الآثار السلبيه لارتداء البرقع و النقاب

[نادره عبدالرحمن]

مع ان الكل يحلف على شرف المتغطيه الا ان يظل هناك بعض المتحجرين الذين لا يحبذوا الغطا و الملتزمات أمثالنا بالرغم من معاناتنا و جهلهم بها
لذلك أورد بعض البعض مما نتكبده و نقاسيه في سبيل لباس موروثنا الشعبي الأصيل

1- ضيق التنفس و بالتالي تأثر الصحه العامه

2- تأثر البشره من قلة الأكسجين و بالتالي ظهور حب و البثور و الهالات تحت العين - يعني يطلع شكلنا كأننا من قطاع الطرق -
اللي يطلعون في الكاو بوي يقولون " stik them up"

3- اعوجاج الأنف و انبعاج الخدود و جحوظ العينان و احمرارهما الدائم

4- تكسر الشعر و تقصفه و كثرة تساقطه

5- هذا كله يؤثر على المظهر العام و بالتالي يؤثر على النفسيه يعني - احباط , خجل , انطوائيه , اكتئاب - و عقد لا متناهيه

6- خراب السكبه و سيحان المكياج " المتبقع " بسبب " البرقع مما يؤدي الى شكل بشع عكس ما كنا ننوي بالنتيجه
فلا تتعبين نفسك
مهما حطيتي مكياج ماركه


لابد أنه

سائح سائح
متبقع

هذا بعض ما تذكرت

و لكن كله علشان خاطر عاداتنا و تقاليدنا و في سبيل المحافظه على شرف أهلنا يهون :ssssso:

 

[فـسـفـــ كيوت ــورية]

 

[Miss McDonald]

.
اللي كآتب هالكلآم يحسسني آنه النقآب يلبسسونه 24 سآعه !!
ولنفرض انه الملآبس تضر الجسسم وتطلع بقع يلا خل نفصخ
انا مو منقبة !
بس احس الموضوع مآله دآعي !
,
مشششكورة =)

 

[درة أهل الطولات]

رد : الآثار السلبيه لارتداء البرقع و النقاب

الموضوع بمكان غلط ..

مشكورة على المعلوماااات

 

[رحيق الجنه]

أختي شهالمعلومات الغلط

ما يضحك

استغفر الله

النقاب فرض فرض فرض

 

[أعذب أنسانه]

سسسسسسسسسسسورى بس موضوعج ماله داعى ولاتتمصخرين على شى الله فارضه علينا

 

[*♥ لبى ♥ آلغرآم]

رد : الآثار السلبيه لارتداء البرقع و النقاب

الله واكبر الحين كل هذا يسوي النقاب وبعدين النقاب مايلبسونه طول اليوم عشان يسوي مادري
شنو بالعيون والخدود والنهاية يسوي خجل واكتئاب واحباط شدعوة عاد زين ماقلتي بعد يؤدي الى الانتحار
اشوف خواتي منقبات وشحلاتهم لااثرعلى عيون ولاشعر ولاخدود ولاجاب اكتئاب ولاشي مافيهم الا العافية
بالعكس زاد حشمتهم ......

 

[واثــقه]

رد : الآثار السلبيه لارتداء البرقع و النقاب

الي مــنزله المووضووع حدهااا ملاااغته وسخـافه كلش ولا الدين والموضووع ووشكلج تمصخريين الله يهيدديييج

 

[sweet cake]

حببتي صاحبة الموضوع انتي متعقده من النقاب واهلج فارضينه عليج غصب وشكلج صار جذي منه؟؟


انا تنقبت غصب مع ان ابوي كان رافض لأني كنت صغيره وخايف لا يكون قراري هبات وبس
لكن .. بشرتي صافيه ولله الحمد مع اني ما استخدم اي كريمات للبشره او مستحضرات >> قولي ما شاء الله
نفسي تمام وما عندي ضيق تنفس ولله الحمد وبالعكس انا عندي التهاب جيوب انفيه وحساسيه من حبوب التلقيح بالنبات والنقاب نافعني جدا بهالشغله
خشمي مو واو بس مو عوج كللللش وما عندنا وحده خشمها عوج من النقاب >> انتي شنو نقابج ضيق حيل سيره؟؟ اشتري نقاب سيره مناسب او وديه للخياط يضبطه لج اذا ما تعرفين
خدودي اسم الله عليهم طبيعيات وشحلاتهم والله
وعيوني ابدا ابدا مو جاحظات ونرد ونقول شكلج شاريه نقاب ضيق جدا ومو عارفه تضبطينه

والميك أب ما يتأثر بالنقاب واذا كان الميك اب حق مناسبه ما نلبس نقاب نغطي وجهنا بغشوه او طبقه من ملفعنا >> ولا تخافين ابدا ما يأثر ع النظر حتى لو كان بالليل




سوري بس الموضوع حدددده مو صحيح وسخيف وشكلج مجبوره عالنقاب

 

[الدكتورة الريم]

@

انا لبست النقاب وعن اقتناع تام تام .. ودون ان يجبرني احد عليه

قال تعالى :

( *يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً* )
سورة الاحزاب

وانا ارى ان للنقاب فوائد لاتعد ولاتحصى

واهم شيء بشرتي لله الحمد صافية .. الشعر صحي وكثيف

لابسه نقاب والاكسجين الي اتنفسه نقي

يعني ماني عارفه شنو هالتهويل والسوالف البايخه عن النقاب

الي ماتبي تنقب بكيفها .. لكن لا تكذب على الناس وعلى نفسها

@​

 

[crazya q8ya]

رد : الآثار السلبيه لارتداء البرقع و النقاب

LoOoOolz yslmooo 7ubi

 

[بولندية]

لوووووووووول

 

[..فروحه..]

.
اللي كآتب هالكلآم يحسسني آنه النقآب يلبسسونه 24 سآعه !!
ولنفرض انه الملآبس تضر الجسسم وتطلع بقع يلا خل نفصخ
انا مو منقبة !
بس احس الموضوع مآله دآعي !
,
مشششكورة =)

معاها
:eh_s(12):

 

[فوضويـہ مرتبــہ]

رد : الآثار السلبيه لارتداء البرقع و النقاب

لاااااااااا تعليق الخواات وفو و كفو النقااب اقنتاع و ما يسوي كل هالاثااار

 

[كويتية22]

انا بس ابي اعلق على كلمتج

[/:

يعني الي مو منقبات ما يحافضون على عاداتهم و تقاليدهم؟؟

ولا يعني هم ما عندهم اخلاق و ما يحافضون على شرف اهلهم؟؟

اقول ترى انا كان معاي بنات منقبات بالجامعة و انا اعرف سوالفهم عدل بس خليني ساكتة الستر زين

في بنات منقبات ووايد محترمات

وفي بنات منقبات ومكياج العيون جنة مكياج عرس و العباية مخصرة والحالة حالة

ونفس الشئ للبنات الغير منقبات

منقبة او لااهم شئ الاخلاق والتصرفات

خافي اللة​

 

[~*الزين الاصيل*~]

رد : الآثار السلبيه لارتداء البرقع و النقاب





اكتفي بكلمه وحده
النقآب ستر للبنت ..
وآنآ عن نفسي الحمدلله تنقبت
بآرآدتي وبعمر صغير ..
ومآ وآجهة آي شي من اللي ذكرتيه..؟

4- تكسر الشعر و تقصفه و كثرة تساقطه

شعلآقة النقآب بتكسر الشعر وتقصفه وكثر تسآقطه ..؟؟!