منوووووله
*عضــوة شرف في منتديات كويتيات*
اشلونكم بناات :>
يوم الخميس كانت زوارتنا واحنا بالطريج صوب المسيله لفت نظرنا الطيارات الهوائيه ماشاءالله اشحلاتهم
واكبار ورحنا صووبهم وشفنا ,,,
سيارة الفارسي الي حطوها برنامج بنات وبس للطائرات الورقيه والتي تعتبر اكبر الطائرات بالعالم :>
والحلو بالموضوع الروح الرياضيه الي متواجده فيهم وحبهم لهذه الهوايه خلاهم يتسابقون معه العالم لعمل اكبر علم
بالطائره الورقيه وبالفعل دخلت موسوعه غينيس لأكبر علم وهوا العلم الكويتي ,,
وطبعا لازم منووله النووسه اتسوي لقاء معاهم وتتسأل :eh_s(6):
اسئلتي معه القروب الفارسي :
منووله : من وين اتيبون الطائرات الورقيه ؟؟
الفارسي : طبعا كلهم طلبيه من برى والتصاميم تكون تصاميم خاصه لنا و من كذا دوله مثل هولندا والمانياا
منووله : ماشاءالله ,, انزين ماياكم عروض للبيع مثلا ؟
الفارسي : هههههههه , اذا الطياره الوحده تطلع علينا مابين ال 1000 الى 1200 دينار للطائره الوحده جم بنبيعهم !
منووله : ماشاءالله تشتري طياره ب1200 دينار عشان هوايه !؟!
الفارسي : على قولتج هوايه ! واحنا كل اسبوع نتيمع بمكان ونطير فيهم الطائرات ملووتناا وماشاءالله الناس تتيمع
وفي منهم يجرب يطير وبعضهم ايشاركون بطائراتهم ويانا بس ساعات يكون الجو مايساعد فنروح اماكن ثانيه يكون فيها
الهوى زين ,,
منووله : مشكووره ويعطيكم الف عافيه وبعد اذنك حابه احط تقرير عنكم بمنتدى كويتيات النسائي اذا ماتمانعون :eh_s(6):
الفارسي : بالعكس لنا الشرف والله ومشكوره ماقصرتي ,
وانتهت مقابلتي معاهم ورحت اصور الطائرات ولكم متعه المشاهده ,,
عيالي وريلي راحو يجربون معاهم انا واقفه بس اصور :>
يتبع :ggdw:
