coffee
New member
- إنضم
- 13 ديسمبر 2005
- المشاركات
- 2,667
- مستوى التفاعل
- 0
- النقاط
- 0
أهلين بنات ديرتي 
أكيد دائما هناك جانب ايجابي وسلبي في كل شخصية وكل جنسية.. لكن عندما يتكرر هذا الجانب وينتشر بين النساء في الديره يكون طبع بايخ واتمنى ان نستعرض الاطباع اللي تشوفونها بايخه وياليت نبدي نغيرها
1- التحلطم : احس ان المراه خذت هالشي هوايه .. الياهل سوا شي غلط قامت تتحلطم .. الزوج عاد الشي مرتين قامت تتحلطم.. التلفون رن واهي قاعده تلبس قامت تتحلطم.. الخدامه ما افهمت المطلوب قامت تتحلطم.. طريج الدوام زحمة قامت تتحلطم.. ناطره والدور طويل قامت تتحلطم
ليش صار التحلطم متنفس ؟ ليش صار صعب اناقلم روحنا مع الاوضاع خاصة الروتينية منها؟ ليش ما نغير التحلطم لي ابتسامه او لحظة تامل ؟
بنظري التحلطم مرض معدي حاله حال الضحك.. لما نقعد بالدور ونسولف مع اللي يمنا ونضحك بيمر الوقت واحنا بجو فيه سعاده والعكس صحيح لما نتحلطم اللي حوالينا يبتدون يحسون بجو مشحون يخلي حتى صبرهم ينفذ
2- تشيينة النفس وشح الابتسام: بالسوق خزت غيرها بنفس.. بالعروس خزت غيرها بنفس.. بالشارع خزت غيرها بنفس.. بالزوارة خزت غيرها بنفس.. يات بتسلم على وحده سلمت بنفس.. كلمها احد من جنسة ثانية ردت بنفس..
طيب ليش؟ من تواضع لله رفعه! وفي مفهوم غلط ويمكن لاحظته حتى بالنكات المنتشره بالنت ان بعض البنات ونتيجة لتاثرهم بالشعرالشعبي يحسبون ان الغرور والفخر ميزه وان اذا اغترت الناس بيشوفونها حلوه ومهمة ونست ان رب العالمين قال "ان الله لا يحب كل مختال فخور" و "إنه لا يحب المستكبرين" يعني تبي محبة الله والا التميز بين الناس اللي من نسج الخيال؟
3- العناد والاسلوب الدفاعي: وحده بتطلع من اللفة اعناد تدوس علشان ما تخليها تمر.. وحده ناطرة الموقف اعناد اتمطط على ما تطلع من الموقف.. وحدة تبي تمر اعناد تاخذ الممر طول ابعرض علشان ما تعطيها مجال.. الحمولة يبونها تزور اعناد ما تروح.. وحده تسالها سؤال عادي ترد شكو تسالين واي اشعليج
شنو بيفيد العناد؟ العناد صفة يهال اتذكرني بكلمة "كيفي" .. الوحده حلاتها تكبر عقلها وتحط الف عذر وعذر حق غيرها
4- التحسر وامطالع الغير: وحده تمشي ويا ريلها مستانسين هذي تقول يا حسره .. رفيجتها ابوها شرالها سياره خلف الله علي.. وحده اضعفت ومعتنية بروحها ماشاءالله عليها لها خلق يا حظي علي.. خدامة رفيجتها احسن من خدامتها وي مالت على حظي .. ما اتزوجت ورفيجتها انخطبت وي قرادتي .. ياليتني ما اتزوجت علشان اطلع ورد بدون التزامات
الارزاق بيد الله والقناعه زينه! واللي يحمد ربه الله بيرزقه ومطالع الغير بيضر وما ينفع وبيكون حسد
5- التسأل واللقافه: من وين شاريه لبسج وبجم ؟ جم مهرج؟ مرت ولد عم خال ريلج من بنته؟ وين رحتي وشسويتي بالتفصيل؟ منو ياكم وشنو كليتو؟ جم ساعه نمتي؟ ليش ما حملتي ؟ منو دق عليج توه؟ من سيارته صافطه عندكم؟ بنتج ابلغت؟
الخصوصية مهمة والانسانه اللي تسال وايد مقعدها ثقيل والناس يمكن تجاملها وتجاوب بس بيحاولون يتحاشونها .. المفروض نخلي الناس ترتاح واهم بطيبة خاطر بيقولون اللي عندهم.. ومن راقب الناس مات هما قال تعالى "ولا تجسسوا"
6- الحش: وي طالعي شمهوله بعمرها.. ويع هذي شفي شعرها جذي.. قطيعه ريحتها ما تنبغى.. واي ما بغت تقوم دمها ثقيل.. هذي داقه اهذرت على راسي ما بغت تسده.. اللي وياي بالدوام فعلتها وتركتها.. حمولتي قاعديلي بالدشه والطلعه..
هذا شي عظيم وللاسف الناس مستسهلينه وتلقينها دينه ومسويه روحها اسكت والحش عندها ابيزه وتتناسي قول الله عز وجل "ولا يغتب بعضكم بعضا أيحب أحدكم أن يأكل لحم أخيه ميتا فكرهتموه"
7- التشكك بنوايا الناس والتدعي: اظن هذا رفييجها مو ريلها.. شكل هذي مو متزوجه لانها تحب.. حسبي الله عليهم عسا حوبتي ما اتعداهم .. الله يلعنهم هذيل فاسدين.. الله لا يبارك في هذي اخرتني عن الروحه..
ياليت كل وحده تتفرغ لشؤونها الخاصه وتهتم بنفسها قبل لا تدعي وتهاجم الناس "يا ايها الذين آمنو اجتنبوا كثيرا من الظن ان بعض الظن اثم"
8- الاتكالية والكسل: ما تسفط الا يم المكان اللي بتنزله... ما تنزل الاغراض الشويه الا مخليه الخدامه.. تبي ماي ما اتحرك تامر احد اييب لها.. يعني مهما كان الشي بسيط لازم احد يسويه.. احد طلب منها شي تسويه من ورا خاطرها
الحركه بركه.. وبدال تكود الشحم ودفع الفلوس للنوادي الحركه بالبيت ابلاش والوحده لو تظيف متعه كل شي بتسويه حتى لو كان روتيني بيكون حلو ومميز
9- الحساسية الزايده والتشره: فلانه شدعوى ما عزمتيني.. ريلي ما عطاني وي اليوم شكله شايف له شوفه.. امي مادري شفي اسلوبها يمكن زعلانه مني.. على ادنات الدون زعل وبجي ونكد.. فلانه ما يت العزيمه مابي اعزمها بعد.. بيت فلان ما اعزموني اشدعوه
الناس بشر معرضين لتغير المزاج تبعا للظروف وبدال لا الوحده تحش وتتضايق وتزيد الحساسيه المفروض تعذر وما تهتم لامور صغيره وتصبر مو سيده تزعل ممكن تستفسر تعرف شالسالفه او تحط في بالها ان فتره وتعدي مو شي دايم.. ومن تشره تكره دايما حلاته الوحده حتى لو احد قاطع عنها ما اتشره بالعكس تحيي وترحب وتعذر وبالمقابل الاشخاص اهم اللي بيعتذرون لها.. اما اذا تشرهت بتكون ثقيله على الناس
انا استعرضت اهم السلبيات واللي اتمنى انها تختفي من مجتمعنا وبانتظار آرائكم ونتيجة الاستبيان
أكيد دائما هناك جانب ايجابي وسلبي في كل شخصية وكل جنسية.. لكن عندما يتكرر هذا الجانب وينتشر بين النساء في الديره يكون طبع بايخ واتمنى ان نستعرض الاطباع اللي تشوفونها بايخه وياليت نبدي نغيرها
1- التحلطم : احس ان المراه خذت هالشي هوايه .. الياهل سوا شي غلط قامت تتحلطم .. الزوج عاد الشي مرتين قامت تتحلطم.. التلفون رن واهي قاعده تلبس قامت تتحلطم.. الخدامه ما افهمت المطلوب قامت تتحلطم.. طريج الدوام زحمة قامت تتحلطم.. ناطره والدور طويل قامت تتحلطم
ليش صار التحلطم متنفس ؟ ليش صار صعب اناقلم روحنا مع الاوضاع خاصة الروتينية منها؟ ليش ما نغير التحلطم لي ابتسامه او لحظة تامل ؟
بنظري التحلطم مرض معدي حاله حال الضحك.. لما نقعد بالدور ونسولف مع اللي يمنا ونضحك بيمر الوقت واحنا بجو فيه سعاده والعكس صحيح لما نتحلطم اللي حوالينا يبتدون يحسون بجو مشحون يخلي حتى صبرهم ينفذ
2- تشيينة النفس وشح الابتسام: بالسوق خزت غيرها بنفس.. بالعروس خزت غيرها بنفس.. بالشارع خزت غيرها بنفس.. بالزوارة خزت غيرها بنفس.. يات بتسلم على وحده سلمت بنفس.. كلمها احد من جنسة ثانية ردت بنفس..
