اكلات النفاس المبتكره ... وصفات جديده للرجيم بالنفاس ..شاركونا

[شيماتو]

يعطيج العافيه

 

[عالمي المجنون]

انا عن نفسي كنت اكل نفس الاكل العادي بس قللت الكمية

ريوقي: انوع بالبيض بس الوالدة تترسه فلفل اسود

و بعدها تييب لي الحسو اكل جم قفشة بس

الغدا : اي شي بس بدون العيش او خبز و سلطة و بعدها

قفشة لهوم و حليب والمغرب جاي اخضر

العشا : اي شي و يفضل شوربة بس اكل كمية قليلة

طلعت من نفاسي نازلة 9 كيلوات

المهم الكمية و الحركة و ابتعدو عن الخبز او قللو منه اهو و العيش

 

[sweet-kamelia]

اي ريجيم يختي

معجنات واشياء مو صحية مثل النقانق والكفتة واللحوم اللي قلتي عنها لحم بقر او ديك رومي والنقانق @@

احسن شي الدجاج الطازج واللحم العربي عشان صحتج مو اضعف على غير سنع

الاكلات للريجيم ن وجهة نظري مرقة وشوربة سواء لحم او دجاج هذى احسن شي يلم الجسم ويشده ويطلع الماي اللي فيه
الخضار والفاكهة بانواعها ممنوع
الاكلات اللي زينه للنفاس حيل بس افضل ماتكثر منها المرقوق والقبوط وبس
يعني تخلينه مقلقل وبيض ودجاجة مشوية مرق و شوربات واهم شي يكون فيهم لحم او دجاج عربي وطازج بس

 

[sweet-kamelia]

العيش المعكرونات كله هالاشياء نبتعد عنها

والخبز يكون طحين بر وبالنخالة مفيد

واكلج التوابل انتي خلطيها وهالشي بسوي " كمون - شمر - فلفل اسود - فلفل ابيض " اطحنهم واخليهم توابل حق اكلي

 

[pusy cat]

نفاسي كنت قاطعه الخبز نهائي وماكنت اعترف بقبوط وما قبوط

ريوقي كان بيض مقلي آكله بشوكه بدون خبز مع حليب

غداي كان تكة لحم هم آكلها بشوكه مع سلطه بدون خبز

عشاي باقي التكه مع سلطه

+ لهوم ودارسين + الرضاعه الطبيعيه تسحب كل الوزن اللي اكتسبته بالحمل

الحمدلله بعد الاربعين رديت وزني يوم كنت عروس ماشالله

 

[pusy cat]

ولأني كنت ارضع طبيعي بين الوجبات كنت اشرب حليب ككاو كيديدي وآكل رهش لان الرهش يدر الحليب وحتى السمسميه تدر الحليب

 

[pusy cat]

طبعا المشروبات الغازيه ممنووووع