الابلات اللي مطبقين المنهج الجديد ...تعالوا فيدونا

[عبااير]

السلام عليكم ورحمة الله الله وبركاته
يالله بنات اللي مر على روضتها المنهج الجديد تقولنا بالتفصيل الممل شنو ايجابياته وسلبياته لان نفسيتنا اتعبت نبي نعرف شنو ناااااااااااطرنا :eh_s(22):

 

[Miss M]

والله مادري خبري خبرج انا الكورس الياي تربيه عمليه بس ودي اعرف

 

[kajool_80]

انا بعد ودي اعرف شصاير ................. بس في بنات اعرفهم يقولون انه الموضوع وايد وايد صعب

 

[الحياة]

انا من المدارس لاللي مطبقين عندنا المنهج الجديد
المنهج ممتاز وافكارة حلوة ومفيد جدا جدا للطفل ومريح للمعلمة اذا كان الفصل 3 معلمات لانه احنا معلمتين ومهدوووووووووود حيلنا
لانه المنهج الجديد فيه لاصفين والابلة اللي تعطي حلقة تعطي لاصفي عقب وهكذا ...
صج تعودنا بس تعب بالاخير مو طبيعي
بس بالاخير يطلع الناتج حلو
بس الحق ينقال اهوه متعب وما نقدر نستمر بهالمنهج الا اذا حطو ابلة انجليزي مستقلة تاخذ حلقات والانجليزي او انه يحطون 3 ابلات بالصف
ويا بنات كل شي اوله صعب بس لما نتعلمة نعرف اه حلو وسهل وغير مكلف للمعلمة جدا


ونبي الافضل لي متى واحنا قاعدين نقول هذه صورة كرسي وصورة سيارة وهالسوالف اليهال كبر تفكيرهم ليش ما نطور من تعليمنا احسن
وموفقين انشالله يا ابلات الروضة

 

[زمن الود]

انا وحده مقدمة نقل لوزارة ثانية مليت شنو انا معلمة ولا حقل تجارب

 

[عبااير]

انا من المدارس لاللي مطبقين عندنا المنهج الجديد
المنهج ممتاز وافكارة حلوة ومفيد جدا جدا للطفل ومريح للمعلمة اذا كان الفصل 3 معلمات لانه احنا معلمتين ومهدوووووووووود حيلنا
لانه المنهج الجديد فيه لاصفين والابلة اللي تعطي حلقة تعطي لاصفي عقب وهكذا ...
صج تعودنا بس تعب بالاخير مو طبيعي
بس بالاخير يطلع الناتج حلو
بس الحق ينقال اهوه متعب وما نقدر نستمر بهالمنهج الا اذا حطو ابلة انجليزي مستقلة تاخذ حلقات والانجليزي او انه يحطون 3 ابلات بالصف
ويا بنات كل شي اوله صعب بس لما نتعلمة نعرف اه حلو وسهل وغير مكلف للمعلمة جدا


ونبي الافضل لي متى واحنا قاعدين نقول هذه صورة كرسي وصورة سيارة وهالسوالف اليهال كبر تفكيرهم ليش ما نطور من تعليمنا احسن
وموفقين انشالله يا ابلات الروضة

بس اختي محد مدحه غيرج وصلتلي اخبار ان المنهج الجديد هد حيل بمعنى الكلمه

وبعدين حتى لو كان مفيد وله نتايج حلوه ....اتهقين اذا المعلمه مضغوطه كل هالضغط راح تقدر تنتج ...انا مااعتقد

لا ويقولج عليج دخول ثلاث موجهات ...عربي انجليزي ورياضيات غير توجيهنا ....صحيح هالكلام ؟؟؟؟؟؟؟؟؟؟​

 

[الحياة]

صح انه في دخول للموجهات انجليزي وعربي ورياضيات صح بس مالهم شغل بتقديمج ومافي تقييم لج كلش
انا وحده ماعرف اتكلم انجليزي بطلاقه وهذا حال اكثر المعلمات بس يوم دخلت موجهة الانجليزي ما قيمت اهمه يبون يقيمون المنهج الجديد وهل راح ينجح او لاء ..
ودشت ومدحت واهمه اهم شي يبون البساااااااااااااااااااطة ما يبون البهرجة ترى مو نفس اللي الحين الرياض ماشيه عليه اول او المنهج الاولي يبون ابتكار ولويه اهمه معطينا خطوات الدرس حق المنهج اليديد وحاطينه بسي دي اذا حابة تاخذين صور او اصوات وهالسوالف

صج راحة بالادوات بس متعب بالجدول لانه لاصفييين لو 3 معلمات جان اهوه توب والله

 

[noosa]

بصراحه منهج فاااااااااااااااااااااااشل اغلب الابلات اللي عندنا مايعرفون ينطقون كلمات الانجليزي ويعلمون اليهال شنو هذااا وشهالخرابيط من صجهم والابله حدها مضغوووووووووطه احنا بتاع الكل صرنااا

 

[الحياة]

بنات همتكم معانا شتبون بالديكورات والدروس اللي مالها معنى مثل صورة روضة وكرس وهذا ولدد وهذا بنت
الطفل الحين يعرف اكثر من جذي

على الاقل علمية شلون يمشي بخط مستقيم بالقلم او شلون يمسك القلم او شلون يكتب ويفهم انه هذي كلمة او هذا حرف وهذا عدد

احسن من الخرابيط وديكورات الحلقة والخبرة

الحين مانشوف غير الكلمات والبطاقات والدرس مكتوب لج يعني ما يبون منج ابداع وهالسوالف معطينج الخطوات 1 2 3 كل شي بس انتي طبقي وبس

 

[دلع الشيخة]

والله شكله المنهج فاشل

بس توهقوا فيه

والله ما صرنا مدرسات روضه

المفروض نصير نفس الابتدائي لكل فترة ابلة مختصه فيه

واذا بتقولون ان ابلة الروضه درست مواد عامة

اوكي احنا قاعدين نعطي كل شي بالحلقة

بس مو متخصصين الي نعطي كل المواد مع بعض

ومو كل وحده شاطرة بكل المواد

بس لمه تكون مختصة بالماده غير حتى تكون عندها افكار وطرق عرض للماده احلى لانها متمكنه منها عدل

هذا من وجهة نظري

 

[سر النور]

انا سمعت ان هالمنهج متعب يعني كل مالنا للاردى ضغط مو طبيعي على المدرسة الاطفال والصف والادارة والمبادرة والنشاط الصباحي والمناوبة والموجهة والمشرفة تفتر على راسك ولا كانها كانت مدرسة واولياء الامور والمناسبات والاحتفالات والمحاضرات واجتماعات اولياء الامور حشى مومدرسة آلة ويقولون مدرسة روضة ماعندها شئ

 

[عبااير]

يالله الله يكون بالعون
بصراحه احترت بس الله يجيب اللي فيه الخير
والله لاعت جبوودنا من الروضه وخرابيطها اللي تهد الحيل:23_asmilies-com:

​