اكرمكم الله...شنو احسن طريقه لغسل الحمام؟

[bedour18]

هلا بنات.............. مثل العنوان بغيت اعرف شنو احسن المواد اللي تستخدمونها عشان يصير الحمام يلمع من النظافه

 

[سبائك]

عندج كلوركس البرتقالي او الي بريحة الليمون

والديتول طبعا

وفلاش بس ديري بالج ريحته قويه تعور الخشم

واي صابون سائل(انا استخدم الي على فرواله وردي)

 

[امون حبيبة زوجها]

مثل ماقالت سبوج
ديتول وكلوركس
وصابون سائل انا استخدم ليمون
وليفة مواعين تكون مخصصه للحمام حق الحنفيات والبانيو((موالمرحاض لا انتبهي المرحاض شغله بروح
وبس

 

[farawla_q80ia]

لوول هالموضوع كان علي بالي بس بعرف شلون تغسلون يعني متي تستخدمون الكلوركس وتوابعه

 

[bambena]

صاجه خلي اسفنجه بس للمرحاض واسفنجه بلون ثاني لباجي الحمام

 

[rudy]

انا استخدم فلاش ارشه على السيراميك عجيب يرجعلك الحمام يديد بس فلاش لاتستخدمينه كل يوم خليه من فتره لي فتره وبعد فلاش عجيب للمرحاض رشيه على الفرشه المخصصه له "اهو تشترينه مع الفرشه" ودعكي فيه المرحاض "امكرمين" من الداخل راح يرجعلك يديد يلق من النظافه​

 

[bedour18]

بعد عمري بنات....ما تقصرون. بس بشنو انظف الطوفه ؟

 

[الدرالمنثور]

شوقتوني على فلاش بروح ادوره

اي صاجه بدوور شتنظفون الطوفه فيه؟؟

 

[سبائك]

بدور الطوفه تنظفينها بنفس المواد الي تنظفين فيه باقي الحمام

كلوركس البرتقالي وايد زين

 

[bedour18]

السلام عليكم ورحمة الله وبركاته ما تقصرون بنات بعد عمري و الله

ضروري اجرب طرقكم و اعطيكم خبر

 

[موني موني]

واااااااااااااااااااااايييييييييييي يسلموووووووووو على الموضوع

 

[لميس]

كفيتوا ووفيتوا...خنوسه الله يحقق لك مناك وينولك اللى ببالك اللهم آميييين!

 

[لوولووة]

غازشوية مع كلوركس البرتقالي احسن من الفلاش لان م الوقت يخفف لون السيراميك:eh_s(17):

 

[ضحكة الدنيا]

بنات شوفوا معرفى اللى بالشويخ عنده شغلات تنظيف الحمامات تهبل وفيه سبرى حق الطوفه وحق المرحاض يعنى تحتارين شنو تختارين لا فلاش ولا غيره​

 

[bedour18]

بنات شوفوا معرفى اللى بالشويخ عنده شغلات تنظيف الحمامات تهبل وفيه سبرى حق الطوفه وحق المرحاض يعنى تحتارين شنو تختارين لا فلاش ولا غيره​

حبيبتي دليني عليه وين بالضبط

 

[زيـنـه]

انا استخدم جف و فرشه او اسفنجه للبانيو و المغسله ..و الخلاطات .. و يرجعون يلقون .. و المرحاض فرشه بروح واستخدم له بعد جف او احيانا ديتول ..و الارضيات ديتول بالليمون .. و فوط خاصه للمساح و للارضيات .

 

[Brounzi_girlly]

يسلمووو خوش موضوع
مع تحياااااااااااااتي...............​

 

[توتة الحلوة]

انا عندي مشكلة مع ستاير الحمام بسرعة يصير فيها بقع سوده وحتى لمن أغسلها بالغسالة ماكو فايده ما تروح ..... علشان جذي أغير ستارة الحمام على طول ......اذا عندكم حل حق البقع السوده قولولي ؟؟؟

 

[كويتية أصيلة]

البنات ما قصرو كفوو ووفو

 

[جبنة بيضة]

أنا أستعمل ديتول رش المخصص للحمام عجييييييييييييييييييييييي ييييييييييييييييب يخلي


المغسلة تلق و حق الأرضية و عندي مثل بروش أفرك في الأرضية أما البانيو ما ينفع حقه الا جف فعلا يطير السواد

أما الطفوفة خصوصا الي صوب البانيو أستعمل منظف زجاج و فوطة تنظف