اقرواااا معاناتي ؟؟؟؟؟؟؟؟

[تفااحة]

السلام عليكم ورحمه اللة وبركاتة ***


أنا صارلي سنتين وشوي متزوجة والحمدللة حياتي مستقرة ومرتاحه مع زوجي ويحبني وللة الحمد خصوصا احنا تزوجنا عن حب واعجاب ببعض بمايرضي اللة تزوجنا وكان حلم زوجي بالعيال مشكلتة انة يحب الاطفال بزيادة وهالشي لاحظتة بتصرفاتة مع عيال اخوانة وطلعاتنا لما يشوف يهااال يطالع فيهم ويحاوول يتقرب منهم :ioljnmlk: .....
انا كنت اطالعة واسكت واقول بقلبي متى ياربي ترزقني مرت 6شهور من زواجنا قلت لازم نرووووح نسوي تحاليل الحمداللة طلعت كلها سليمة مافينا شي والحمدللة عطتني الدكتورة كلوميد وقعدت اتابع التبويض وكل شهر اتمنى واحلم الدورة ماتجيني ويصير العكس ولاحين على هالموال مافي دكتور ودكتورة مارحتلهم بالكويت ماعندهم غير الكلوميد تعبت منة نفسيا سوويت اشعه الصبغة والنتيجة الحمدللة حلوة بس هم ماصار الحمل قعدت ارووح للحريم بكل منطقة بالكويت ((((الي تبي تقولي)))كلامهم مايقنعني مع اني مرخت بطني على قولة الحريم وهم ماكو نتيجة ياربي شسوي مع اني ادعي ربي كل يوم مالي غير الصبر مليت من سؤال النااااااس ( ها ماحملتي؟) اقولهم اللة كريم رحت لوحدة من الحريم المعروووفات بالكويت وسمعتهم الكبيرة بالعلاج بس شنو قالتلي قالت يابنتي لاتعبين نفسج بالكلوميد والدكاترة انتي مسحووووووورة موقفين نماج الي مايخافووون اللة كانت صدمة لي اصدقها اجذبها مادري تعبت رحت لمطاوعه اقرا بس ماالتزم ..... حياتي صارت عذاب ماغير هالموضوع افكر فية اثر على حياتي وعلى دوامي وصحتي ضعفت حيل خليت الكشخة واللبس وانا معروفة بحب الكشخه تعبت شسوي احاول اتأتقلم مع الوضع بس موقادرة اطالع قرايبي واخواني الي تزوجو بعدي ياهم عيال اتضايق واللة يهنيهم بس واللة خايفة ومتضايقة على زوجي ودي افرحة بس ماباليد حيلة؟؟؟؟؟؟؟؟؟؟؟؟


دعواتكم لي؟؟؟؟؟؟؟ (((( الللهم لاتذرني فردا وانت خير الوارثين وارزقني وعافني واعفو عني واحفظني من كل شر)))))))

 

[ام طلال]

الله يرزقج بالذريه الصالحه يارب

 

[>>روضـة الحسـن<<]

انشاءالله مافيج الا كل خير
بس ادعي ربج انه يرزقج بالذريه الصالحه


الله يوفقج

 

[Yasmin]

الله يرزقج بالذريه الصالحه يارب

الللهم لاتذرها فردا وانت خير الوارثين وارزقها وعافها واعفو عنها واحفظها من كل شر

اللهم امين

 

[بــ زايد ــنت]

الله يرزقج بالذريه الصالحه

لا توسوسين اختي ولا تياسين خلي ايمانج بالله قوي

 

[الفرس الاصيل]

الله يرزقج امييييييييين

و تحملي الشيطان يخليج اتيأسين من رحمة ربج..

و عليج بالتلبينة وصفة نبوية للحمال.. و كثري صدقات و استغفار

 

[a7la2006]

الله يرزقج انشالله ما ايي الشهر الياي الا انت حامل بقدرة واحد الأحد رب العالمين

 

[Tosta]

عيل عليج بشي وااحد اتسوينه ... اترقين نفسج ابنفسج والله المستعاااان .. سالي مجربه
وبتشووفين النتيجه جنه حلم مو صج سبحان الله

 

[عــاشــقــة الــذووق]

اعرف وحده من قرايبي ساحرينها بالرحم وبالفعل كاهي احين مستمره بالرقيه الشرعيه مع احد الشيوخ هنا في البحرين يارب ربي يكتب لها الشفاء ولك وادعي بنفسك بكل سجده 40 مره ربي لاتذرني فرداً وانت خير الوارثين وان شاء الله ربي مراح يرد دعائك انا سويت هالشي وبفضل الله حملت عقباااالك يارب راح ادعيلك يابعدي

 

[كــلي ألـــم]

الله يرزقج بالذريه الصالحه ويعوض صبرج خير

بس لاتيأسين من رحمة الله وتوسوسين

 

