اكون مستانسه لما ادش تاخر الانجاب تصك فيني الدنيا....

[احلى^فراولة]

السلام عليكم يابنات احلى منتدى بالعالم العربي والاجنبي ههه

بنات بقولكم شي انا تصك فيني الدنيا لما ادش هالقسم بالمنتدى واتضااايق واحس ان خلالالالالالالالاص مااراح احمل بس والله من ادش اقسام ثانيه واسولف وافرفش واضحك واروح عند الاطبااااق واللبس والموضه استانس بنناااات يمكن احنا اللي متعبنا هالقسم لاز نخلي فيييه روح المرح والضحك مع النصاااايح اللي تونس واشياء تضحك انا احس بااااجر بندش نضحك على اعمارنا وحوالينا اليهال واذيتهم ":>

شرايكم يابنااااات نكلم مديرة المنتدى تحجز لنا صاله نتجمع فيها المنتدى كله يعني تحط اعلان ونتجمع ونسولف عشان نصير قراب اكثر من بعض والله يابنات انا متوقعه اشوف كل بنات الجماااعه بهالنتدى كل من قعدت معاااه قالي اي مسجل بالمنتدى

اي خلونا نسولف نغير موضوع تاخير يومين بس يمكن نلقط على قولة زوجي مايقول احس انج حامل لا يقولي

احس انه لقم
لوووووووووووووووووووووووووووول

وجبه مو بويضه مايندرى متى تطلع هالبويضه الله القاااادر باذنه يرزقنااااا

 

[سموره 87]

اي والله وانتي الصاجه حتى انا من ادخل اشك بنفسي ان فيني بلاوي
والله يرزقنا بالذريه الصالحه

 

[احلى^فراولة]

امييين يارب تعالي قسم المكياااج يهبل خل نتسنع قبل العيد ههههههههههه

 

[سموره 87]

اي والله مالنا غير العيد نتسنع بعدين راح يبدي الغثا كله الدراسه قطع اهئ اهئ اهئ
اف ياحلو النوم

 

[سراج الليل]

أحلى فراوله أنا بقول شي بس أتمنلى البنات اللي بالقسم مايزعلون أنا كنت نفسج إذا دشيت اهني غصب تنزل دمعتي وتصك فيني الدنيا بس بصراحه زهقت بالأخير وقلت لازم أغير وصرت أدش من قسم لقسم ليمن رسيت بقسم سوالف وفرفشه ودخلت انتخابات وكونت علاقات وصدقات مع شكثر أصلن اللي يشوف سوالفي بقسم سوالف يقول هاذي وحده ثانيه عن اللي تدش قسم تأخر الأنجاب وفزت بالإنتخابات ولهيت بهالقسم وشلت فكرة الحمل بس خليت ثقتي بالله كبيره انه بيرزقني




والله والله ثم والله الحمدالله الله رزقني بلا تفكير ودموع وهم وعوار راس




بنت الكويت لاتزعلين يالغاليه بس أنا قلت جذي لأني حزتها قلت لازم أغير تفكيري ولازم أغير القسم والصج ارتحت بس يعلم الله اني أدعيلكم وانكم توحشوني والدليل للحين أدش هالقسم <<<< فديته

 

[احلى^فراولة]

تكفين يالفارسيه على ايدج يالله اخذيني وياااااااااااج خليني اغير الموود عموما انا ماكنت اقصد انه القسم هذا يتصكر بالعكس نفعني بوايد اشياء بس مانبي حزن ودموع نكتب نصيحه معلومه مع ضحك وغشمره

 

[سراج الليل]

أحلى وأنا والله نفسج ماأبيه يتسكر لأني استفدت والله منه وعرفت دكتورتي اللي قالتلي مافيج شي وريحتني وعرفت بنات رفجتهم ذهب مع العلم انه في كذا وحدهسولفت معاها بس كذا مره (( بنت الكويت وسينامون وأم حور وتوفي وعواشه وتناهيد الزمن ومي ومي مي ودلوعه كويتيه وكويتيه مذهله وكيدي عظيم و وسنو وايت 83 وإيمانوفا والفنانه وأوت وميس لالا و .......... والله نسيت يالليت مايزعلون اللي ماذكرتهم