طيب ليش؟ من تواضع لله رفعه! وفي مفهوم غلط ويمكن لاحظته حتى بالنكات المنتشره بالنت ان بعض البنات ونتيجة لتاثرهم بالشعرالشعبي يحسبون ان الغرور والفخر ميزه وان اذا اغترت الناس بيشوفونها حلوه ومهمة ونست ان رب العالمين قال "ان الله لا يحب كل مختال فخور" و "إنه لا يحب المستكبرين" يعني تبي محبة الله والا التميز بين الناس اللي من نسج الخيال؟
3- العناد والاسلوب الدفاعي: وحده بتطلع من اللفة اعناد تدوس علشان ما تخليها تمر.. وحده ناطرة الموقف اعناد اتمطط على ما تطلع من الموقف.. وحدة تبي تمر اعناد تاخذ الممر طول ابعرض علشان ما تعطيها مجال.. الحمولة يبونها تزور اعناد ما تروح.. وحده تسالها سؤال عادي ترد شكو تسالين واي اشعليج
شنو بيفيد العناد؟ العناد صفة يهال اتذكرني بكلمة "كيفي" .. الوحده حلاتها تكبر عقلها وتحط الف عذر وعذر حق غيرها
4- التحسر وامطالع الغير: وحده تمشي ويا ريلها مستانسين هذي تقول يا حسره .. رفيجتها ابوها شرالها سياره خلف الله علي.. وحده اضعفت ومعتنية بروحها ماشاءالله عليها لها خلق يا حظي علي.. خدامة رفيجتها احسن من خدامتها وي مالت على حظي .. ما اتزوجت ورفيجتها انخطبت وي قرادتي .. ياليتني ما اتزوجت علشان اطلع ورد بدون التزامات
الارزاق بيد الله والقناعه زينه! واللي يحمد ربه الله بيرزقه ومطالع الغير بيضر وما ينفع وبيكون حسد
5- التسأل واللقافه: من وين شاريه لبسج وبجم ؟ جم مهرج؟ مرت ولد عم خال ريلج من بنته؟ وين رحتي وشسويتي بالتفصيل؟ منو ياكم وشنو كليتو؟ جم ساعه نمتي؟ ليش ما حملتي ؟ منو دق عليج توه؟ من سيارته صافطه عندكم؟ بنتج ابلغت؟
الخصوصية مهمة والانسانه اللي تسال وايد مقعدها ثقيل والناس يمكن تجاملها وتجاوب بس بيحاولون يتحاشونها .. المفروض نخلي الناس ترتاح واهم بطيبة خاطر بيقولون اللي عندهم.. ومن راقب الناس مات هما قال تعالى "ولا تجسسوا"
6- الحش: وي طالعي شمهوله بعمرها.. ويع هذي شفي شعرها جذي.. قطيعه ريحتها ما تنبغى.. واي ما بغت تقوم دمها ثقيل.. هذي داقه اهذرت على راسي ما بغت تسده.. اللي وياي بالدوام فعلتها وتركتها.. حمولتي قاعديلي بالدشه والطلعه..
هذا شي عظيم وللاسف الناس مستسهلينه وتلقينها دينه ومسويه روحها اسكت والحش عندها ابيزه وتتناسي قول الله عز وجل "ولا يغتب بعضكم بعضا أيحب أحدكم أن يأكل لحم أخيه ميتا فكرهتموه"
7- التشكك بنوايا الناس والتدعي: اظن هذا رفييجها مو ريلها.. شكل هذي مو متزوجه لانها تحب.. حسبي الله عليهم عسا حوبتي ما اتعداهم .. الله يلعنهم هذيل فاسدين.. الله لا يبارك في هذي اخرتني عن الروحه..
ياليت كل وحده تتفرغ لشؤونها الخاصه وتهتم بنفسها قبل لا تدعي وتهاجم الناس "يا ايها الذين آمنو اجتنبوا كثيرا من الظن ان بعض الظن اثم"
8- الاتكالية والكسل: ما تسفط الا يم المكان اللي بتنزله... ما تنزل الاغراض الشويه الا مخليه الخدامه.. تبي ماي ما اتحرك تامر احد اييب لها.. يعني مهما كان الشي بسيط لازم احد يسويه.. احد طلب منها شي تسويه من ورا خاطرها
الحركه بركه.. وبدال تكود الشحم ودفع الفلوس للنوادي الحركه بالبيت ابلاش والوحده لو تظيف متعه كل شي بتسويه حتى لو كان روتيني بيكون حلو ومميز
9- الحساسية الزايده والتشره: فلانه شدعوى ما عزمتيني.. ريلي ما عطاني وي اليوم شكله شايف له شوفه.. امي مادري شفي اسلوبها يمكن زعلانه مني.. على ادنات الدون زعل وبجي ونكد.. فلانه ما يت العزيمه مابي اعزمها بعد.. بيت فلان ما اعزموني اشدعوه
الناس بشر معرضين لتغير المزاج تبعا للظروف وبدال لا الوحده تحش وتتضايق وتزيد الحساسيه المفروض تعذر وما تهتم لامور صغيره وتصبر مو سيده تزعل ممكن تستفسر تعرف شالسالفه او تحط في بالها ان فتره وتعدي مو شي دايم.. ومن تشره تكره دايما حلاته الوحده حتى لو احد قاطع عنها ما اتشره بالعكس تحيي وترحب وتعذر وبالمقابل الاشخاص اهم اللي بيعتذرون لها.. اما اذا تشرهت بتكون ثقيله على الناس
انا استعرضت اهم السلبيات واللي اتمنى انها تختفي من مجتمعنا وبانتظار آرائكم ونتيجة الاستبيان
التعديل الأخير:
