يالله بقول باجي جرايمي
قبل انا وولد خالتي كنا عصابه محد يقدر علينا وغرامنا نشقح السطح مادري ليش بس نستانس واهو اكبر مني بسنتين ... المهم كل مره يتعلق بالباب ويصعد على الطوفه اللي بينا وبين اليران بعدين يطب بالجهه الثانيه اللي ورا الباب عشان يفتحه لي ونروح الدري اللي يوصل للسطح وانا كل مره يسوي هالحركه تخنقني العبره واقعد على اعصابي اخاف يطيح وابتلش فيه فقلت له عبود لازم نييب المفتاح ونفج الباب بدون ما تشقح ... المهم شفنا القفل ولا مكتوب عليه 808 ورحنا غرفة يدي ويدتي وعندهم كومدينه حاطين عليها مفرش وتحت المفرش كل المفاتيح وندور مفتاح مكتوب عليه 808 ولقيناه وفجينا فيه الباب وصعدنا السطح وقمنا نقط جراقيات بحوض اليران وفي غرفه بالبيت سقفها زجاج خالي كله يقعد فيها واحنا نصعد السطح ونطل عليه الحمد لله والشكر ما جنا شايفينه تحت
وبعد كنا نشغل الهوز بالحوش وناخذ تايد من غرفة الغسيل ونكبه كلللله ونمشي ونتزحلق يعني ملعب صابون واخوي مره طاح و طرف الدري طق ظهره وانا المجرمه ولا جنه تميت العب ويا ولد خالتي
و خالتي كانت تييب لنا خيار لبناني وهو شكله نفس الفلفل الحار ... وانا وولد خالتي وبنت خالتي كنا ناكله عند الغدا فمره اخوي قال بجربه حزتها كان ياااهل حرام يالله يتكلم ولا ولد خالتي يعطيه فلفل حار وقاله هاذا خيار لبناني وانا ادري بس ساكته ويقوله حمود لازم تعضها عضه كبيره عشان تحس بطعمها عدل مو تاكل شوي اكلها مره وحده ههههههههههه وانا طالعه فيها يعني طيبه قلت له اوقف يم البراده عشان اذا ما عجبك الطعم تشرب ماي و كلا الفلفله هههههههههههههههههه مسكين قام يبجي ويحوس من الحروره
وكنا نسوي خيران ببيت يدتي نقص على اليهال نرتب الغرفه اللي فيها فرش وندخلهم نطفي الليتات نقولهم ناموا صار بالليل واذا قومناهم نعطيهم بطاط مقلي نقول حق الخدامه تسويه يعني غدا هههههههههههه ونعطيهم عصير كي دي دي ومره بنت خالتي متكشخه يعني رايحه الخيران حاطه حمره ويايه لنا وتبي تشرب ماي جان ولد خالتي يعطيها راااشدي لف ويهها ( هاذا يصير اخوها اللي اهو شريكي بالجرايم ) قالها لا توصخين قلاصنا وعليه عليها مسحت حمرتها و قامت تشرب و نقولهم اذا بتدشون الخيران لازم تدفعون 100 فلس وكل مره ولد خالتي النصاب ياخذ المعاش ويقولي انا بروح البيت اوزعهم بيني وبينج بعدين ايب حقج وانا مصدقه خلف الله علي اكد كد وياخذ الفلوس
وبعد كان ياخذ الانصاص من اخته ويعطيها الارباع يقول لها اخذي الربع مال بنات (لان عليه صورت بنات يلعبون) وياخذ النص يقولها مال صبيان لان عليه صورت صبيان هههههههههههه والله مخه تجاري من وهو صغير لاعب فينا
