الفنادق احنا حاجزين عن طريقه وحجزنا فندق وشقق فلورا بارك
بس اهم شي تأكدي انه مافيي ملاهي تحت بالفندق او بار وهالسوالف

 

[»βαzεя«]

http://www.q8yat.com/t1006117.html

هذي وحده من دبي وتستقبل تساؤلاتج يعطيها العافيه

 

[غلا الاحساء]

طيب

وش تنصحوني فيه وهل في فعاليات ووين

وبليزززز

الي تروووح الامارات وش تشتري من الامارات ماتحصله مثل بديرتها غير الزعفران علمووني

وايش الافضل ووين اشتريهم

 

[سمراء كالخمري]

دبي روووعه رحت لها كذا مره وماشبعت منها اسوقتها تينن

عندج

- السوق الصيني ((دراجون مول))((التنين))
له كذا اسم روعه يبيله يومين على ماتفرينه كل شي فيه ملابس العاب تكرمين اكسسوارات حمام ابجورات ملابس سهره كراسي مساج مطاعم عطور محلاته روعه

- دبي مول
روعه عندهم محل حلاو كبيرررررر نسيت اسمه بس فيه شجره كبيره كلها حلاو يمي _03BA:
وعندهم اكواريوم عالم تحت الماء لازم تدشينه وبنفس المجمع في دخله توديج حق كاونتر برج خليفه حجزو تذاكر انتي وريلج وصعدوا البرررج يوونس حده هذا احلى مجمع عجبني


-امارات مول
هالمجمع مو وايد كبير بس احلى شي فيه القريه الثلجيه تلعبين بالثلج وتتزلجين بعد لازم تروحين له لانه الوضع روعه هناك المطاعم الي فيه نفس الي عندنا بالكويت


-ستي سنتر المردف (( منطفه المردف))
مجمع يديد وحلوووو ضروري تروحون فيه كارفور ومطاعم وايد وفي قسم العاب بولينغ ومحل حلويات وفي لعبه اسمه ( iflay ) راح تكيفون عليها جنج قاطه روحج من طياره رووووعه:rerrerek:


- عالم فراري
روووووووووووووووووعه صار بأبو ظبي الطريج تقريبا 45دقيقه شوي طويل بس يستاهل الروحه العاب حق الكبار والصغار وايد حبيته فيه اسرع قطار روحي وشوفي بنفسج احلى شي تطلعين من الفندق من بعد الريوق وتروحين عشان لا يصير زحمه على الالعاب :eh_s(9):


- جولدن ستي
مدينه العاب فيها اسووووووقه وايد مثال تدشين حي الكويت فيها سوق كويتي
وفي حي السعوديه سوالف السعوديه موجوده
وحي البحرين لازم الحلوى البحرينيه موجوده وماي الورد وهسوالف جنج رايحه لهم
والحي اللبناني وال,,,,,,,,,,,,,,,, انتي روحي راح تعجبج بس ترا كبيره وتتعب روحي لها بليل عشان لا تخيسون من الحر الظهر:eh_s(14):


- فيستيفال ستي
هذي للاسف مارحت لها بس مرت حماي راحت تقول حلوه وكبيره نفس جولدن ستي العاب وسوووووق روحي شوفيها وقولي لنا عنها

بس هذووووول الاماكن الي رحت لهم وعجبووووووووني حيل حيل

- مجمع تايم سكوير
هالمجمع صغيروووون حده بس في كوووفي الثلج طبعا يلبسونج جاكيته وجوتي جنج رايحه اسكيمو الكوفي حده صغيرون بس حلو تدشينه وتشربين هووت جوكليت معه سعر التذكره وصوري يعني انتي بالاسكيمو انا فصلت على هالكوفي اسمه ((شيل اوت)) روعه برررررررررد


-غير سوق مرشد ونايف هذول اسواق شعبيه بالهوا الطلق اذا تحبين روحي لهم هم زينين

وبخصووص السكن عندج الجوهره مثل ماقالوا البنات حلووو ورخيص الليله تقريبا اقل من 30 دينار كويتي :rerrerek:


موفقه وسوري اذا طولت عليج بس لانه حاسه فيج 5 ايام لازم تفرين دبي فرررررررر لازم :eh_s(8):

 

[غلا الاحساء]

اختي

جولدن ستي. وين مكانه صاير

اذا عندك صور له

لاني كتبت بقوقل ولا طلع لي مو عارفه

وكماااان ان شاء الله الاسبوع الجاري تاريخ ٢٠راح اروح دبي كيف الاجواء هناك

 

[غلا الاحساء]

بغيت اسال عالم مدهش موجود ولالا

احبه واتمنى اشووف الفعاليات

والقريه العالميه هل مفتوحه ولالا

 

[Kuwaiti BW]

يعطيج العافيه على الموضوع