افيدوووني الله يخليكم !!

[جنى الجنتين]

بنات بدخل سيده من غير مقدمات ... انا الله يسلمكم الحين صارلي اسبوعين من دخلت التاسع

وقبل 5 ايام راجعت الدكتوره سوتللي سونار وقالتللي كل شي تمام الا ان الجنين بالعرض

لي الحين وننطر عليج اسبوع بعد يمكن يلف وانا اليوم على اساس موعدي وطنشت عند الدكتوره اولا لانه موعد ولادتي 28 من هالشهر وثانيا كل موعد بتسوي سونار ما صارت وانا احس البيبي لي الحين بالعرض شي الحل والحين دقيت على العياده عشان يؤجلون لي الموعد الزياره يوم الاحد اشوف شيصير ارييييييد مشورتكم يا اهل الخير لان الدكتوره تقول اذا استمر بعد اسبوع بالعرض بعد راح تولدين قيصري وانا مابي ابي طبيعي ... الله يعين شسوي ؟؟؟؟:yaaaaaarb:

 

[GaLbI t7aWaL]

يا حبيبتي لا تحاتين وخلي آملج بربج كبير

انا اسمع وااايد ان الياهل بالعرض

و وقت الولاده برووحه يلف ويصير الراس تحت

هالله هالله بالاستغفار

والله استغفري ربج وشووووفي

 

[جنى الجنتين]

ششسوي حبيبتي وانا توى خدامتي اذلفت تقول ما بي اطفال بعد 3 اشهر والحين احاتي عيالي اشلون بيروحون المدرسه

وانا نفاس ما قدر احرك شوي ... يا معين اعني

 

[Eng.Kokoro]

الله يسهل عليج ويقومج بالسلامة يارب

 

[لحظة لقاء]

ربي يهون عليج حبيبتي

بس عادي وقت الولادة يرجع وضعه الطبيعي

 

[جنى الجنتين]

اااااامين رب العالمين الله يسمع منكم ان شاء الله اتمنى

 

[مس لوتس]

االله يسهل عليج رفيجتي طول حملها البيبي راسه فوق ووقت الطلق فر راسه تحت مع انهم قايليلها قيصري

 

[جنى الجنتين]

الله يسمع منج ان شااااااااااااااااااااااء الله

 

[رفاعيه]

الحبي يقولون وايد زين يفر الياهل انج تمشين علي يدج وريولج

 

[مريوم الجميله]

الزمي الاستغفار وادعي ربج وانا بعد بدعيلج ..يالله ياربي تهون عليها وتسهل ولادتها ..ان شاء الله سهالات لا تحاتين

 

[english muffin]

مرة قريت اذا تحركتي وايد يرد وضعه الطبيعي
بس مو متأكده

 

[نجمة فجر]

امشي

وحاولي تحبين وفي الصلاه طولي بالسجود


الدكتوره قالت لي شبحان الله الياهل ليش اينزل راسه تحت
اولاً لان هذا الوضع الطبيعي للولاده
ثانيا اريح للياهل لان اراس اثقل من الجسم فا اذا مشيتي الياهل بيدور الوضعيه اللي اتريحه اللي اهي بينزل راسه تحت عليج بالمشي

 

[جنى الجنتين]

لي الحين ما في شي يبشر بالخير الله كريم

 

[ام الحلوااات]

اللــــــه يــــهــــــــوووون عـــــلـــــــيـــــج ويــــقـــــومـــــــج بــــاالـــســــــــلامـــــه​

 

[سوسن1980]

روحي الحكومه شوفي شيقولون ترا المستشفى الخاص دايما يبالغون عشان المره تولد قيصري