الآلآم آلدوره الشهريه ...

[دلوعة أبوهآ]

آلسلآم عليكم ورحمة آلله ..
مآدري اذا موضوعي في آلمكآن المنآسب أو لآ

لكن أتمنى اني آلقى حل يفيدني لآني تعبت :eh_s(2): ..

مشكلتي هي آلدوره و آلالامهآ
آدري بتقولون كلنآ أو اغلبنآ نعآني من هالشي !!
بس انا هآلسنه صآرت تجيني الآلآم بشكل مو طبيعي ..

لآزم في كل دوره يصير معآي صداع + دوخه + اسهآل ( أكرمكم آلله ) + إستفراغ ( مآتحمل أشم أي ريحه و على طول معدتي تقلب وآستفرغ )
ومع كل هالاعرآض !! أحس بحراره مو طبيعيه في جسمي وآعرق كآني أغلي والله :eh_s(2):

لي 6 شهور اول مآتجيني الدوره أروح المستشفى أخذ إبرة فولتآرين
وصرت إدماااان لاني مآقدر اتحمل الالم
مآبي جسمي يتعود عليها مع إني متأكده انه تعوّد عليهآ وخلآص
بس ابي اتركهآ مآبي شهرياً هالشي يصير معآي وآكيد كل شي وله آضرار ..

سمعت ان المشي قبل الدوره يقلل من ألمهآ << مشيت كثير ومآفي فايده ..

آنصحوني شسوي ..!
عطوني اسم حبوب أو علاجات تغنيني عن روحة المستشفى وتفيد معآي
للعلم اني مآهتم بإني اشرب اشياء دافيه وكذآ :eh_s(2): ..


آلله يجزاها كل خير اللي تفيدني :eh_s(7):
​

 

[روح الأحزان]

حبيبتي لازم تشربين اشياء افية وتتدفين عدل يمكن داش فيج هواا

 

[دلوعة أبوهآ]

بآحاول روح اني آشرب سوآئل دافيه كثير ..


بس أبي حلول وعلآجات ثآنيه تفيدني

 

[ملاك ^ الحب]

حبيبتي انا من بلغت لي قبل لا اييب بنتي وتييني الام الدوره كل مره واذا ماخذيت ابره او دريب اموت

الله يكون بعونج حاسه فيج

بس لمن يبت اول بنت وايد خف العوار


بس انتي شتسوين قبل الدوره باسبوع شربي حليب ودفي نفسج عدل وشربي سوائل دافيه

في بعد خلطه زنجبيل مع الحليب هذي تنزل الدوره عدل كامله يعني تنظفين و توخر العوار

وانشالله يروح عنج العوار

اهم شي دفي ريولج قبل الدوره كله لبسي دلاغ لاتاكلين برد ولاتشربين ماي بارد وراح تلاحظين الفرق

 

[ملاك ^ الحب]

نسيت اقولج بعد


انا لمن تييني الدوره اخذ بندولتين كل ماحسيت بعوار والله يخف العوار وايد

 

[ام عبدالله زوزو]

انا كنت اخذ بروفين عيار 600 حبتين بس واشرب زنجبيل بنزل الدورة والدارسين كمان ظلي متسطحة ومدفية حالك ولا تشربي اشياء باردة لانها تعقد دورة ان شاء الله يهون عليكي

 

[ام الحلوااات]

اشـــــربـــي كــــمــــــون / حـــلـــيــب بـــاالــداااارســــيـــــن او بـــاالـــزنـــجــــــبــيـــل شـــغـــلات جــــذي دافــيـــه

 

[روح امها]

لا حبيبتي انتي غلطانة جذي وايد انج ماتشربين سوائل دافية

اعطيج جدول امشي عليه يغنيج عن الابرة
قبل الدورة باسبوع وخري عن الليمون والاشياء الباردة
شربي حليب دافي مع زنجبيل ولاتمشين حافية لبسي دلاغ
لا يحوشج هوا بارد

من تنزل عليج شربي دارسين مع زنجبيل ونعناع باليوم مرتين لمدة 3 ايام
لمن ينزل كل الدم وتنظفين ساعات يكون العوار لان الدم متجلط

لاتتسبحين اول يومين بدلي ملابسج كل يوم وعطري جسمج
اذا عندج مطارة هم زينة حطيها على بطنج ونامي

 

[دلوعة أبوهآ]

ملاك حطمتيني وآلله ..
كل شهر اقول ان شاءالله الالم يخف المره آلجآيه وآدعي

وآلله معآناااااااااه ..

