اكتشفوا فيني اجسام مضادة..ومنهاااارة

[امي غلا دنيتي]

السلام عليكم
انا اجهضت مرتين وكانوا جيس حمل بدون جنين
وسويت تحاليل وطلع عندي اجسام مضادة تسبب تخثر بالدم
والدكتور قالي اذا حملتي تعالي على طول اعطيج ابر سيولة او كلكسان مو متذكرة الاسم
بنات منو نفسي وتم حملها على خير
والله خاااايفة وصاكة الدنيا فيني

 

[صدفه]

السلام عليكم اختي تطمني ولا تحتاتين انشالله انا فيني اجسام مضاده ولله الحمد والمنه عندي عيال روحي للدكتوره \اسيا كمال بمستشفى الولاده الصباح خوووووووووووش دكتوره

 

[حورية الجنه]

الله يشافيج ويرزقج الذريه يارب

 

[عبث طفله]

بالعكس انا بنات عمي و2 من رفيجاتي فيهم اجسام مضاده وهدا هم عندهم عيال ماشاء الله ..

احمدي ربج انج تحملين هدي اكبر نعمه والباقي يهون

 

["*آآآنؤؤؤقهـ*"]

شكثرر اعرفهم فيهم

بس الله يعينج لازم ابر

وحبوب تثبيت

 

[MYaaWaa]

الله يشافيج ياربي
و يرزقج الحمال و يثبته
و إن شاء الله البنات يفيدونج ,,

 

[كويتيه مذهله 87]

لانتهارين ولاشي حبيبتي

انا اربع اجهاضات وبالاخير اكتشفت فيني اجسام مضاده
لمن حللت بسرعه طررررررررت الصباح راجعت عندهم ووصفوولي ابر كلاكسين وبيبي اسبرين وكاهو ولدي يمي

اذا حللتي لا تهملين المراجعه الااولي لازم تاخذين الابر بسرعه

 

[غنوة ستايل]

عادي ياقلبي انا مجهضه ثلاث مرات
وما عندي اجسام مضاده
واول ما احمل بسرعه اخذ بيبي اسبرين عشان سيوله الدم . والحمد الله الله رزقني باحلى ولد بدنيا والحين تبارك الرحمن حامل

 

[أم عامر]

عادي حبيبتي

اول ماتحملين علطول روحي للطبيب واستمري على الابر

 

[Diva-Q8]

قولي الحمدالله والشكر انتي احسن من غيرج والمريح بالموضوع انه علاجج سهل ومعروف

في بنات وعليه مايحملون إلا امبوب ومخاسير هذيل اللي الله يعينهم

اذا على الابره والحبوب امرها هيين خلي ايمانج بالله قوي

والله يكتبلج الخلفه الصالحه انشالله

 

[الذوق]

عادي حبيبتي لا تحاتين انا حماتي فيها اجسام مضاده وماشاء الله اللحين عندها بنت وولد وكلهم بفضل الله بصحه وعافيه لا تحاتين من تحلل وتعرف انها حامل تستمر عالابر لين تولد .. والله يرزقج ويتمم عليج انشاء الله ..

 

[غــلآ]

عادي حبيبتي
الطب تطور

بنت عمتي نفسج فيها اجسام مضاده

وعندها بنت وتوها يايبه ولد قبل جم شهر

اهم شي راجعي الدكتور على طول واخذي الادويه والابر و ا ن شاء الله رب العالمين يرزقج

 

[Tender Heart]

ماكو الا الخير ان شاء الله

كويتيه الله يخليلج ولدج كنت اقرا مواضيعج قبل بقسم تاخر الانجاب الله يخليلج ولدج ويخليلي بنوتي ويرزق كل محرومه يارب

 

[الحياة جوهره]

الله يشفيج والبنات كفو طمنى نفسج وراجعى اذا حملتى على طول

 

[MN.collection]

الله يطمن قلبك
ونفرح بسلامتك

 

[ملكه الحطب]

البنات ماقصروا

والله يرزقج يااااااارب

 

[اختكم بالله]

البنات كفو ووفوا
وتطمني ان شالله ماكو الا الخير ومثل ماقالوا البنات لازم تاخذين ابر وماطوفيها

الله يرزقج بالذريه الصالحه

 

[الطــــرقا]

ماكو الا الخير ان شاء الله

 

[مس فتوش]

ربي يرزقج بالذريه الصالحه ويشافيج

 

[ابتسمامه]

ما قصروا البنات
ان شاء الله ربي يثبته المره الجايه ويرزقج بالضنى

شلون سويتي تحليل الاجسام المضاده ؟؟ تحليل دم؟؟