الأمن الكويتي والوضع الإستراتيجي لها .. !

[soosooa]

بسم الله والصلاة والسلام على أشرف خلق الله سيدنا محمد وعلى آله الطاهرين وصحبه الغر الميامين أما بعد ...





أولاً بليز يابنات مانبي طائفيه و سنه وشيعه بالموضوع حتى مايخترب .... موضوعي عن حلول لصد الخطر الإيراني ...





الدكتور عبدالله النفيسي يشرح وجهة نظره بشأن أمن ومستقبل الكويت .... مهم جداً





http://youtu.be/0fm8H4L1yfc







،،،،،،




*

 

[مزيونة الهيلا]

جزاج الله خير هذي محاضرته قبل سنتين وكررها في قناة وصال قبل شهر

والتكرار يعلم الشطار !!!!!!!!

بس متى الناس تحس بالوضع وتفطن لاعداءها ؟؟؟؟؟؟

اهم شي بهالوقت انكون ايد وحدة وننبذ الطائفية لانه الاحداث ما تبشر بالخير
وفي ايادي قذرة تحاول تشغل الفتنه عسى كيدهم في نحرهم

قولوا آمين

 

[soosooa]

مشكوره ع مرورج مزيونه


الآن العراق محافظه إيرانيه تحركها كيفما شاءت

.. نخلص من البعثيين يطلعولنا صفويين !

اعتقد والله أعلم ان ايران تفكر تنتقم من السعوديه لانها دخلت البحرين وأفشلت مخططها .. وذلك بتحريك جيوش العراق للكويت !!




،،،،،،،،

 

[مزيونة الهيلا]

صاجه نفس تحليلي بالضبط

 

[JANAA]

حسبي الله ونعم الوكيل

اللهم ارزقنا الامن والامان

اللهم عليك بمن اراد بنا السوء فانهم لا يعجزونك

 

[اخت واختها]

سوري انا غاسله ايدي من النفيسي وتحليلاته ولا شفت الفيديو بعطيج رايي الشخصي

برايي الشخصي لصد اى عدوان او خطر كان ايراني او غيره يكون عن طريق التجنيد وتعليم الناس وتثقيفهم سواء كبار ولا صغار رجال ولا نساء

محد دايم لاحد وحليفج اليوم باجر عدوج

 

[soosooa]

النفيسي له نظره مستقبليه .. والفيديو من سنتين وكأنه يتكلم بالأوضاع الحاصله الآن ..


اما سالفة التجنيد .. !! منو بيطبقها إذا الجماعه للحين نايمين ..

 

[معلمة شيسمونه]

الله يحفظ الكويت من كل شر
ويحميها واهلها آمــــــــــــــــــــــــــــــــــــــــين يارب

والله الوضع متازم ومرعب والناس نايمه

 

[kndora]

الله يستر علينا يارب

وانشالله الكويت بامانة الله

 

[أنوار العشق]

لاحول ولاقوة ألا بالله
باجر بنصير مثل البحرين كل واحد قاعد بيته ومقفل بابه يخاف يطلع لاينذبح

أحمدي نجاد كانوا الآيرانيين بيسون عليه أنقلاب مايبونه بس أستقل وضع البحرين وسنه وشيعه وكسب الشيعه
وبعض الخوات الله يهدينا مثل أحمد نجادي مسويات فيها عنتر بن شداد والزير سالم كل وحده تطلقلها قذيفه وتمشي ليييييين خربنها وقعدن على تلها

الله يسترررررررر يااااارب أكفينا شرر الحرووووووب
وشر الفتنه

 

[soosooa]

انوار شكلج من النايمين اللي نتكلم عنهم ...!


انا محذره ببداية موضوعي مانبي نفس طائفي .. ماله داعي ردج

 

[::كيك وعسل::]

اللهم اجعل تدبيرهم تدميرهم ورد كيدهم في نحرهم
وحفظنا يارب من المندسين وحفظ خليجنا ياارب

 

[a7la_frawla]

الله يحفظ الكويت من اي شي
دام الكل على يد وحده وعلى قلب واحد مايصير الا كل خير بأذن الله
يعطيج الف عافيه حبيبتي عالموضوع

 

[soosooa]

الله يعافيج نورتي بمرورج ...

 

[مواضي]

وحدو الدعاء وكونو يد وحده
ولازم نكون صاحين ومتكاتفين
واللهم اشغلهم بانفسهم ورد كيدهم ياررب واحفظ الخليج بحفظك

 

[كويتيه وافتخر]

امبيه بنات

انا رحت للدكتور اليوم ذابحني الصداع
يقول بتفكري بحاجه قلت ايه انا عايشه رعب وقلق من الفتن والحرب

وقالي لي وانتي مالك بتفكري ليه قلت ليش ماافكر يقولي عيشي يومك ورزقك عندك


ياليت اقدر ابي احس بامان انا احس بالخوف ععيالي واحاتي شبيصير بالدنيا
على وين ماخذنا القدر

الله يستر ويحفظ ديرتنا يارب

 

[قطــرات مطــر]

الحين الوضع السياسي بــ إيران متشتت إقالة وزراء

ووضع نجاد و اية الله علي خامنيء عندهم مشاكل بس للحين شرهم فيهم

عسى تدبيره تدمير عليه يارب

والنفيسي معروف بتحليلاته

الله يحفظ كويتنا من شر كل فتنه ماظهر منها ومابطن

ويحفظ الخليج وحكامها

شغالين حرب إعلاميه ونفسيه حسبي الله ونعم الوكيل


الله الحـافــظ

 

[aṕriliå]

آمبيه والله شي يخوووف

الله يحفظنا بحفظه ويرد كيد ايران واعوانها في نحورهم

 

[soosooa]

الله يستر علينا يارب



الوضع مايطمن السياسيين العراقيين الآن صاروا يتكلمون عن ترسيم الحدود !! ..

ويقولون ان العراق ماوافقت ع قرار الأمم المتحده عام 90 بشأن ترسيم الحدود ...


شكلهم ناوين ع شي ويمهدون له

.....

لازم المسؤولين ياخذون كلام النفيسي ع محمل الجد ....

اذا امريـكــا الآن متحالفه بشكل قوي مع إيران ومع حكومة العراق !! .. من السهل تبيعنا لهم




،،،،

 

[soosooa]

بنات نشروا المقطع لعله يوصل صوته لأكبر قدر من الناس لنفطن للي قاعد يصير حولنا مانبي نكون مغفلين .. !

والحذر واجب .باي