اكثر حدث بكاك او احزنك بحياتك

[بنوته حنونه]

اليوم موضوعنا يابنات فيه حزن شوي بس نبي نعرف كل بنت ولي مرت فيه
نبي نعرف شنو الشي الي حزنتي عليه بكيتي عليه من قلبك
انا عن نفسي اكثر حدث مر بحياتي وبكاني انو ولد خالي صار له حادث وتوفي الله يرحمه توه صغير بعدها جدتي بشهر بسبب ان الشغاله عملت لها سحر اسود اتعبتها الين توفت الله يرحمهم
استقفر الله

 

[! هُوْ وِينِه !]

الله يرحمهم إن شاءالله


أكثر شئ بجاني وفات شخصين عزيزين على قلبي منهم بابا جابر الله يرحمهم



ولمى مرضت


واي كل ما أتذكر هذيك اللحضات أحس بإنكسار خوف ما أدري شلون أوصفه


تبجي >

 

[●• ғσσσғά •●]

اكثررررررررررررررر حدث بجااااني
<< وفاة ولد خالي الله يرحمه
كان اصغر مني وحححححححيل معاي
توفى بسكته قلبيه وهو يلعب كره مع اخواني
حييييييييل فقدته كان اقربلي من اخواني
الله يرحمه ويرحم جميع المسلمين

​

 

[أحلا ملاك]

أكثر حدث بجاني مرض اختي<<مرضها حيل صعب
ولما بغو يزوجوني و انا مابي

 

[بنوته حنونه]

الله يرحمنا برحمته
الله يشفي اختك وتقوم بسلامه
ماتبنين تعرسين رسلتيه لي انا اخذه هههههههههههههههه
فديتكم

 

[أحلا ملاك]

الله يرحمنا برحمته
الله يشفي اختك وتقوم بسلامه
ماتبنين تعرسين رسلتيه لي انا اخذه هههههههههههههههه
فديتكم

يسلمج ي روووحي
لا كششش عليه مابي بسس مابي ارسسله جذي حقاره هع

طانكسسسس ع الموضوع

 

[احترت اسميك]

اكثر شي حزني وبكيت من قلب
الغدر
وخااااااصه اذا جاااك من شخص غالي وغير عن الناس قدره
من باااعني بتراب بعته

 

[يوآش يوآش]

والله انا اي شي يبجيني

لو يصير اي شي ابجي مره شفت صور بنت خدامتنا

بجيت عليها لانها اهيا مو ويه امها ابجي من صجي مو دمعتين

عشان جذي انا مااذكر لان كل شي عندي يسوى بجي لووول

حق كل اللي ردوا ..الله يرحم امواتكم

​

​

 

[بنوته حنونه]

صح لسانك من باعك بعتيه شطوره احترت اسميك
دلوووووعه مره حساسه اي شي تبكين الله يعين ريلك اذا دموعك جاهزه هههههههههههههه

 

[3BOO_R]

فراقي اهلي وطلعتي من الكويت واني تركت اهلي ورفيجاتي بس هذي الدنيا كل شي بيدالله يهون

 

[بنوته حنونه]

الله يرجعك لي اهلك يلا هذا حظك لاتزعلين فديتك

 

[لؤلؤ صافي]

السلام عليكم حبيت أشاركم هذا الموضوع المؤلم بس تذكروا ان مهما كان الشي مؤلم قوة الايمان وبفضل الرحمن تنسين
أكثر شي أبكاني وأثر فيني وتغيرت من بعده
توفيت أختي سنة 98 وآن كنت ثانويه عامه والي زادني حزن ان المدرسه الي رحن نمتحن فيها اختي تشتغل فيها محضرة علوم وقدر الله بعد ما خلصت الثانويه تزوجت زوجها عشان أربي عيالها الأثنين وهذا كان بعد خمس أشهر بعدها سافرت سوريا لأن أختي الثانيه كانت مسافره هناك وقلن نروح معاهم ومن رحنا بعد خمس أيام واحنا بالسياره أختي الثانيه توفت و اهي بالسياره .
ورديت الكويت والدنيا صاكه فيني ولي يومكم انا كارهه السفر

 

[بنوته حنونه]

السلام عليكم حبيت أشاركم هذا الموضوع المؤلم بس تذكروا ان مهما كان الشي مؤلم قوة الايمان وبفضل الرحمن تنسين
أكثر شي أبكاني وأثر فيني وتغيرت من بعده
توفيت أختي سنة 98 وآن كنت ثانويه عامه والي زادني حزن ان المدرسه الي رحن نمتحن فيها اختي تشتغل فيها محضرة علوم وقدر الله بعد ما خلصت الثانويه تزوجت زوجها عشان أربي عيالها الأثنين وهذا كان بعد خمس أشهر بعدها سافرت سوريا لأن أختي الثانيه كانت مسافره هناك وقلن نروح معاهم ومن رحنا بعد خمس أيام واحنا بالسياره أختي الثانيه توفت و اهي بالسياره .
ورديت الكويت والدنيا صاكه فيني ولي يومكم انا كارهه السفر

استقفر الله العظيم جزاك الله خير مع اعيال اختك هذا مكتوب ياقلبي الحمدلله على كل حال
الله يرحم امواتنا امين يارب العالمين

 

[ملكية للابد]

الي بجاني صج مرض خالتي السرطان ومنها توفت الله يرحمها
وموت عمي وهو كان اقرب عمامي لي
وكل الي ردوا الله يرحم امواتكم واموات المسلمين امين

 

[بنوته حنونه]

اللله يرحم الجميع شكراا للمرور ملكيه لللابد
فديتك

 

[برشلونية 200]

الله يرحم جميع موتى المسلمين
و انا اكثر شي بجاني لما افترقنا انا و رفيجاتي لاني انتقلت مدرسه ثانية

 

[هاناا]

الظلم

 

[بنوته حنونه]

الحمدلله الله عوضش
وصديقاتش انشاء الله بتشوفينهم ياقمر
والله الظلم شين
فديتكم

 

[قيروانية مزيونة]

آنــــا الصراحــة مــرات أبــجــي ع مســلـسلات تركـــية لأنها الصراحة وااايد تبجــي
ومـــرة رفيجتي وسوسولــها بــنات وخربوا علاقتنا وقــتها صج أنصدمت لأن ما كنت متوقعة كل هذا يطــلع منها صج تضايقت بس مــابجيت لأنها ماتســـتاهل دمعـــتي _ وبعــدين درت أن الحجي مو صح _ (( وردتــلي ندمــانه)) وسامحـــتهــا لأن الإنسان مرجــح للغلط في أوقات يفقد التفكير فيها ويضعف إحساسه بالثقة للنــاس ولأني بعد ما نسيت ذكرياتنا الحلوه وإذا شي صار عن سوء فهم مالازم آنا بعد أفهم غلط وما أسامحها يعني أكون الكبيرة وأسامحها (وااي ببجي))..

:e3:

 

[بنوته حنونه]

فديتك ماعليش المسامح كرررريم اهم شي رديتو ربع وحرقتو قلب الحساد لاتبجين فديتك الدنيا ماتسوى
شككككككككرا لردودكم بنات