الاثاث الابيض

[*Lune*]

السلام عليكم ورحمة الله وبركاته

بنات ابي اغير غرفة نومي و ناوية اشتري اثاث الغرفة ابيض

بس محتارة بالصبغ ... ابي اصبغ الطوف لون يوسع الغرفة وبنفس الوقت لون يعطي الغرفة ايحاء كانها غرفة معاريس

ابي اجدد شوي

عطوني افكار حق الالوان .. واذا احد منكم جربت الاثاث الابيض ياريت لو تقولي شنو الالوان اللي صبغت فيهم الغرفة

 

[أدريانا.]

البيج أكيد
السكري المحروق @@
الألوان وش كثرها والأختيارات واسعه @@

 

[بنت العقربيه]

اذا تحبين اللون الفضي بيطلع روعه

بحط لك صور متنوعه ان شاءالله يعجبك شي منها











اللمعه الفضية على جدار ابيض

ان شاءالله يعجبوك

 

[*Lune*]

البيج أكيد
السكري المحروق @@
الألوان وش كثرها والأختيارات واسعه @@

تسلمين يا الغلا على الافكار:eh_s(17):

 

[*Lune*]

بنت العقربية مشكوووورة يا قلبي ما قصرتي

اختياراتج رووعه ماشاءالله

 

[مرت بوعلي]

:


الاثاث الابيض راااقى وحلوووو

والغرفه ابيض صبغيهاا وطوفه وحده خليها ورق جدران ذهبي ( عاد اختاري اي تشجيره لونها ذهبي )

واكسسوارت الغرفه ذهبي ودخلي معاهم احمر

عندج اختيارات كثيره

كـ فازه داخلها ورد جوووري احمر

او

صندوق اكسسوارات احمر

او

كوشيات حمرا



:


ممكن تبدلين الاحمر باي لون يعجبج

بس اخترت لج الاحمر لان يوحي بالرومانسيه

عاد وانتي واختيارج وذوووقج



:

 

[Ƒαтσσм « 36]

Nice​

 

[@ام يوسف@]

اااب

 

[queen-asoma]

انا بعد توني فصلت غرفه ابيض على اوف وايت ووايد محتاره بالصبغ والاكسوارات
ومادري ليش اهلي ما شجعوني لدرجة اني افكر اغير لون داري من كثر ماحنو
ياريت تقولين لي شسويتي

 

[bnt_kwt]

الابيض ما يحيرج ولا يقيدج تقدرين اتحطين معاه اي شي تبين
انا اثاثي ابيض
ومدخله معاه اسود ورمادي وايد راقي

 

[سالم الروح]

بيبي بنك

 

[طالبة1990]

الموف الفاتح

المشمشي

البصلي

اللحمي

كل هالالوان تناسب الاثاث الابيض

وتعطي ايحاء بوسع المساحة

وابتعدي عن الرسومات

حلو كل شي ساادة

واعتمدي ع اللوح والبراويز والارفف البيضا

 

[عبيير]

انصصحك انك ــــ

تصبغين لون غرفتك أبيض وتحطين عليه زينه بألوان متعدده


يسسلموو ع الموضوع

 

[..rum rum..]

الأبيض وااايد حلو
أقترح عليج تدخلين معاه مشمشي وبرونزي او ذهبي

اهوا عموما الأبيض لو حطيتي معاه أي لون بيطلع حلو

 

[فديت سوسي]

كفو وفو البنات

 

[*Lune*]

فديتكم كلكم ما قصرتوووا

الله يعطيكم العافيه

اذا خلصت ان شاءالله من الغرفه بقولكم شنو سويت وبحاول انزل صورها

 

[@شيخه@]

...

 

[دااانوه]

الاثاث الابيض يدوووووخ جمممميل

حطي معاي اصفر او بيبي بنك او بيبي قرين

او سماوي و اصفر بيطلع نااااااعم

 

[إم بــــرٍآك]

انا شريت اثآث ابيض وتحسفت لاني احب التغير
الالوآن الي اخترتها معاه مشمشي وسكري طلع حلو بالاول كنت ابي ورق جدرآن فيه فضي ورمآدي فآتح بعد بيطلع حلو طبعآ الاكسسوآرآت بيكسرون الالوآن ومن طبيعة الأثآث الابيض مآيحيرج بألوآن الغرفه لان كل شي تقريبآ طآبح عليه

 

[مهاوي2011]

اول شي عليج بالعافيه وعسى الله يهنيج بغرفتج الجديده الظاهر هالسنه الكل هب باللون الابيض انا بعد مفصله غرفه بيضااااااااااااا لان هاللون يشرح الصدر ويفتح النفس ويعطي ايحاء بالرقي والفخامه والنعومه بنفس الوقت وهم انا نفسج محتاره بلون الصبغه وفكرت بورق جدران احطه مايل عاللون اللحمي او البرونز او البصلي بصراحه حيييل خاطري فيه ول يوم قاعده افرفر علي محلات ورق الجدران فانصحج ورق الجدران يناسب حييل الغرف الناعمه نصيحتي لج روحي فري شوي عالمحلات وراح يطلع لج اللون اللي تبينه باذن الله والاخت اللي قالت شكلها بتغير لون غرفتها عشان اهلها حطموها انا اقولها ماعليج بالعكس الابيض احلى لون والكل هاب فيه هالسنه لاتغيرين رايج:rerrerek: