اكتشفت ان اخوي يتجسس علي عالكمبيوتر

[ريووومي]

السلام عليكم و رحمه الله وبركاته

شلوووونكم بنات؟؟؟ انا ريووومي اللي كتبت لكم عن مشكلتي ويا اخوي
واشتكيت لكم من تاييد امي ومساعدتها له

المهم اكتشفت انه يتابعني ويتابع كل شي اكتبه عالكمبيوتر والمواقع اللي ادخلها
طبعا لاتنسون لان انا مب ثقه
وهم خايفين اني ادش عالمسنجر
بنات بضحككم شوي
ترا ماعرف حق المسنجر ؟؟؟؟؟!!!!!!!! وعموما انا مب لين هناك بوسائل التكنولوجيا
بس عموووووما هاي مب موضوعنا

انا وبما انه يتابعني قررت اتواصل وياه عن طريق منتداكم واقوله اللي في خاطري
اسمعني عدل
لك يوم ياظالم ان شاءالله قريب يارب واذا انت مب مفتكر انا مارح اخليك في دعائي ابد ابد
وكل اللي تسويه فيني بكره بتشوفه يسويه ولدك في بنتك والايام بيننا وغذا لناظره لقريب
وانت لما تتكلم عني وعن الغلط اللي سويته نسييييييت المراقص اللي كنت تسافر لها
نسيت كل ماشريت سياره جديده رحت تسافر فيها يمين ويسار حق اللي تسوى واللي ماتسوى
تارا اكبر جبابرة التاريج فرعون وهتلر وصدام ووووو غيرهم اللي اقوى والعن و اخس منك يالذكي وينهم الحين؟؟؟؟
وكل واحد مات موته اخس والعن من اللي قبله وموعدك قريب عاجلا غير اجل
وابشرك فوق الظلم اللي تمارسه علي والطنازة والهمز واللمز اللي من وقت للثاني بينك وبين مرتك علي
عليك حقووووق العباد لاتنساها هاه؟؟؟ ترا الله جل وعلا يغفر في حقوقه بس مايغفر في خقوق العباد حتا عالشهيد
وضيع وقتك في شي يفيدك مو تجسس علي ياكبيييييير
ولاتغتر بامي اللي تساعدك علي تراها للاسف ظالمه و تفرق بين عيالها بس اللي يشفع لها انها ام وربت وكبرت عالاقل لها افضال مغرقتني واللي انا فيه من بعد الله من فضلها وفضل ابوي الله يجزاهم خير

حبايبي اترك الميكرفون لكم لانه بيقرا ردودكم وبيقرا كل شي هالحقير اللي حرام فيه كلمه اخو ولايعرف الرجوله ولافيه خير
عسا الله يرد كيده في نحره ونحر كل ظالم ومستكبر ومستقوي على عباده انه قريب سميع الدعاء
وشكرا
الكلمه لكم الحين

 

[qoot]

اي اذكر موضوعج القديم

ماعليج منه هالظالم خليه يتجسس لمن يمل

ولاتخافين الله مراح يضيع حق مظلوم

حسبي الله ونعم الوكيل على كل ظالم

 

[سندس 90]

وانا اقووووله اذا صج يسسمع

ترا الكلللللل يغللللط بس اههم شي الهداااايه وعرفت وين الصح ووين الغللللط

ومافيها شي اذا عطييت اختك شووية ثققه اصلا جذي تخنقها وترا ذنبها برقبتك

حسبي الله ونعم الوكييل
الاخو اللي كان عزوووووه وسند وظهر ومهما غلطت الاخت بتظل اختك غصبن عليك ماتقدر تتبرا منها
والله جل وعلا يغفر ويسساااااااامح انت ليش ماتسااامح ؟؟ من كثر الحسنااات والمثاليه
اقص ايدي اذا ماكنت تسوي العن وافضع من اللي سوته

الله ياخذ كل اخو جرح اخته ولا اهانها ولا سوا فيها سوايا حتى العدو مايسوويها


طلعت كل اللي بقلبي بس جد شي يقهههر

قلبي مترووووسه من موضوعج هذاك هههههههه

 

[دمعة إنسان]

له

الله يهديك إلى طريق الخير ، وانتبه إلى أختك

بس مو لهدرجة هذي

خلي عندك ثقة بأختك وبالأخرين

هذي أختك وغاضبة عليك

بكره ( باشر ) ويش راح يكون فعلك لما تكون عندك زوجة

ويش راح يكون فعلك لما تكون عندك بنت

إذا ألا تسوية من الخوف أحد يطالع أختك أو يكلمها

عجل أنت لا تطالع أو تكلم بنات الناس لان الدنيا تدور :bbbiu:





لش يا صاحبة الموضوع

بيقرا ردودكم وبيقرا كل شي هالحقير اللي
حرام فيه كلمه اخو

مو إلى هذي الدرجة تقولي عن أخوش:eh_s(10): حقير

يمكن يخاف عليش

لازم تأخذينها بحسن نية

الله يهديكم ويقربكم من بعض

 

[منيره kkk]

عسى الله يهديه ويرزقك بالزوج الصالح

 

[rose2012]

توم و جيري
ترا شكله مهتم فيج ويخاف عليج من خرابيط النت !!

