اكلات النفاس المبتكره ... وصفات جديده للرجيم بالنفاس ..شاركونا

[عيون ملكيه]

قوه بنات اشلونكم وشخباركم

انا بنات خالاتي ماشاء الله تبارك الرحمن يطلعون من النفاس سمبتيك بدون مبالغه

و هالايام قعدت اخذ وصفاتهم اللي ياكلونها بالنفاس و ما يخرب نفاسهم انا بقولكم الوصفات

وانتو عطوني رايكم ...


بسم الله نبدي :

طبعا اهم شي اللحوم سواء لحم غنم بقر او دجاج و ممكن رومي

سلطة الجرجير و الخس و الجزر مفيده
البطاط ايضا مفيد باعتدال

البيدجان و الكوسا

الصلصلا العاديه ممنوعه


ممكن صلصة الطيحنه بدون ليمون يعني ماي و طحينه و ملح و فلفل اسود
او طحينه و ماي و ثوم و زيت و فلفل اسود و ملح


العصير البرتقال فقط الفرش معصور بالبيت اما العلب ممنوع حامض

المشويات مهمه حيل

الخبز يفضل الخبز او الصمون او التوست الاسمر او اللي بالحبوب

الشوربات الخضار \ الدجاج \ اللحم \ لسان العصفور \ المشروم

الوصفه الأولى :

كفتة خزان

الطريقه نقلي الكفته بزيت او ندخل الكفته بالفرن

و بعدها نحمس بصل و ثوم و فلفل اسود وكركم وناكلهم مع خبزه وحده ايراني و جرجير




الوصفه الثانيه :



الكباب

ناخذ كباب تقريبا 3 اصياخ كباب مع صمون المطاحن الهوت دوج الاسمر رغيفين فقطط
ملعقة طحينه مع ملعقتين لثلاث ماي تنخلط لمن يصير لونها ابيض و نزيد الماي لمن يصير عندنا صوص و نحط ملح و فلفل اسود
وسلطة جرجير و خس بدون اي اضافات

عصير برتقال فرش مو العلب




الثالثه:
نقطع بيدجان و كوسا و بطاط و نحمسهم مع بصل شرائح و ثوم و كركم و فلفل اسود وبهار

و نحطهم برغيف خبز لبناني المطاحن واحد اما خبز الشعير او خبز لبناني عادي

مع شوربة ماجي دجاج او شوربة خضار

و عصير برتقال فرش


الرابعه :

شوربة دجاج .. نص دجاجه تنحمس مع بصل و ثوم و جزر و كركم و فلفل اسود و ملح و شوية مردود و ينحط عليها ماي و نتركها تطبخ و بالاخر نحط شوية شعريه

قبل الاكل نطلع الدجاجه و ناكلها مع خبز او ناكلها بروحها مع الجرجير و الشوربه ينشرب مناه كثر ما تقدرون بس بالاول ناكل نص دجاجه صدر و فخذ كلها


الخامسه:

بيض مقلي \ همبرجر\ صمون مطاحن اسمر

نقلي البيض عيون او اومليت مع الحرض على اضافة الفلفل اسود
نشوي البرجر لحم و نحطه بالصمونه


ممكن نحط شوية بطاط مقلي او بالفرن نص بطاطه لأن البطاطه تثقل الرحم

اذا في شوربة خضار او لسان العصفور يشرب منها



الوصفه السادسه :

وصفات تصلح للريوق



بيض بقطع النقانق و الفلفل الاسود

وصفه ثانيه ما ادري كم وصلت بالوصفات :eh_s(15):

بان كيك مع قشطه و عسل و حبه سوده و جاي اخضر

ساندويشات التوست بانواعها :



ساندويش توست داخلها مايونيز مخلوط بملعقة فلفل اسود خس دجاج مشوي او صدر دجاج منتف جبنه خالية او قليلة الدسم سلايس شريحة طماط و توست محمص

سمبوسة المباركيه المثلجه اهم شي تكون سمبوسة ماش لان الماش مفيد للنفسا

عشر حبات اما تاكلينهم جذي او تحطينهم داخل صمون اسمر او خبز ايراني مع فلفل اسود



وصفه بعد يغفلون عنها اغلب النفسااا:

عجة البيض بالاعشاب نكثر بقدونس و كزبر و كرفس و بصل نحمسهم شوي عالزيت و نضيف فلفل اسود و كركم بسيط و شوية ملح و نحط عليهم البيض للريوق ناكلهم مع او بدون خبز ايراني نص رغيف


مع حليب و شاي


وصفه اضافيه :

