الاجنه المجمده

[glby7sas]

السلام عليكم ورحمه الله وبركاته

بليز بنات اللي عندها خبره بالاجنه المجمده تفيدني جزاكم الله خير

انا عندي اجنه مجمده حاطه مدتهم سنه اشلون اذا بمدد المده عادي وشنو الطريقه اروح المستشفى ابلغهم وله اشلون؟!


واذا عندي اجنه مجمده عادي اطلب تحديد الجنس وله لا مايقدرون يحددون لانه مجمده ياليت تفيدوني بنات يزاكم الله خير

 

[ماي زهر]

أول شي حمدالله على سلامتج و مبروك ما يبتي حبيبتيو الله يقوم بنياتج بالسلامة يا رب العالمين ...


أولاً : لازم تروحين أو زوجج يروح يمدد و تدفعين فلوس لتمديد لأن إن ما مددتي يقطونهم
حرام ... و أعتقد تقدرين تحددين جنس المولود بس أستفتي الشرع
قبل يجوز و لا ما يجوز ؟

 

[glby7sas]

حبيبتي ماي الزهر الله يسلمج ويبارك فيج والفال لج يااارب

مشكووره حبيبتي بصراحه انا ناويه ابي ولد من بعد البنات خصوصا اللي مثلنا مااضمن اقدر احمل بعدها او لا العمر يركض وانا خلاص ماعاد استحمل هالابر استغفر الله تعبت نفسيا وجسديا وكل شي انتي طبعا عارفه لانج حاسه فيني ودي اييب صبيان وبس اسكر باب الدكاتره اللي اشفطو صحتي وفلوسي شفط

 

[qoot]

قلبي حساس مبروك ماياج وعسى الله يشافيهم يارب

اي اكيد تقدرين تمددين سنه او اكثر بس لازم تروحين لهم العياده وقوليلهم ابي امدد سنه ولازم تدفعين فلوس اما تحديد الجنين مادري والله يصير ولا لا

 

[Pink_Roses]

مبروك ما ياج

راجعي المستشفى وتاكدي عن مدة التجميد انا نفسج كان عندي مجمد راجعت رويال حياة قالولي اللي دفعتة يغطي مدة خمس سنين

اما سالفة تحديد جنس عم تاكدي منهم

 

[glby7sas]

حبيبتي قوت الله يبارك فيج .. واللهم اميين الفال لج ياااارب

مشكوره حبيبتي

 

[ربيع_الروح]

اتوقع عادي تمددين بس لازم تكلمين المستشفى

وبالنسبة لتحديد جنس الجنين ترى حرااااام وفي أكثر من فتوى بتحريمه

بسممكن تتحكمين بوقت التلقيح لزياده فرص البنت أو زياده فرصه الولد
مع نظام غذائي لمده ما تقل عن 3 شهور وتبذلين الأسباب

وتركي نتيجه اختيار نوع الجنين على الله لأنه الأعلم بالخيرة لج

 

[glby7sas]

مشكوره حبيبتي ربيع بس حرام حتى على اللي مثل حالاتنا ؟
احنا فرصنا بالحمل مو وايد ورايد قاعدين نتعب
وبعد اللي عندها رقم شيخ اسأله لاتبخل عليي

 

[انتيكا]

حبيبتي دقي عالمستشفى وسأليهم افضل

 

["*آآآنؤؤؤقهـ*"]

الحمدلله ع سلامتج

ويرزقج يارب من حيث لاتحتسبين

 

[glby7sas]

حبيبتي الله يسلمج
انا سويتها بمستشفى الهادي بس دكتوري من بره