اكره ابووووووووووووووووووووووى

[مجروح ياقلبى]

قوه بنات شلونكم لاتنصدمون من لعنوان لانه صج ابيكم تساعدونى والله معتبرتكم حسبت خوانى واللى تبى تهاجمى وتضايقنى لاترد اللى فينى مكفينى نفسيتى تعبانه حيل من ابوى ادرى فيه يكرهنى يعامل اخوانى احسن منى ليش لانى ماتفوقت بدراستى ودخلت معهد وماقدرت ادخل الجامعه اللى يبيها نسبتى ماساعدتنى ولا امتحان القدرات اتوقع هذا السبب اشوفه يضحك مع اخوى واختى اتحسر اقول انا شسويت استاهل كل هالمعامله واذا ساعات بضحك اقول يمكن يلين قلبه على شوى يقول تبين ارد عليج اخليج تبجين بدال ماتضحكين واتضايق حيل واسكت علشان امى وغير اخوى على معقدين اهوا وياه طلعه بروحى مايخلينى اطلع مع رفيجاتى مايصير امى مايخليها تطلع واذا رحنا مجمع ولا مكان يراقبنى حتى بالمحل ولا يطرش اخوى على يقول شوفها ليش راحت هناك واذا كانوا فى شباب عاد شوفى نظرته يعنى ماعندهم ثقه فينى وحتى مره بالمعهد وانا طالعه كنت اضحك مع رفيجتى وطلعتله وقالى اى انا شفتج اطلعين الريال اللى بالسياره مع ولده واهاو عمره ماشاف على شى غلط قبل كنت اقول عيب اكلم صبى او شى والله قلت يمكن اى نصيبى واتزوج مافكرت العب ومن معاملته الخايسه معاى قلت خلاص بكلم وفعلا كلمت وماصارلى نصيب والحين عندى واحد اموت فيه واهاو يقولى احبج بس مااصدق لانى انجرحت من قبل بس ماقدر اتركه والله لو خلوا الريايل بالدنيا وظل ابليس ابليس مايخطبنى من ابوى بس سويت جذى لانى محتاجه حنان احد يهتم فينى يعوضنى عن الكل اللى فقدته من ابوى والله ساعات اكره اسمع صوته اروح بعيد عنه واتضايق حييل وعندى سياره ولا يخلينى اروح معهدى بروحى شنو السبب مايرد على يحقرنى واحلفلكم والله انه عمره ماشاف على شى واهاو يقولى ادرى انج محترمه وغير عن الباقى لاتقولولى حرص هذا مرض شك موت ومايحب يتكلم معاى يجاوب على قد السؤال واذا قعدت يمه ساكته يقولى انتى كئيبه والله على طول يتهاوش وكله مو عاجبه ومسوى نفسه كلشى فاهم اسمله عليه ومره وحتى بالمعاهد اللى داومت فيها اهوا مايقولى بس انا متاكده حاط على مراقبين لاطلعت ولا تاخرت ويقول انتى عندج نسبه غياب وين تروحين واهاو اللى يودينى ويردنى والله مااطلع مع رفيجاتى ليش كل هذاااااااا قتله اذا تكرهنى قول وارتاح واذا طلبت منه شى يشتريلى اذا كان مزاجه زفت استغفر الله يطلعه من عيونى واذا انا دفعت من فلوسى بعد مو عاجبه واذا قتله سولى جذى جذى يسكت اقوله انا ادفع بس خلص شغلى يقول اوكى خلاص ادرى طولت عليك بس صج اكرررررررررررررررره مااحبه ساعدونى شسوى معاه وابى اللى اكلمه يخطبنى وارتاح شلون سورى حبايبى بس احبكم

 

[lolo-lilo]

اول شي حياتي احنا بزمن انسي شي اسمه حب انسيه ماكو ذاك قبل الحين مااحد يحب احد الا علشان المصلحه وانتي اكيد عارفه شنو اقصد فانصحج وخري عن الصبي اللي تكلمينه علشان لاتثبتين الفكرة اللي تظنين ابوج مفكرها عنج وصدقيني ابوج يحبج اكثر وحده بتستغربين انا اقولج لانه مثل ماقلتي يخاف عليج ويسئل عنج هذا مايسويها الا المهتم لو مومهتم فيج جان ما خاف عليج ولا راقبج ولا شوفي اللي صاير ابهلا النظرة بتفهمين انه يغار عليج ويحبج ويهتم فيج بس موشرط يقولج ساعات الافعال اهي اكبر دليل ولا لو يكرهج مثل ماتقولين عيل ليش يتعب نفسه ويراقبج ويسئلج وين رحتي ومايخليج تطلعين لانه يحميج ومايرضى عليج شفتي اشلون وبعدين الريايل مو نفسنا احنا الحريم نقدر نعبر عن حبنا واهتمامنا الريايل مايقدرون الا بالافعال اللي تدل علا اهتمامهم وصج صدقيني انتي حاطه هالنظرة عن ابوج ليدرجه خليتها مثل النظارة تشوفين فيها كل السلبيات واهو يقولج انج كئيبه مافكرتي ليش يمكن لانج لاشعوريا صج كئيبه حاولي انج تهتمين بابوج سئليه يبا شسويت اليوم شصار بالشغل واذا اهو مومن هالنوع قعدي وياه تغشمري سولفي صارحي قوليله يبا انت تكرهني وقوليله انتي شنو حاسه وصدقيني بقولج بس تلاحقي علا عمرج وقطعي العلاقه لاتقولين لي يحبني ولا ادور حنان الغريب بيعطيج حنان مااظن :0bee2e8d89: وان شاءالله تقبلين نصيحتي حبيبتي :tek:

 

[البنفسج]

..

الله يعينج يالغاليه ..

وبصراحه ماقول تصرفج صحيح .. وبعد ما ألومج .. عندي رفيجه .. نفس ظروفج حرفيا ً ..

الله يعينج .. وأكبر غلط نسويه .. "لمى نعالج الغلط بغلط " ..

شوفي يا قلبي .. إذا بحياتج غلط .. لا تزيدين الهم على قلبج .. ربج بيفرجها .. مو العلاقات العابره ..

شوفي انتي من داخلج عارفه ان العلاقات هاذي جذب !.. ليش فوق همج العائلي تجيبين لنفسج هم عاطفي !..

ترى البنت قلبها رهيف تصدق لو بعد حين .. لا تخلينهم يستغلون حاجتج للحنان ..

إلجئي لربج حبيبتي ..

ماتبين يطق بابكم واحد بالحلال ؟.. تعيشين معاه بالنور ؟.. ماتخافين ان حد يطيح عليج !..

أكيد ودج .. الزواج بيطلعج من محيط أبوج .. وعسى الله يهديه ..

شوفي يالغاليه .. الزواج مو صعب .. وإلي تقول .. " أنا مو ولد عشان أروح أخطب واحد " ..

أقول لها .. " لأ تقدرين تجيبين الزوج لييعندج ! " .. بصلاة قيام الليل ..

بنت عمرها 28 سنه .. أعرفها شخصياً .. إيأست .. وماكان عندها أمل .. لنها شينه ..

ومحد يعرفها ولا عمرها كبير .. بس بدت بالإستغفار وصلاة قيام الليل ..

وربي ماطولت 4 شهور الا واحد طاق بابهم .. المراد .. إن لا تعالجين الغلط بغلط ممكن يكلفج سمعتج

وقلبج ونفسيتج .. أدري تعبانه من أبوج .. بس الحل عند ربج مو بيد الشباب الخرفان ..

حبيبتي فكري بعقل .. وإدعي ان الله يرزقج بالزوج اللي يبعدج عن ظلم أبوج ..​

 

[مجروح ياقلبى]

مشكوره حبيبتى بس شوفى من ناحيه كئيبه لا الحمد لله عالافه نفسى احب اضحك واتغشمر حتى ساعات لما اروح عند خالاتى ويدتى امى تقول اول مره اسمعج تضحكين جذى بس تدرين ليش ابوى يقول جذى لانى صريحه معاه الشى اللى مايعجبنى اقول مايعجبنى ويببين على اهوا الكئيب مو انا والله مو مجامله ماعمرى سمعته يضحك معانا والللللللللللللللللللللللللللللله كله ماد البوز مترينبس واللى احبه مااقدر اخليه بس اقدر اخلى علاقتى معاه عاديه يسلمووووووووو حبوبه

 

[البنفسج]

والله حبيبتي .. الي تكلمينه ماراح يخطبج .. لو بغى كان دخل من الباب من زماااااان ..

تعوذي من ابليس .. وشوفي مصلحتج

 

[مجروح ياقلبى]

مشكوره يالبنفسج على ردج لى وكل كلامج عدل عدل عدل بس ابوى لو يغير معاملته معاى اكون بخير الله يعينه على نفسه ولاتنسونى بدعواتكم وربى يسهل حبوبه

 

[البنفسج]

يااااااااااالله ياااااااكريم .. انك تسهل امورها وتهون همها .. وترزقها الزوج الصالح اللي يغير حياتها

 

[3arostk ana]

انا مااطلع لصديقاتي وكل شي عندي ممنوع .... ماقولج ماتضايق اتضايق بس ادري انه يخاف علي
وياما ياما عصبت وزعلت على امي وسويت لجه وابكي وابكي ليه ليه ليه كل شي لا وبعد كل شي استئذان
واحيان اعطيه نظرات اني زعلانه يعني .. بس اقتنعت بهالشي . وبالعكس احس مع السنين فخر اني اقول لصديقتي ابوي مايطلعنا
. ولا فكرت بجد ولاخواتي الصغار قالو بيطلعون انا الي اقولهم لا واقول مالوم ابوي يوم يقول لا من خوفه علينا الزمن يخوف ويمكن ابوج زي ابوي يتأثر بكلام الناس او اخبار الناس


ابوج هذا محد يعوضك فيه لاراح .. هو الامان .. هو كل شي

ابوي مات .. ومحد عوضني والله اني ادق على تلفونه وهو مغلق قبل لااطلع اي مشوار
ابي ارجع الشي الي تعودت عليه قبل .. اني استأذن منه ..


الله يرزقك بالولد الصالح ويسخر ابوكم لكم ويخليكم لبعض .. مالك الا تدعين وتهدين اعصابك وروقي هذي الدنيا مره كذا مره كذا
طنش ومشي الامور تمشششششي

 

[مراسي الشوق]

ياعمري هذا ابوج لو يقومج بطراق ويقعدج بطراق لازم تحترمينه واتحبينه وماكو ابو يكره عياله صدقيني بس يمكن فيه حواجز وايد بينج وبينه حاولي انتي تكسرينها وتتقربين منه لان اهو الكبير واهو الابو مهما يكون ماراح يحاول اهو....لو تفشلين معاااه الف مره بس لا تياسين الا ويلين قلبه سويله جاي ييبله الحلو لو ما يطلب اذا حطيتو الغدا نجبيله من غير لا يقولج او اي احد يقولج بينيله انج جد محتاجتله واتحبينه مهما يسوي فيج لان مالج غيره كلميه لو اتحسين ان ماله خلق عادي انتي ظلي سولفي سوالف حلوه عن دكاترتج وصديقاتج ولو يدقرج عادي طوفي لا يبين عليج انج تضايقتي كل ما يدقرج ابتسمي بويهه صدقيني من داخله بلين قلبه شوي شوي..اذا عصب وزفج لا اتراددين وبعد نص ساعه لمن يهدي تصرفي عادي ولا جنه شي صار تقربي منه بكل الطرق والصبر مفتاح الفرج

 

[شوق00]

شوفي هذا اسمه هروب من الواقع انج حبيتي شخص وعذرج انج فاقده الحنان
وتبين هو يعوضج الحنان اللي فاقدته هذا موحل اللي سويتيه غلط
وشلون تبين الله يرزقج بولد الحلال وانتي عصيتي ربج
اتركي الشخص هذا وتوبي لربج قبل لا يحمد عقباه
وثانيا اعرف مثل نوعية ابوج كثير هذي طريقته وطبيعته بس مو متعمد هالشي
وتلقين اذا شاف منج شي زين مايقول واذا شاف شي شين يقعد يعلق ويتذمرعادي
هو يحبج بس بعضهم مايعبرون بالحب لعيالهم الا بهالطريقه لا تقولين مايحبني
هذا هوخايف عليج و مهتم لمستقبلج عشان شنو؟؟ لمصلحتج يبيج تتقدمين للأعلى
بس ديريبالج اقطي العلاقه هذي اليوم قبل باجرهذا طريق غلط حبيبتي
منو موفاقد حنان!! منو مومحتاج للحب!! بس نصبر نرضى بالمكتوب وصدقيني
موشخص اللي يعوض ربج اللي يعوض وبالتوفيق

 

[سـارهـ]

الله يعينج
بس شوفي الولد اللي تكلمينه يعني تبين تقرين ابوج غلط بغلط ما في حب في هالزمن
او اذا انتي فاقده الحنان عندج امج
والله يوفقج و يستر عليج يارب ومهما كان هاذا ابوج

 

[فيونكة_وردية]

شوفي انتي مقتنعه بالحب اللي انتي فيه قولييله يالله تعال اخطبني وصج صملي على رايج اذا انتي متعلقه فيه لذيك الدرجه لاحول ولا قوه الا بالله انا ما احلل ولا افتي بس قوليله تعااال وخلك قد شواربك واخطبني
واذا على ابووج ادعييله الله يهدييه ويحنن قلبه علييج والله شوفي انا الحمدلله عن نفسي في قوانيين فبيتنا هم لازم استاذن بالطلعه والروحه ومراات واايد انحرم وممنوع اطلع مع رفيجاتي بنات جذي بروحنا ميها مناقشه منوع ولا فيها مناقشه اصلا وعادي كل ابو لازم يصير في طبع غثيث بس هم يبقى ابو ونحبه جربي تكلمينه مرات وايد صارلي نفج ابوي كله يقولي انتي ام العريف ويجعمني مرات لانه يقول شي غلط لوووولوانااصلحله يدام خواني الصغار قلعتي انا غلطانه بس شدراني هبله ما كنت اعرف فتغيرت فتره معاملته لي كلشي لا ومافيه لين رحتله وكلمته قلتله بالحرف الواحد انت ليش تعاملني جذي انصدم مع الحجي هو قام يقولي اغلاطي وقلتله اغلاطه وبجييت وودمعت عيينه يعني فلم هندي بس يتم الابو له هييبه ماعلييه ادعييله والله انشالله يستر علييج ويوفقج بالحلال ويحنن قلب ابوج علييج يااارب ويفك كربج وهمج وديري بالج بس اللهم تقبل منا ياارب صالح الاعمال واستر علينا وعلى المسلمين اجمعيين واكفنا شر العابثين المخربين ياا ارحم الراحميين سبحاان ربك رب العزة عما يصفون وسلام على المرسلين والحمدلله رب العالمين
وصلى الله على محمد نبيه شرف المرسلين وسلم
وقوولوا اميين

 

[شهرزاد000]

الله يفرجهااا عليج,,
البنات كفوو ووفوا..

 

[حصة]

شوفي حبيبتي ترى الغلاة صدقيني بالفلب مو شرط يضحك معاج وجذي .. رفيجتي ابوها لا اله الا الله لو قولج كريييييييه وايد ومعرووف عند الناس لسانه سليط ما احد من العالم يحبة طبعا داخل البيت لا تشووفينه اذا ضحكت قالها شنو رقاصة ؟؟؟ في ابو يكلم بنته جذي؟؟؟ تخيلي تحلف تقولي والله مرة اتسبح جان يقولي ((شعندج تسبحين)) ..؟ تقول وصيغته جني مسويه جريمة ... البنت اعرفها عدل عاشت حياة مأساة والله العظيم بالصاعدة والنازلة ابوها يطنز على خشمها على شعرها تخيلي كلهم مع خواتها واخوانها يقعد ويطنز عليها واهما يضحكون ؟؟ كانت تقطع قلبي والله وكانت نفسج تقوول ما احب ابوي ما احسة ابوي ان شاء الله يمووت والله وصلت لهدرجة وكنت اقولها حرام عليج تعوذي من ابليس اكيد ابوج مو قصدة ... مشت الايام بعد جم سنةتوفى ابوها ولو اصدمج من معاملته الخايسة لها تدرين مازعلت ؟؟ لا وشتقوولي بعد اسبووع بس من موت ابووها ... ((واااي بورث ابوي علأقل ولأول مرة بحياتي بستفيد منه)) .. والصدمة قبل لا يموت كان ماسك عمها وموصيه على رفيجتي بالذات من بناتة وكاتب نص الشركه باسمها تخيلي وقايلة عشان ما ابيها تضيع من بعدي ومسويلها حساب باسم العم وحاط في المبلغ الفلاني اللي اهوااا وقايلة حطيته باسمك عشان لا يسحبونه العيال مني بس امانة هالفلوس حق فلانه والله يا بنت الناس قصتها ولا بالخيال وانا كنت اشووف قساة ابووها والله لو اقوولج شي تنصدمييين .. مرة كنت رايحتلها واول ماسمعت صووت ابووها جان تقفل باب الصالة... انا انصدمت قتلها ليش؟؟ قالت بس اخاف يدش يفشلني واسمعه يناديها ماترد جان يقوول بصووت عالي (( خرا عليها هال.......... وين ذلفت)) جان يقولون عندها رفيجتها جان يضحك بصووت عالي قال (( يالله زين في احد يحبها ويرافجها كااااااااااااك)) ,.. تخيلي .. انا قطعت قلبي حسيت اني قاعدة بنص هدووومي وااااي موقف حقييييييييييييير وكرهت ابوووها وقلت ما الوومها هذا منعدم الاحساس ... بس سبحان الله شوفي شنو غلاتها صج ما راواها الحنان بس كان يعزها اكثر شي وتخيلي الاخوان والام انصدموا.. لان حتى اهما كان ابالهم ان مايحبها وطبعا بدون سبب .. بس سبحان الله اللي طلعت غالية عندة بس صدقيني في ابهات مو قصدهم بس من زوود حبهم او حرصهم يضايقون عيالهم .. ترى مستحيييييييييييييل ام او ابو يكرهوون ضناهم ... نصيحتي يا حبيبتي دايما قولي (( للهم حنن قلب من احوجتني اليه)) وادعي بصلاتج يارب حنن قلب ابوي علي وارني ذلك ... والله يحنن قلبه عليج ان شاء الله

 

[شانييل]

ياروحي لازم تعدلين من حياتج
وحركاتهم لان خايفين من شي
بعدي عن كل شي يخافون منه, إنتي حسبالج الأهل ما يدرون لا يحبيبتي يعرفون كل شي
فإستري حالج, وديري بالج على سمعة أهلج وابوج قبل سمعتج وبلاش العيون الطايرة
أهلج يبونج محترمة مع إنك محترمة يعني بزيادة وسوي الي يبونه

 

[مجروح ياقلبى]

مشكورين على كل اللى ساعدونى وابوى بحطه بعيونى 2 وترى صج افكر كل يوم بالشباب اللى اذونى واخاف على سمعتى وماادرى اللى انا سويته غلط او صح بس تركت اللى اكلمه معنى احبه ويقول يحبنى قال الانسان له طاقه وانتى اكثر من مره قلتى ماابيك كيفج واهو متضايق وشوى معصب وكل يوم توسوسين وهذا يقص عليج يبى يخرعج وماادرى اشفيج ومن هالكلام وقتله ترى واحد خطبنى قبلها بشوى وطبعا مو صج تضايق حييل قتله اشفيك قال حبيبتى بتتركنى وماتبينى اتضايق بس هذا نصيبج ومن هالكلام وانا حبيتج واحبج وانا نهيت علاقتى معاه بس قلبى ويااه وقاعده استغفر ربى على اللى سويته بس الله كريم ثانكيوووووووووووو كل اللى ساعدونى احبكم

 

[PinKiSHo]

حصة رفيجتج كسرررت خااطري والله بس شالفايدة من الفلوس الي ورثتها دام ابوها سوا لها هالعقدة النفسية اصدمكم انا علاقة امي وابوي موشي تدروون اقول حق امي مابي اتزوج اخاف اصير نفسكم !! والله تعقدت من هالسالفه

المهم ماعليكم مني لوول داشه عرض

روز الله يحنن قلب ابووج عليج بس والله كل رجل له مفتاح على قوله مادري منو جنه فوزية الدريع لوول
يعني انتي ساحلي ابووج ترى ايي بالمساحل <<< كله تساحل ابوها اذا تبي شي لوول
يعني لما تشوفينه قاعد بروحه قولي له يبا تبي عشا تبي جاي تبي شي ؟
وسولفي معاه دقرج عادي ضحكي واخذيها على غشمرة مهما كان هذا ابووج
واذا على سالفة الطلعات وجذي ترى والله من خوفه علييج بس يمكن يبالغ شوي بس ترى خوف وحرص لا اكثر

 

[pride&prejudice]

شوفي حبيبتي مافي واحد ما يحب ضناه مهاما صار في حنان وحب بقلبه ، أول شي سالفة إلي تكلمينه قوليله يا ولد الناس انت تبيني ولا لأ اذا تبيني باب البيت مفتح وحياك الله واذا انت ناوي تتأخر ولا تتعذر الله يسهلك طريجك ولا تفتحين باب انت في غنى عنه وحطي حد حق الموضوع ولا تردين في هالطريج مرة ثانية، أما سالفة أبوج صدقيني ان يحبج بس ما تدرين شنو الي يفكر فيه حنى حتى لو ابوي يعاملني جذي ابوس راسه لأن ربج وصانا فيهم ميخالف تحملي ربج يختبرج وانشاله يجازيج خير وحاولي انج تتكلمين معاه حتى لو زفج ميخالف دايما قولي هذا ابوي وانا فداه وصدقيني الله يسرلج أمورج موفقة حبيبتي ويفرجها عليج يا رب

 

[كريستال ليدي]

الله يسهل امورج و يهدي ابوج يا رب

 

[DeSeRt RoZe]

مهما يسوي هذا ابوج
والله بشر الصابرين بالفرج والوسيعه
تحملي لين الله يفرجها ولا تتضايقين ,,, هذا ابوج ... تخيلي في ناس يقولون جان زين عندي ابو حتى لو يطقني ويكفخني كل يوم
حمدي ربج على كل حال
ومن يتقي الله يجعل له مخرجا
ادعي ادعي ادعي ربج كثر ما تقدرين ان يلين قلب ابوج عليج ويرزقج الزوج الصالح
وانا بدعيلج يا قلبي