 

[Zinab BH]

خل يتجسس عادي خل يولي وهالكلام قوليه في ويهه حبيبتي و بيني له انج قووية

 

[مطرر]

بعلق علا شي واحد
انت تقولين يغمز ويهمز عليج مع مرته !!!! هذي كارثه انت شرفه وعرضه وحت لو غلطتي المفروض يستر عليج وحت لو بان غلطج المفروض يدلفع عنج ولايرضه عليج عشان باجر لاتتمرد عليكم مرته وتطاول لو باجر تصير اي مشكله اهي اول وحده بتكلم هنه وعن اهله


وانت اختي نصيحه لج صفي قلبج وادعي لمج واخوج ان يتفهمونج وتنحل المشاكل واحتسبي الاجر واهم من هذا كله لاتنسين نفسج انج علطتي وتركزين بس علا نتايج غلطتج كبري عقلج ومخج اذا تبين الله يغفرلج وتبدين صفحه يديده عاملي الناس وصبري عليهم وادعي مو بس تتخلطمين


وانت ياخوي ترا بنات هالةقت اغلبهم لهم سوالف الا من رحم ربي فخل حياتكم تمشي بخير وبلا عوار هالراس وترا ياما ناس صارلها مشاكل من هالنوع بس حلوها بحكمه

 

[الأميرة جوري]

الله يهديه يارب وخليه يتجسس ماراح يحصل شي وراح تزيد ثقته فيج فطاف

 

[M!SS.LOBY]

الله يهديه

في برنامج اعتقد يبدخل عليه راح يعرف عندج كل التصفح بالجهاز

 

[سعودييييه هع]

مشكله مجتمعاتنا الذكوريه
تلاقين عنده بلاوي متلتله
بس يشوف نفسه له الحق بكل شي ومايعيبه شي ببساطه لأنه ذكر
مارح اقول رجال لأن مو رجال الي يظلم اخته ويشكك بأخلاقها
المهم ياحيوان اسمعني !
خلك رجال واستح على وجهك هااااااه
ولاتنسى انها اختك اختك
شعر وجهك
لما تشوف شي عليها وبرأيك انه غلط ماتروح من ورا الستار تراقبها كأنك انت الي مسوي غلط
كلمها
تناقش بهدوء وياها
مو عشان امك الله يهديها معاك خلاص تفرد عضلاتك ياعلها البطط !!!!!!!!!!!!!
> معليش تحمست -_-"
الله يكون بعونك
ولاتخلين احد يمسك عليك غلط
وللأسف مظطره اقولك
امشي عدل يحتار فيك اخوك

 

[كيوت للابد]

ليش هالشك طول هالسنين الله يغفر وكل واحد حسابه عند الله مو عندنا احنا للاسف الرياييل عبالهم هذي رجوله بالفعل اهوا خايف عليج بس مو بهالطريقة السخيفة خلاص عشر سنين هذا لو ياهل كبر الله يهديه والحين اقولج الحل انج تتزوجين جم عمرج ومن بيته طرشيلي بياناتج بالخاص خل نجوفلج ولد الحلال

 

[نوف الصقعبي]

التجسس نهى عنه رب العالمين

وشلون بيقرا كلامنا وكل نك هنى له رقم سري وكلمه سريه مايصير اختي

ولاتدعين على اخوج بهالطريقه مهما كان

ادعي له موتدعين عليه مايجوز

وبعدين انتى ليش متضايقه عندج شي تخافين منه ؟

خل يتجسس مني لباجر ولين مايمل

المثل قال لاتبوق لاتخاف

وربج بيحاسبه

بس دامج واثقه بتصرفاتج وانج ماشيه سيدا وماعندج سوالف مايهمج شي طاف

وخلج قريبه من رب العالمين والتزمى بصلاتج ولاتدعين على اهلج هالشي نهى عنه رب العالمين بالقران

الله يهديج ويصلحج ويهدي اخوج ومرته​

 

[a7lami_]

الحمدلله الذي عافانا مما ابتلاه
عاد الشك يقتل صاحبه اكثر من غيره.. لاتحسبينه مرتاح, والله ياكل بنفسه اكل, هذا مرض الله يشفيه

بس عيب يتكلم فيك عند زوجته, انتي اقرب له منها انتي شرفه واخته من دمه ولحمه بدال لايرد عنك اي كلمه مو حلوه يصير هو اللي يشكك الناس فيك!!!! استغفر الله بس وش هذاااا


الله يعينك صراحه..الناس تطوروا وصار عادي بنت تدخل نت, ترا مو كل بنت تدخل نت يعني نفس اللي انت تعرفهم ياالشاب الشكاك تلاقيك بس تصيد بالبنات الوصخات استغفر الله وتحسب كل البنات نفسهم...زين مرته يخليها تدخل نت عادي؟؟ والا بس عليك؟

 

[*E.B.D.A.3*]

يبه انا اقول حق اخوج
خل يحمد ربه مليون مرة عنده اخت نفسج
ترى الي تنحط بمثل مكانج ، اقل مافيها تنحاش من البيت ومايهمها احد !!!
لانه شراح تخسر قولي؟؟
في مثل يقول :
انا الغريق ... فما خوفي من البلل ؟؟

اختك خسرت كل شي !!
الحرية .. الحياة ، حتى الاسرة ، خسرتها !!
حتى انت يا اخوها ، خسرتك !!
ماتقولي شنو بقى حق اختك عشان تحافظ عليه ؟؟
ماتعطيني سبب يخلي اختك تتمسك بحياتها عندكم؟؟؟
ومع هذا .. رضت ، وتمت ، وتمسكت فيكم، واهيه لو تتخلى عنكم الله يلوم الي يلومها !!

اذا رب العالمين ، يرحم ويتوب على الخلق ...
فما بالك فيك انته الي تعادل حشرة ؟؟
ماتبي ترحم ولا تسامح ؟
وفوق هذا هم كان لك ماضي؟؟
يعني لك ويه تعاقب خلق الله وانت كنت راعي سوابق بعد ؟؟
فوق شينك قوات عينك ؟؟

بدعي لج من كل قلبيييييي
ياعل حوبتج ما اتعداه يارب
ويعلها يشوفها في نفسه وصحته واكله وشربه

 

[om_ibrahim]

الله يهدي سركم

 

[ورد الفلا]

اقوله عيب الي تسويه

وانت اصلا ماتحترم نفسك اذا بتاذي اختك

هذي ( خلق الله ) فاهم ابتعد عنها واحترمها احسن لك

ياكرهي لهالنوعيات بس :/ !!

 

[VET-Nour]

ترى احتمال يطقج عالكلام الي كاتبته عنه !!!!
عيب تفضحينه جدام الناس
كلميه بينج وبينه

وبعدين شخباااري مسنجر؟؟؟؟ منو يدشه الحين اصلن؟؟؟
الناس تطورو تويتر واتساب وبيبي ام وكيك و بعد شنو فيه ؟؟؟ واجد برامج تقدرين تكلمين فيها اي احد مو شرط مسنجر
وحتا لو دشيتي منو بتكلمين ؟؟؟ منو اصلا حافظ الباسوورد مال المسن؟؟؟؟


كلمي ابوج
وقولي لاخوج البنت لو تبي تخربط و تسوي مصايب سوت لو اهي بغرفة فاضيه و بين اربع اطوف هااه يعني لا يقعد يسوي فيها انا الرجال الي صايدج الي ماينخش علي شيء

خل يشوف مرته شتسوي بعدين يشوف اخته
الرجال الي فيه رجوله يشك بتربية الغريب مو بتربية امه و ابوه
والي يشك بتربية امه وابوه معناته يشك بنفسه

و كل من يرى الناس بعين طبعه مو معناته اهو يخربط ف انتي نفسه

 

[granted]

ترى احتمال يطقج عالكلام الي كاتبته عنه !!!!
عيب تفضحينه جدام الناس
كلميه بينج وبينه

وبعدين شخباااري مسنجر؟؟؟؟ منو يدشه الحين اصلن؟؟؟
الناس تطورو تويتر واتساب وبيبي ام وكيك و بعد شنو فيه ؟؟؟ واجد برامج تقدرين تكلمين فيها اي احد مو شرط مسنجر
وحتا لو دشيتي منو بتكلمين ؟؟؟ منو اصلا حافظ الباسوورد مال المسن؟؟؟؟


كلمي ابوج
وقولي لاخوج البنت لو تبي تخربط و تسوي مصايب سوت لو اهي بغرفة فاضيه و بين اربع اطوف هااه يعني لا يقعد يسوي فيها انا الرجال الي صايدج الي ماينخش علي شيء

خل يشوف مرته شتسوي بعدين يشوف اخته
الرجال الي فيه رجوله يشك بتربية الغريب مو بتربية امه و ابوه
والي يشك بتربية امه وابوه معناته يشك بنفسه

و كل من يرى الناس بعين طبعه مو معناته اهو يخربط ف انتي نفسه

:eh_s(15): تعلم منها شويه ترى عمرها16
صج العقل مو بالعمر
واحب اقول يعل الله يحط حاجتك تحت ريل اختك ويحوجك لها
واختك لو تبي تحط راسك بالطين ترى ماكو اسهل منها
وتقدرتشكي عليك وترفع عليك قضية ماتخليك تحط عينك بعينها
بس لانها كفو ماسوتها



اختي ريومي. انا اعتقد ان حد يعرفج دش المنتدى وعرفج من خلال مشكلتج وبلغة
اما لوكان يدش منتديات النسائية فمو غريب الصراحة

 

[д7βk βşķάť]

الله المستعان

الله يكون بعونج​