اكلات لرمضان -= تتفرزن =-

[زهـــر]

السلام عليكم

شلونكم بنات

ما عليكم امر ممكن تعلموني شنو الاكلات الي اقدر اسويها حق رمضان و افرزنها من الحين
غير الكبب و المقالي

يزاها الف خير الي تفيدني

 

[جارة القمر]

تفضلي طلبك


ممكن الكبب والسمبوسة وأفخاذ الدجاج الكذابة والبيتزا والمعجنات والشباتي والورق عنب

http://q8yat.net/showthread.php?t=427872&highlight=%C7%E1%DD%D1%ED%D2%D1



http://q8yat.net/showthread.php?t=429566&highlight=%C7%E1%DD%D1%ED%D2%D1


http://q8yat.net/showthread.php?t=395519&highlight=%C7%E1%DD%D1%ED%D2%D1





http://q8yat.net/showthread.php?t=429209&highlight=%C7%E1%DD%D1%ED%D2%D1



http://q8yat.net/showthread.php?t=203067&highlight=%C7%E1%DD%D1%ED%D2%D1


http://q8yat.net/showthread.php?t=93078&highlight=%C7%E1%DD%D1%ED%D2%D1





http://q8yat.net/showthread.php?t=516620&highlight=%C7%E1%DD%D1%ED%D2%D1

http://q8yat.net/showthread.php?t=626624&highlight=%D1%E3%D6%C7%E4

 

[<<لمار>>]

ماينفع تفرزنين شئ غير الكب والمقالى احس باجى الشغلات احلى فرش

 

[بشوره الكويت]

جاره القمر وفت وكفت

ولمار ما قصرت ما تقدرين بس الكبب والسمبوسه واصابع الجبن

هذا احسهاتتثلج

باقي الشغلات فريش افضلج واحلي بالطعم

 

[بشوره الكويت]

جاره القمر وفت وكفت

ولمار ما قصرت ما تقدرين بس الكبب والسمبوسه واصابع الجبن

هذا احسهاتتثلج

باقي الشغلات فريش افضلج واحلي بالطعم

 

[نسيم الذكرى]

ممكن عمل كبة عربانه وكبة مرق والقبوط نعملهم ونضعهم فى الفريزر لرمضان

نسيم الذكرى

 

[أحلى همبه كويتية]

ايه حبيبتي ممكن
انا اسوي القبوط وكل الكبب وبالفريزر قبلها بشهر
ما يصير عليهم اي تغيير بالطعم

توكلي على الله والله يبلغنا الشهر الفضيل وياكم

 

[ام الدرر]

ياقلبي ممكن تسوين اشياء تسهل عليج الطبخ مثلا
انا ااسوي حمسة اللحم المفروم المعروفة (زيت وبصل وبهارات وملح)حق طبختين او ثلاث واحطه بالفريزر حق معكرونه حشوة سمبوسه او معجنات او احشي فيها دجاج او بط
نفس الشي اسلق دجاجه او ثنتين واسحبها واحطها بتبر وير مع شويه من ماي السلق وبالفريزر حق شاورما او معكرونه او صواني الفرن او حمسات
اختي لان شوربة العدس شي اساسي عندهم تسلق العدس مع الخضار(كوسه وجزر) كميه وتخلطه بالخلاط وتوزعه وجبات وبالفريزر
ورق العنب الف كميه كبيرة واصفة بصينيه طبقات بينهم نايلون التغليف وبالفريزر
اممممممممممممممممممممممم
قاعدة افكر
البصل والثوم فرمي كمية ووزعيه اما باكياس صغيره اومواعين بلاستيك اللي يسوون فيها الحلو وبالفريزر
واذا كنت تستعملين الكزبر والشبنت للمرق وغيره فرميه وخلطي معاه شويه ملح وثوم مفروم وزعيه حسب الوجبه كور بصينيه وثلجيه ولما يجمد شيلي الكور وبكيس نايلون ومرة ثانيه بالفريزر
الحلو
انا جربت افرزن الجبنيه وطلعت حلوة كانها توج مسويتها
عجينة السمبوسه حشيها قشطه(محلبيه ثقيله مخلوطه بقيمر)ولفيها رولات ضعيفة وبالفريزر حق زوارة ولا ضيوف فجأة
اقليها بزيت بسرعه
وصفيها طبقات وصبي عليها خلطة (جبن الكيري +حليب نستله +قيمر )ورشي الوجه بدارسين ...........غرام عيالي

هذا اللي في بالي الحين واذا تذكرت شي ارجع ان شاءالله​

 

[لوميه سوده]

اللهم بارك لنا في رجب وشعبان وبلغنا رمضان

 

[حرم نايف باشا]

موضوع حلو انا مافرزن الطبخه كامله لكن اجهز المواد للتفريز مثل حليب النيدو احمسه للحلويات وافرزه والبسكويت اطحنه والبريد افرمه لعيش السرايا واقطع الخبز الشامي للفتوش وصلصة البيتزا والمكرونه اطبخها واقسمها وافرزنها والبادنجان اقطع صغار للسلطه وكبار للصواني واقليه وافرزنه وسبينغ رول احشيه ووالتوست بالدجاج اجهزه وافرزنه وناويه اجرب البشاميل للتفريز لكن خايفه يخرب مادري احد جرب وطلعت زينه وناويه افرزن الكفتات بكل انواعها وشكرا لصاحبة الموضوع

 

[شندوخه]

لالالاتكثرون تفرزن كهربتنا عليها ضغططط وبيصير قطع مبرمج
عاد حرام يخرب شغلكم ويروح بلوووشي

 

[نوووور الشمس]

اللة يبلغنا وياكم الشهر ونصومة

 

[مس يو]

ما شاء الله البنات ماقصروا..

انا اسوي نفس ام الدرر ..وبعد ابشر كمية من الجزر بمحضرة الطعام واحطها بالفريزر والفلفل البارد الملون نفس الشي اقصصه طوال << حق الحمسات
واقصص الخبز العربي الخفيف تقريبا جيسين واعبيهم باكياس وافرزهم للفتوش والفتات وشوربة العدس يمي .. بعد اسوي رولات الدياي واحطهم بتبر وير وواقصص التوست مكعبات واحمصه بالفرن واحطه بتبر وير بالثلاجة من تحت حق السلطات والشوربات..والثوم ما اثلجه افرمه بمحضرة الطعام مع خل وملح وزيت واحطه بقرشة بالثلاجة من تحت ونفس الشي الزنجبيل الطازج << اسهل بالطبخ ...
واذا تستخدمين البصل المقلي (نفس بصل الكشري) على ويه العيوش والبرياني .. سوي كمية وحطيها بتبر وير بالثلاجة من تحت والطريقه انج تقصصين البصل شرايح كمية كبيرة طبعا.. وترشينه بشوي طحين بس لا تكثرين بحدود قفشة قفشتين بس علشان مايصير يابس حيل .. وتفركينه حيل مع الطحين بعدين تقلينه بزيت غزير نفس الشبس وتحطينه على ورق نشاف ولما يبرد عدل حطيه بالثلاجة.. حتى شغلات الحلويات مثل الشعرية الباكستانية وبسكوت الدايجستف اطحنهم قبل رمضان علشان مايضيع الوقت .....في شغلات وايد بس هذا اللي الحين ذاكرته

 

[زهـــر]

بعد قلبي و الله
صراحه ما قصرتو
يزاكم الله الف خير واااايد استفدت منكم

 

[الفردوس غايتي]

وايد افدتوني بس اكيد عادي اثلج الخضار مثل جزر وفلفل اخضر مقصقص اطوال


وشلون اقدر اثلج عجينة سمبوسة محشيو بشوارما ؟؟


واخر شي شنو يعني ( بتبر وير )

 

[loooly love]

يسلموووووووووو ~ }

 

[dnyay_mll]

رد : اكلات لرمضان -= تتفرزن =-

البنات ماقصرو

تقدرين تفرزين عجينة المرقوق

وكفتة البطاط والدجاج

والربيان وفيليه الدجاج وفيليه السمك بالبقسماط

وفي بنات يثلجون المعجنات

 

[الكيكة الأمورة]

لما تطحنون البسكوت عادي تفرزنونه

 

[S3bo0ola]

لا حطيه بالكبت عاادي

واضيف عليكم بعد الفستق طحنيه وحطيه بجيس بالكبست بس ما يكون مملح والقطايف بعد

وموفقين

 

[هيبة ملك]

ماشاء الله عليكم