مشكلتي دورتي مو منتظمه عشان كذا مآعندي وقت معين اعرف فيه
فجأه تتقدم فجأه تتأخر وآلله العالم

 

[دلوعة أبوهآ]

نسيت اقولج بعد


انا لمن تييني الدوره اخذ بندولتين كل ماحسيت بعوار والله يخف العوار وايد

وآلله البنآدول ماصار يفيد معاي ابداً
بجرب بروفين أو فولتآرين

 

[دلوعة أبوهآ]

شدعوووه
مآفي ردود تفيد !!!

 

[غرومه غنوجه]

اخاف تشربين قهوه وايد يقولون مو زينه ؟؟

 

[*kim*]

انا كان يصير معاي جذي قالو لي من فقر الدم والهرمونات لان الدوره ماكانت منتظمه معاي

 

[ملاك ^ الحب]

انا بعد دورتي مو منتظمه

بس العوار كله من الهوا

انتي بس تتدفين وتشربين سوائل دافيه قبل الدوره باسبوع خلاص برمجي نفسج ماكو شي بارد كله دلاغ

حتى الماي ماتشربينه بارد

وراح تلاحظين شلون العوار يخف عليج

نسيت اقولج انا قبل بس تييني الدوره اشرب مراميه تطلع الهوا كله وارتاح

حتى تشوفين نفسج تعرقين لان هوا داخل جسمج

واهم شي ما تتسبحين الا لما الدم يخف

ترى بس تسبحين يدش فيج هوا على طول انا مجربه

 

[دلوعة أبوهآ]

انا كنت اخذ بروفين عيار 600 حبتين بس واشرب زنجبيل بنزل الدورة والدارسين كمان ظلي متسطحة ومدفية حالك ولا تشربي اشياء باردة لانها تعقد دورة ان شاء الله يهون عليكي

بروفين مو يضر آلمعده !!! :eh_s(2):

وآلله مادري وقت الدوره تنفتح نفسي ع الاشياء البارده بشكل كبير :eh_s(2): ..
ومشكوره ياقلبي

 

[دلوعة أبوهآ]

اشـــــربـــي كــــمــــــون / حـــلـــيــب بـــاالــداااارســــيـــــن او بـــاالـــزنـــجــــــبــيـــل شـــغـــلات جــــذي دافــيـــه

إن شآءالله ..
مآقصرتي :eh_s(17):

 

[دلوعة أبوهآ]

لا حبيبتي انتي غلطانة جذي وايد انج ماتشربين سوائل دافية

اعطيج جدول امشي عليه يغنيج عن الابرة
قبل الدورة باسبوع وخري عن الليمون والاشياء الباردة
شربي حليب دافي مع زنجبيل ولاتمشين حافية لبسي دلاغ
لا يحوشج هوا بارد

من تنزل عليج شربي دارسين مع زنجبيل ونعناع باليوم مرتين لمدة 3 ايام
لمن ينزل كل الدم وتنظفين ساعات يكون العوار لان الدم متجلط

لاتتسبحين اول يومين بدلي ملابسج كل يوم وعطري جسمج
اذا عندج مطارة هم زينة حطيها على بطنج ونامي

إن شاءالله بإذن الله بآهتم وآستمر ع آلجدول
مشكوره ومآقصرتي :eh_s(17):
وآلله يخفف عني يآرب

 

[dalo0oa121]

انا بعد نفسج ورحت فحصت طلع
عندي تكيسات ومشاكل ..

 

[Perfume]

حبيبتي آلام الدورة سببها مركبات اسمها الprostaglandins
الحل انج تاخذين الادوية اللي تمنع هالمركبات مثل البروفين ، الاسبرين ، الفولتارين
بس لااااازم تكونين ماكلة زيييين قبل ماتاحذينهم لانه ياثرون على المعدة
وجربي تشربين زعتر واشياء دافية ولا تعودين نفسج على ابرة الفولتارين ترى كثرتهم تاثر على القلب
الله يوفقج

 

[miss nina]

شوفي حبيبتي ..انا من تجربتي ويا الدورة الشهرية وآلامها...لاااازم ادفي رووحي حتى لو عز الصيف ..يعني تركي عنج القصير والضيق ايام الدورة خاصة أول يومين الالم قوي ..البسي ملابس مريحة وتدفيج ولا تمشين حافية ..واشربي الدارسين واااايد زين للدورة ..والزنجبيل بعد ..أحيانا أول يومين لازم اخذ حبة بنادول العادية البيضا لاني اخاف من الادوية كنت آخذ بروفين بس قوي على المعدة وماتحملته ..وماحب استعمل اي ادوية ثانية ..واستخدمي كمادات دافية على بطنج ..ولا تشيلين اشياء ثقيلة وريحي نفسج اول يومين ..خليج منسدحة على ظهرج عشان الالم يخف .. وابتعدي عن العصيرات والغازيات ..ولا تتسبحين اول يوم .. وانتبهي من المكيف ..لان البرودة تسبب آلام اضافية ..