اقرواااا معاناتي ؟؟؟؟؟؟؟؟

[.>حــــــــ(و)ـــراء<.]

الله يرزقج الذريه الصالحه عاجل غير آجل

 

[هى وبس]

حسبي الله على كل من ضر اخوه المسلم

الله يرزقش حبيبتي والله الله بالدعاء

 

[¤§ زيتونة §¤]

حبيبتي الله يرزقج وتفرحين

وانشاءالله ربي يبرد قلبج بالذرية الصالحة



انتي بس سنتين الحمدلله في ناس اكثر من عشر وانا تسع ولله الحمد يتني بنت مثل العسل


كثري من الاستغفار والدعاء والله بتحملين بدون ما تحسين



والله يرزق كل من طال انتظارها وربج كريم


والحمدلله على كل حال

 

[foozia_87]

حبيبتي انتي نفس معاناتي والله اني قاعده اكتب لج وانا منهاره منهاره
انا كرهت الازواره واليمعه مع كل الناس والاستقبالات وغيرها بسبب انهم يسالوني وباستهزاء او باسلوب ينرفز وانا اضبط حالي لكن من داخلي اتقطع وانطر بس ارد البيت علشان ابجي على سيادتي
كرهت اللبس والمكياج والاكل كان وزني اول ماتزوجت 87 والحين 51 من غير رجيم ولا شي عادي اتم 3الى 4ايام ما اكل ويعور قلبي زوجي حيييل واستانس اني اسافر وابي اسافر انا ويا زوجي ابروحنا من غير احد واصكر الموبايلات وما ابي اكلم احد ولا اتواصل مع احد
بس قوليلي شلي بيدج وبيدي نسويهاو نقدر عليه واحنا ما سويناه
ولا شي بس الصلاة والدعاء والصدقه وانا قاعده اكابر وادوس على مشاعري وحبي للياهال واقول ابي اعيش حياتي لعب وغشمره بس من داخلي شي ثاني
ربي يعوضنا بالذريه الصالحه ويصبرنا آمين

 

[هتووف]

االله يرزقج انشاالله ويرزقنا

 

[كويتيه مذهله 87]

أمبيه كل حرف كتبته نفس حالتي بس أنا تزوجت عن طريق الأهل
صارلي سنتين وسبع شهور من تزوجت ولا مره حملت ما خليت دكتور ما رحت ما خلوا أبره وكلوميد بس ماكو فايده كل إلي معاي متزوجين الي حمل بالثاني الله يتمم عليهم بس صج يحز بخاطرج أنا ليش ماحملت!
قالوا يمكن جابسينج وحده أحلبت علي غيرت شقتي رحت حق 4 شيوخ وساده ماكو فايده
الرقيه ما أهدها بس لي الحين مو فاقده الامل وإن شالله عن قريب راح يرزقنا أنا أبي أحمل بس علشان أفرح أمي وريلي

 

[ام الكتكوته]

الله يرزقكم كلكم يارب

تصدقين انا بعد متزوجه صار لي اربع سنين ونص ويبت بنت ومن عقبها ما حملت كلش

مثل ما تقول مذهله لي تزوجوا معاي يابوا على ثلاث يهال والي عقبي يابوا على ياهبين وانا يتقطع قلبي والله

بس شبيدي اقول

ما اقول غير اللهم اجرني في مصيبتي واخلفني خيرا منها

 

[تفااحة]

مشكووووورين واللة ماقصرتوا خففتوا علي شوي وانا الحمدللة ايماني باللة قوي وانشاللة بيرزقني ويرزق كل محروووووووومة ياااااااااااااااااااااااااااااااااااااااارب .....


واللة فرحت بتفاعلكم معااااااي مع انها اول مشاركة ......................

 

[Swan]

الله يرزقج ان شاء الله بالقريب العاجل

بس اهيا شلون عرفت انج مسحورة ؟؟؟
اهيا قرت عليج ؟ والا شنو سوت ؟
وبعدين السحر يبين مع الاعراض بالقرايه وغير القرايه
هذا غير الكوابيس والاحلام الغريبه

ترى حتى القراي الشاطر ما يعرف شنو فيج الا بعد ما يسألج ويقرا عليج اكثر من مره
وهم ما يكون متأكد ..
فلا تسمعين كلامها ولا تحطينه في بالج

 

[الصابره]

حبيبتي صاحبة الموضوع ماله داعي اليأس و التشاؤم

ودايما قولي ربي راح يرزقني وتفائلي لا اتحبطين نفسج

اذا الله ما رزقج الحين ان شاء الله الايام يايه وانتي بعدج اصغيره

غلطتج انج قاعده اتدورين من طبيب لي طبيب وهالشي خلاج ابحيره وقلق

ثبتي على طبيب واحد بس لا اتروحين حق اي طبيب اول شي سئلي واستفسري و الرزق اولا وآخرا بيد الله لا بيد الطبيب ولا بيد هالمره اللي تقرى مادري اتدهن ولا بيد هالشيخ ، وبعدين الكلوميد هذا بداية العلاج يعني توج بأول المشوار وحالتج بسيطه ما تحتاجين يمكن اي علاجات ونصيحه مني استمري على قراءة سورة البقرة انتي وزوجج وان شاء الله اتبشرينا عن قريب.

 

[اوملييتا]

الله يعوض صبرج خير انشاء الله
و حبيبتي لازم ما تخلين هالشي ياثر على حياتج مع الناس دايما خللج قويه ولاترضخين اللا لله سبحانه في صلاتج و ديري بالج لا تهملين نفسج ترى هم ريلج له حق عليج لازم تهتمين فيه و بنفسج

 

[ام يوسف القمر]

حبيبتي الله يرزقج يارب ويرزقنا
وبعدين لاتروحين لاحد اتكلي على الله صدقيني انتي وايد متعبة نفسج ونفسيتج احنا مرينا بنفسية بس لاتروحين حق الحريم شوفي انا سبع سنين مافكرت اروح حق الخرابيط
اقري القران واتكلي على الله واقري البقرة سبع ايام متواصلة واذا سحر او عين او حسد باذن الله يروح هذا شريط خالد الجبير سمعية وايد زين وريحي بالج واخذي زجج وسافروا وغيري جو ان شالله تردين وناتي حامل وانسى الدنيا والناس محد بينفعج الا رب العالمين تفالي وصدقيني الله انشالله مايضع تعبج بس هم اقولج هالله الله بالقران والله يارب يفتح عليج ويرزقج ويرزقنا ويرزق جميع البنات