اقتراح ما بعد المعرض

[المهفة]

مساكم اللة بالخير بنات
قبل فترة كان لنا ملاحظات على المعرض0 الحين المعرض خلص وكل وحدة فينا عندها حصيلة لاباس فيها من الكتب والروايات0 البعض بدا يقرا ويمكن فينا من خلص رواية او ثنتين0
اقتراحى بنات ان كل وحدة فينا تخلص رواية تكتب نبذة عنها 0يعنى ناخذ فكرة وبدون تفاصيل وعشلن تعرفون اشلون انا ببتدى0
الرواية اسمها تلك العتمة الباهرة
الكاتب الطاهر بن جلون
السعر 3 دنانير
المكتبة دار الساقى
ملخص الكاتب يتكلم عن واحد من سجناء تزمامارت فى المغرب بعد ان افرجو عنة 0انسجن فى 1971 وطلع فى
و1991 وكان عددهم 24 سجين وماعاش منهم الا 4 ماتوا بدون محد يلمسهم بس الموتلت كانت شنيعة وعلى سبيل المثال واحد مات من الامساك والباقى افظع0
راءيى بالقصة رااااااااااائعة وتستاهل فل مارك
على فكرة انا قريت قصص مساجين وايد بس بحياتى ماسمعت اوقريت مثل سجون المغرب 0يعنى سجن عايلة اوفقير اللى دوختنا فية وكل شوى منزلة عنة كتاب تغير اسمة والمضمون واحد يطلع عند هذا 0(تسيورة)
الكاتب مو طبيعى الطاهر بن جلون 0التسلسل السردى عندة عجيب ماتوقعت انى اقرا كتاب 223 صفحة بيوم ونص وبدون ملل لاوبعد طول مانا اقرا خايفة يخلص0الحين دوركم اتحفونا ياحلوين

 

[المهفة]

محد رد على الموضوع
الظاهر للحين تقرون ماخلصتوا مو مشكلة حبايبى
ناطرتكم

 

[دلع السلاطين]

شكله الكتااب وايد حلوو حبييت القصه
انا للحين مابلشت بالكتب الي شريتهم
لانه قاعده اقرا روايه عابر سرير
اول ماخلص ببلش بالكتب

 

[غيدآء]

انا كذلك لي الحين ما خلصت ان شالله بس اخلص راح اكتب نبذه عن حصيلتي

وشكرا

 

[المهفة]

دلع السلاطين وبنت جاير فى انتظاركم حبايبى
باقى البنات لاتبطون ترى متشوقة لكتبكم ورواياتكم حيل

 

[المهفة]

بنات اشدعوة على الاقل رفعوا الموضوع على ماتخلصون قراية

 

[نـ(المطيري)ـازكـ]

رد : اقتراح ما بعد المعرض

هلا اختي المهفة ..

ترى في موضوع نفس موضوعج بالضبط .. حتى تشملة صور الكتب ...

^_^

 

[غلا ستايل]

حسافه ما شفتني عندي كتب يديده وايد شريتها ودي اخلص منها واناقشكم فيها.....

 

[عيون منوعه]

انا ما بلشت بـ ولاكتاب لأن امتحانات <~ الا كتاب واحد :krkrkr:

الذين رأو الحقيقه

عجبني حيل حيل يشوق و نهاية كل قصه تكون مو متوقعه !
بس للأمانه وايد حلوو

و الباجي بعدين لأن انا الحين في فترة امتحانااااااااااااااااااات ادعوووووووولي :yaaaaaarb:

 

[بنوتة طموحة]

أنا بعد في طور القراءة <<< لووووول يتربى بعزج الطور

 

[المهفة]

عموما بنات انا ماحطيت بالى ان فية موضوع مشابة لموضوعى بس ماعرف اذا كمل ولا لا
منية لين تردون على وتقولون كملى ولا وقفى بقولكم عن رواية هم تونى مخلصتها وبصراحة هالرواية انا شريتها اول يوم المعرض ووقفت عند نصها واليوم كملتها
الرواية اسمها فسوق
الكاتب عبدة خال
المكتبة جرير
السعر 3 دنانير
موضوع الرواية عن حادثة صارت فى مدينة جدة بالسعودية عن بنت بعد ماتموت وتندفن يلاقون قبرها منبوش وفاضى ثانى يوم0 وتبدا ملابسات القصة وين راحت ؟منو خذاها ؟صج ماتت ولا مخططة لشى ؟القضية تتحول راى عام والصحف تناقشها وبعد ماتهدا الامور يعنى بعد سنة من وفاتها تنكشف الحقيقة ؟اللى ماراح اقولها لكم
القصة حلوة ومشوقة جدا الكاتب لاشك متمكن وعندة بلاغة بالتصوير عجيبة يتطرق فى روايتة لمناقشة اكثر المشاكل فى مدينتة جدة 0بصراحة لاتطوفكم
عرفت ان احنا الحمللة بالكويت عندنا المقابر محفوظة والعمل داخلها منظم0تدرون ان بجدة المقابر بين البيوت 0وتاجر عجبة موقع مقبرة طموها وسووى عليها قهوة يتجمعون الرياييل فيها ضحك وشاى ويدوسون على الميتين0وراعى المقبرة اذا مالة خلق قالك ماكو مكان شوف المقبرة الثانية لدرجة ان واحد لما ردوة اكثر من مقبرة قال خلاص لامات الميت نحطة بكيس زبالة ونقعدة عند الباب وتجى البلدية تاخذة0
بنات هذى الرواية الثانية اللى خلصتها وقلت لكم عنها0
اشرايكم اكمل ولا اوقف عن الكتابة لكم
انطر ردوودكم

 

[جبنة بيضة]

يعطيج العافية

انا قريت يوم تبلى السرائر و ما عجبتي

خذيتها من جرير

القصة وايد محبطة و حزيه و كل ضد الريايل و المحور الرئيسي

اهو عن كتاب السر حتى حاطه في البدايه

تحسفت شريته

 

[المهفة]

ياجماعة ردوا اكمل ولالا

 

[miss-fofo]

احسن شي تكملين في الموضوع هذا

http://www.q8yat.net/showthread.php?t=724019


علشان ما تتعبين وانتي تكتبين ملخص الكتاب وآخر شي البنات ما يدخلون موضوعج

 

[المهفة]

مس فوفو تسلمين حبوبتى على التوضيح