خبز العروق المتاعرف عليه مع اللحم المفروم مثالي للنفسا مع مراعاة انج تاكلين 4 او 5 اقراص مع الجرجير او الخس يعني تملين بطنج بالجرجير او الخس و الخبز يكون للنكهه

الدرابيل مثاليه للريوق ترا اهي عصيده ناشفه بس غمسيها بحليب بالهيل و الزعفران و بالعافيه

 

[عيون ملكيه]

بكمل لحد يرد لا انسى

الفطاير بالذات اللحم و الحلوم و الجبن مالح و السبانخ اذا كانت بدون صماق و النقانق بالبيض و الزعتر و الجبن كلهم ما منهم ضرر بس لو تدورون على صاج يكون اخف او يكون طحين اسمر


بنات يفضل تاكلينهم اما ريوق او غدا بالليل لازم تخففين

 

[عيون ملكيه]

مرقوقة المعكرونيا

تسوين مرقة المرقوقه نفس الطريقه مع اللحم بس بدال العجين نحط معكرونيا


بنات واللي يعافيكم عطوني رايكم بكل صراحه هل هالوصفات مناسبه

و هل فيها شي يخرب او ممنوع بالنفاس


و اللي عندها مطاعم او طرق ثانيه ممكن نستفيد منها تشاركنا


بنات تكفون ادعولي ان الله يهون علي ولادتي و اجيب طفل ما يشكي من اي عليه و يكون كامل الخلق و الاخلاق يارب و يحفظلي جنيني و يرزقني بالولاده الطبيعيه يارب

 

[H_R_S]

يعطيج العافيه حبيبتي
السبانخ وعصير البرتقال عموماً سواء فريش ولا عادي والمايونيز مو زينين

 

[فرزاشيهـ]

صح سمعت عصير البرتقال مو زين .،



بس عموما انا حمدلله اكل بشكل معتدل و اكلي طبيعي بس اضيف عليه فلفل اسود و مع الحليب حلبه و لهوم .، لان دكتوري قالي خلي اكلج طبيعي و هلثي و صرااحه اللي اسمعه الوحده بالنفاس مو زين تجوع و مادري شنو شلون يعني اطلع من النفاس كبت !!:/ ف اكل بشكل طبيعي حمدلله وان شالله ماكو الا العافيه ماضر لبنانيات و الجنبيات

 

[لياحه بنت لواح]

الله يسهل حملج ويرزقج بالولد المتعافي
ويسخر لج زوجج
وجميع المسلمين

بالنسبه للاكل اللي قلتيه اكثره خبز وعجين
لو تنظمين اكلج بالنفاس ماتزيدين
يعني ٣ وجبات باليوم
ريوق غدا عشا
بينهم تمر او عصيده

واهم شي السلامه غنيمه


وبعدها تسوي رجيم لاطلعنا من النفاس
والله يسهل علينا يارب


 

[عيون ملكيه]

يعطيج العافيه حبيبتي
السبانخ وعصير البرتقال عموماً سواء فريش ولا عادي والمايونيز مو زينين

السبانخ ما ادري عنها بس البرتقال حبيبتي عادي اذا فرش انا حمواتي عند حمولتي شوف عيني البرتقال ما يفارقهم اصلا مسهل و ما يسبب امساك و حتى امي و جدتي قالولي عادي الليمون اهو الممنوع

المايونيز اهو بيض و خل و لمن تخلطينه مع فلفل اسود يصير صلصة فلفل اسود .... ههههه

 

[عيون ملكيه]

صح سمعت عصير البرتقال مو زين .،



بس عموما انا حمدلله اكل بشكل معتدل و اكلي طبيعي بس اضيف عليه فلفل اسود و مع الحليب حلبه و لهوم .، لان دكتوري قالي خلي اكلج طبيعي و هلثي و صرااحه اللي اسمعه الوحده بالنفاس مو زين تجوع و مادري شنو شلون يعني اطلع من النفاس كبت !!:/ ف اكل بشكل طبيعي حمدلله وان شالله ماكو الا العافيه ماضر لبنانيات و الجنبيات

صاجه حتى انا دكتوري يقول لاتخربطين بالاكل

 

[سارة ة]

ممشششكوورة

 

[عيون ملكيه]

الله يسهل حملج ويرزقج بالولد المتعافي
ويسخر لج زوجج
وجميع المسلمين

بالنسبه للاكل اللي قلتيه اكثره خبز وعجين
لو تنظمين اكلج بالنفاس ماتزيدين
يعني ٣ وجبات باليوم
ريوق غدا عشا
بينهم تمر او عصيده

واهم شي السلامه غنيمه


وبعدها تسوي رجيم لاطلعنا من النفاس
والله يسهل علينا يارب


اي انا معطيتكم الوصفات بس مو كله اكله بنفس اليوووم واي يماااا هههههههه


انا اقصد التنويع يعني مو معقوله كل يوم عصيده ريوق و مرقوق الغدا و قبوط العشا
امبيه في بنات اعرفهم جذي و تطلع من النفاس امبيه برميل و تقول ياربي اشلون انزل وزني انتي صارلج شهر تاكلين بالعجين



القصد ان مثلا الريوق عصيده

الضحى سلطة جرجير او تمر و قهوه

الغدا ساندويش مشويات و سلطه

العصر شابوره او بخصم و حليبه


العشا شوربه مع نص دجاجه و ربع خبزه ايراني
وعصير



قبل النوم دوا غوري


جذي اقصد


بس الوصفات للمشاركه و التنويع


ومشكوووره عالدعوه ياقلبي

 

[Winter Q8]

كل الأكل اللي حطيتيه زين و ما يضر مغذي .. اصلا القبوط و المرقوق عجيبن شيفرقون عن الصمون الاسمر ..
و البرتقال زين و فيتامين سي يعوض الحديد المفقود و يمنع الامساك و يدر الحليب ..
انا اكلي بالنفاس جذي و الحمدلله طلعت من النفاس مثل وزني قبل لا احمل بس المشكلة كانت فخوذي كبار و بطني طبعا لاني والدة بقيصرية غير جذي الحمدلله ..

 

[Meeesh]

ان شاء الله بحفظ الصفحه عندي

مشكوووووووووره ويعطيج الف عافيه حبيبتي

 

[عيون ملكيه]

كل الأكل اللي حطيتيه زين و ما يضر مغذي .. اصلا القبوط و المرقوق عجيبن شيفرقون عن الصمون الاسمر ..
و البرتقال زين و فيتامين سي يعوض الحديد المفقود و يمنع الامساك و يدر الحليب ..
انا اكلي بالنفاس جذي و الحمدلله طلعت من النفاس مثل وزني قبل لا احمل بس المشكلة كانت فخوذي كبار و بطني طبعا لاني والدة بقيصرية غير جذي الحمدلله ..

الحمدلله على سلامتج و بسيطه الحين تقدرين تسوين رجيم و تتحركين على كيفج

و القيصريه انا اللي يخوفني انها تسبب كرشه بسيطه ما تنشد الا بعمليه عاد الله يعين

 

[عيون ملكيه]

ان شاء الله بحفظ الصفحه عندي

مشكوووووووووره ويعطيج الف عافيه حبيبتي

عليج بالعافيه و الله يهون علينا يارب:eh_s(7):

 

[Aloe Vera]

بصراحة وايد عجبني


بس بشكل عام الماجي مو زين كله مواد كيماوية في بدائل طبيعية ماركة ارض الطبيعة
و هم النقانق مو زينه بشكل عام


المهم كلشي قلتيه وايد حلو و زين و اشوفه صحي

السبانخ ممتازة

البرتقال ممكن ياثر بطعم حليب الام عشان جذي في يهال مايحبون


بس بشكل عام عصير الرتقال الفرش و الفواكه ممتازه

 

[عيون ملكيه]

بصراحة وايد عجبني


بس بشكل عام الماجي مو زين كله مواد كيماوية في بدائل طبيعية ماركة ارض الطبيعة
و هم النقانق مو زينه بشكل عام


المهم كلشي قلتيه وايد حلو و زين و اشوفه صحي

السبانخ ممتازة

البرتقال ممكن ياثر بطعم حليب الام عشان جذي في يهال مايحبون


بس بشكل عام عصير الرتقال الفرش و الفواكه ممتازه

التفاح والليمون والرقي والبطيخ ممنووووووع

البرتقال الفرش وايد ينصحوني فيه
احسن من انج تاخذين فيتامينات

السبانخ ممتازه بدون السماق لانه حامض بس مع حمسة بصل وايد زينه
الجرجير و البربير و الخس حيل مفيد

 

[عيون ملكيه]

بنات وينكم شاركونا باكلات النفاس المبتكره

 

[zain-alq8]

انا شفت حماتي بالنفاس كله مشاوي وخبز اسمر اللبناني الخفيف مال المطاحن واشوفها كل يوم العصر تاكل اناناس فرش مو معلب لانه يحرق والقبوط ماتاكله الا بالاسبوع مره ولاعصيده ولاخرابيط سمبتيك بسوي نفسها لا ولدت بالسلامه

 

[zain-alq8]

اب اب

 

[رويال ديزاين]

خوش وصفات صراحه ما فكرنا فيهم احنا يا دجاجه مفيوحه او بالفرن و قبوط و مرقوق لازم باللحم و عصيده و قرص و تمره