[مستكه]

الله يرزقج بالذريه الصالحه


واقري سورة البقره كل يوم ماراح تاخذ منج ساعه وبعدها الرقيه الشرعيه وباذن الله بتشفين وماله داعي شيخ يقرا عليج


انا يوم قريتها شفت احلام مزعجه من الحسد والعين

وابدئي الاستغفار 1000 مره باليوم(استغفر الله واتوب اليه)

 

[زينانه]

الله يرزقج الذريه الصالحه
وتفرحين بشوفت عيالج
انا معاي وحده بالدوام صارلها خمس سنين كله تعالج وحالتها حاله(يعني انتي احسن منها)
وملت وتركت امرها لله ............وفجأه ( حــــــــــــــــــــــــــــــــــــــامــــــــــــــــــــــل )
يا سبحان موزع الارزاق........والله من كثر فرحتنا لها بجينا بالدوام
والحين عندها طفلين لااله الا الله مثل العسل

 

[*غلاااي*]

أختي تفاحه انا كنت نفس حالتج

واسمع النغزات من كل مكان ومابقى دكتوره مافتحت عندها ملف

وكلهم يقولون سليمه ولما تأخر الدوره يومين كنت اقوول اني حامل واستانس بشكل ماتصورينه

بس اخر شي تنزل علي وكنت اتضايق وابجي وارجع واروح لاي دكتوره يمدحونها البنات

وقبل ست شهور تقريبا قمت احاول انسى هالموضوع واحط فبالي انه الله متى ماكتب هالشي بيصير

وكنت ادعي في كل صلاه وبين الاقامه والاذاااااااااان ترى الدعااااااء مستجااااب اغتنمي هالفرصه

وقبل صلاة الفجر امسك مصحفي واقرى وادعي وهم زوجي كان نفس حالتي والحمدلله والله ويشهد علي ربي

ثاني شهر تأخرت الدوره خمس ايام قلت لا ماراح احلل اخاف ترد علي الضيقه واقعد افكر بهالموضوع وانا احاول انسىى

بس زوجي غصبني انروح للعياده عشان التحاليل وحللت والحمدلله طلعت حامل وانا انصحج بالدعااااااااااااااااء وقيااااام الليل

وهذا الدعاء اللي كنت ادعيه بين الاذان والاقامه
*اللهم اني اسئلك بإن لك الحمد لا إله الا انت المنان بديع السموات والارض ياذا الجلال والاكرام
ياحي ياقيوم اللهم اني اسئلك ................. وقولي الدعاء اللي تبينه


وهم خلي زوجج يروح يفحص ويسوي تحاليل ويجيك على كل شي

 

[m e m e]

انا بعد صارلي سنتين و الناس تعاير و تقط حجي و احنا سلمين ماكو الا العافيه

قولي الحمد الله غيرج مشاااااااااااكل و امراض انتي انسى الموضوع ترى الدنيا ماااااااااااااااااااااااااااااااااتسوى و العيال ماهم سعاده يمكن يكونين خير لج او عله علييج

 

[ktkota_we9we9]

الله يرزقج بالذريه الصالحه ياااارب
واللي فيه الخير والصالح الله يكتبه لج انشالله

 

[nenoo]

حبيبتي ماعليج من هالحجي الفاضي هذا بيد رب العالمين متى مالله كتب راح تحملين لاتحاتين وانتي توج ماصارج وايد متزوجه عيل اللي اقعدوا سنين شيقولون؟؟ ، اهم شي تسوينه الاستغفار والدعاء وان شاءالله الل يرزقج بالذريه الصالحه قولي اميييين

 

[xxx]

الله يرزقج بالذرية الصالحة ويرزق كل محرووووووم

 

[أم الشيخ]

وينك عن نصيحة نوح عليه السلام ؟
" قلت استغفروا ربكم .. إنه كان غفاراً
يرسل السماء عليكم مدراراً
ويمددكم بأموال و بنين
ويجعل لكم جنات ويجعل لكم أنهاراً .."

عليك بالاستغفار .. والتوبة .. وكثرة الاستغفار .. والتوبة الخ الخ ..
ثم التسليم لأمر الله تعالى .. واتنظار الفرج منه وحده لا شريك له .

 

[شاي اخضر]

انا مع البنااات بكل كلمه واحب ازيد ليش ماجربتي التلقيح الصناعي جربي مرتين وعقبها جربي الانابيب هذا طرق تساعد على الانجاب ماتدرين يمكن معاج اتهاب او شي يمنع وصول السائل جربي حبيبنتي وتوكلي على الله سبحان وموفقه

 

[pink-rose]

الله يرزقج بالذرية الصالحة عاجلا وغير اجلا يا ارحم الراحمين

حاولي تقرين سورة البقره وتكثرين من الصدقات والاستغفار