أحلى فراوله من باجر بجرج معاي والله بخليج تنسيييييييييييييييييين فكرة الحمل أوكى ؟



الوعد باجر لأني الحين بطلع القنفه كسرت ظهري




باي

 

[bnt_kwt]

المشكله فيج حبيبتي مو في قسم تأخر الانجاب

بالعكس القسم في وايد مواضيع مفيده وفي وايد استفسارات حق البنات اللي ممكن تفيد غيرهم وفي فئه من البنات يشكون همهم بهالقسم
يعني حاله حال قسم القضايا الاجتماعيه والحياه الزوجيه

بالعكس كانا احنا اندش هالقسم وغير هالقسم وما حسينا هالاحساس الحمدلله يارب الامل بالله كبير وثقتنا برحمته واسعه حيل وفي موضوع سوالف و تعارف بالقسم اسمه مشوار الامل وهو جزء ثاني لموضوع قديم اسمه تجمع الامل

انتي غيري اللي يدور ابالج راح تلقينه قسم مفيد مو مثل ما انتي متصورته
شيلي من بالج هالفكره وشوفي القسم بعيونج اللي تبي تستفيد من كل شي وراح تلقينه مفيد

اتمنى وجهه نظري ما تضايقج وما تضايق غيرج هذي وجهه نظر وعلى قوله المثل اختلاف الراي لا يفسد للود قضيه

 

[bnt_kwt]

اي وعندي اضافه
انا شخصيا وايد اكستبت خبره من تجارب البنات اللي مروا فيها
يعني قسم تأخر الانجاب افادني كعضوه وليس كمشرفه القسم

 

[كويتيه مذهله 87]

بالعكس هالقسم في مواضيع يستفيدون منها البنات

 

[غيـ الناس ـر]

القسم مفيد بس والله اذا دشيته اشك ان فيني شي وبريلي بلاوي واقعد اهويس وافكر ويضيق خلقي وتمر علي ساعات اقعد ابجي وينقمت قلبي



يبيله نحول المود شوي لول

 

[Amory]

إي والله نفس الكلام اللي بقوله قالته بنت الكويت

انا اللي اشوفه عكس كلامج بالضبط لأن مرات اكون متضايقه حدي ولما ادش هالقسم ألقى مواضيع فيها أمل وفيها فايده لنا لما اقراها اتزيدني امل وايمان بأن الله راح يرزقني ولما اشوف البنات في قسم تأخر الانجاب احس ان في معاي احد يعاني من نفس مشكلتي واحس ان ماني ابروحي وادعي لهم جميعا ان الله يرزقهم ويرزقني وافرح لهم ويزيد أملي لما القى بنت اتحمل.

وابهالقسم فيه تبادل خبرات وآراء سواء عن العلاجات والأطبة و وااايد بنات استفادت من القسم.

وهالقسم فيه روح الأخوة والتعاون وكل البنات اللي فيه احسهم على قلب واحد آنا تعرفت على بنات من هالقسم ماشاء الله عليهم قمه بالأخلاق عسى الله يرزقهم جميعا

ومشكلة تأخر الانجاب صارت موجوده في كل بيت لأن زادت نسبة انتشارها سبحان الله وآنا من كثر مو قاعده اشوف ناس عندها نفس المشكله احس صارت عاديه عندي وقسم تأخر الانجاب موجود ابأغلب المنتديات الثانيه والحمدلله لأن هالشي فيه الفايده لنا كلنا.

