اكره ريحة بيتي.. اتمنى يكون مثل ريحة الفنادق...

[beeebooo]

السلام عليكم



اخواتي بيتي ريحته مخيسه.. انا حامل .. وزادت الريحه زياده..

من قبل الحمل كنت ا تضايق من الريحه بس ماكانت تخنقني..


ودي بيتي يصير مثل ريحة الفنادق.. اروح لفندق مافيه دريشه وحده .. ولا القى ريحه بالعكس ماااشم شي... الحمام بدون دريشه بس شفاط بالسقف ومافيه ريحه.. انا حمامي ريحته رطوبه تجيب الهم...

مع ان الفنادق كلها مفروشه .. ولا فيه ريحه الموكيت الخايس ..

موكيتي فيها ريحة كتمه.. اتمنى القى لي حل مع الروائح...​

 

[beeebooo]

اببببببببببببببببببببببببب

 

[رووح ابووها]

بطلي الدرايش الصبح خلي الشقه تتهوا

على طول حطي بخور وعطر
او روحي حق bath and body work الي بالافنيوو

واشتري هالفواحه في منها الوان



واخذي العطر الي تبينه بس انصحج Sweet Pea ريحته خيااااااااال
والله انا شقتي بالطابق الثالث قبل اركب الدرج اشم الريحه ((( ريحه فريش نظافه )))


واذا شقتج سراميك
بعد ماتخمين تجيبين سطلج



وحطين ماي مع اي معقم ارضيات عندج او معطر
انا اشتري معطرات الارضيات من محلات البخور والعطور
ومرات احط ماي مع كومفورت وشوية عطر من عندي وانا امسح اكون حاطه البخور

واذا شقتج مفروشه



تحطين ماي وشوية كومفورت موو وايد وتجيبين البروش وتنظفين الزوليه





<<<<<<<<<<<<<<<<< هذا للغرف اما الحمام عزج الله

للمراحيض استخدمي هاربيك






وبعد ماتغسلين الحمام بالصابون وتخلصين كل شي حطي ديتول ومسحيه على الخفيف
او حطيه بعلبه فاضيه مثل هذي مع شويه ماي ورشيه بالحمام



وحطي شموع الي لهم ريحه بس ماانصحج تكثرين منهم لان مو زين
انا مرات احط شمعه بريحة الفراوله يعني نادر

بس على طول هذا موجود بحمامي بالليمون ريحة نظافه




وسلامتــــــــــج
وسوري ههههههه حدي طولت الموضوع

 

[رووح ابووها]

بس ترا ماعرفت شنو يعني الموكيت ؟؟

 

[beeebooo]

موكيت يعني زوليه... تسلمين اختي العزيزه​