 

[احلى^فراولة]

تصدقون يابنات الظاهر انا اللي فاقده الامل لاحول ولاقوة الا بالله من تصير فالبني ادم مشكله صغيره يفقد الامل بس باذن الله من اليوم راح اغير نظاااامي واصير غير وافرفش انا حتى الطلعه كرهتها صرت ماحب اشوف بنات حمل بنات كل ماروح السوق واشوف بنات حمل تصك فيني الدنيا اقول انا ابي هالشي يارب يصير مع ان شخصيتي عكس هذا تماما احب الخير للناس واحب اضحك واسولف واتغشمر بس هالسالفه غيرتني الحمدلله على كل حال انا لما ادش المنتدى استانس احس احنا على قلب واااحد

 

[Amory]

ليش حبيبتي ليش تفقدين الأمل وربج سبحانه موجود وقادر على انه يرزقج بين يوم وليله

نصيحه غيري نظرتج لا تخلينها تشاؤميه ولما اتشوفين بنات حمل بدال لا تتضايقين ادعي ابقلبج وقولي يارب اتباركلهم فيما رزقتهم وترزقني مثلهم.

آنا يتني فتره كنت مثلج كله افكر ابنفسي وضايق خلقي عقبها صرت اقول لنفسي شنو الدنيا ما فيها الا اعيال وبس لااا الدنيا مليانه اشياء ثانيه وآنا بعدي اصغيره وفي ناس كبري واكبر وبعدهم ما تزوجو وفي وحده اعرفها عمرها 48 توها تزوجت واحملت ماشاء الله ويابت اعيال وانا بعدي جدامي عمر اقدر استانس فيه والحمدلله على نعمة الصحه والعافيه اهم شيء.
وصرت اهتم ابنفسي وابكشختي واقول الحمدلله آنا عندي وقت اسوي فيه اشياء وايده واهتم ابنفسي وابهواياتي و انادام اني ما عندي اعيال بعتبر نفسي عروس واتهنى مع زوجي ابهالفتره قبل لا ايونلي اعيال و بعدين ماراح يكون عندي وقت اسوي شي.

اختي كشخي واستانسي وطلعي عيشي حياتج وشوفي حوالينج الناس يا ترى هل كلهم متزوجين؟؟؟ طبعا لأ في اللي مو متزوجين ومستانسين واملهين عمرهم بالطلعات والسفرات والوناسه ولاحقين على هاليوم اللي متى ما الله اراد بيرزقج ان شاء الله مثل مارزق كل هالعالم بس في شي واحد مهم واهو احسني الظن بالله ودايما خلي عندج يقين وانتي تدعين ان الله بيرزقج وبيستجيب لدعائج.

 

[تمر حنا]

بالعكس هذا هالقسم اول مادش المنتدى دايركت اروح له والحمدلله احس فيه براحه وووناسه والقى ردود على اسالتي واستفساراتي

 

[Emanova]

انا عمري ما حبييت المنتديات و لا دخلت منتديات لما اختي ميمي قالت لي عن مشوار الامل ...دخلت و النعم بالبنات ..الصراحه فصله ما فيهم احباط ...متوكلين على الله...راضيين بقضائه

و اسعى يا عبد انا اسعى معاك ...اذا الواحد شاك في روحه و لا متأخر عن الحمل يراجع يتأكد ....

 

[بنت الارسنال]

احلى فراولة ليش كل هالاحباط انتي شكثر صارلج متزوجة؟

 

[&رعبوووبه&]

اضم صوتي لبنت الكويت

وبعد اذا دشيت هالقسم ارتاح والقى احد يحس فيني

عسى ربي يرزقنا اجمعين

 

[Snow-White]

قبل لا اعرف هالقسم كنت اعاني بروحي وماقدر اتكلم مع اى احد بموضوع الانجاب ...لان تدرون ان هذي المواضيع حساسه شوي...بس لما قمت ادش اهني واسولف مع البنات بمشوار الامل شفت اني مو بروحي اعاني وانه فيه بنات مثلي ويمكن اكثر مني وصرنا نسولف ونستانس وضحك وسهراااات لي الصبح...ولا في كابة ولا شي وبالعكس لما كنت ادش وانا متضايقه واتكلم عن داخلى القى اللى يسمعلي ويهون على لان كلنا بالهوا سوا ومشكلتنا وحده..وعمري ما استغننى عن هالقسم لو يصير عندي 10 عيال

 

[احلى^فراولة]

يصير اشارك بمشوار الامل