الاختيار ما بين 3 مطاعم ساعدووووووووني

[فوانيسq8]

السلام عليكم بنات من قلب محتاجه لكم

بعزم ريلي على مطعم بس محتاره وين أحجز الثلاث مطاعم اللي محتاره فيها : سراي - المياس - الطربوش

أبي تختارون بالترتيب من ناحية أفضل مطعم من حيث الأكل والخدمة والديكورات يعني من كل النواحي


تكسبون فيني أجر

 

[Filakawyia]

المياس بمنتجع شيك بلا منازع

 

[فوانيسq8]

مشكورة حبيبتي ما تقصرين

 

[Love \ Hate]

والله المياس قعدته حلوه بس اكله ماكان عاجبني وايد ؟؟ يمكن لانه كان زحمه !!

انا وااايد احب سراي واكله لذييذ ..

واذا تبين شي ثاني قعدته خيال على البحر موفينبمك يوم اليمعه الظهر غدا او عشا اوبن بوفيه واااي خيااال اكل وقعده وتاخذون السويت

وتقعدين برره جدام البحر ظبببببببط بينج وبينه 3 امتار انا وايد احب اروح له مع زوجي جوه رومانسي ومافيه زحمه كلش !!

 

[د.شريفة]

سراي اللي بالافنيوز قعدته وايد حلوه
بس تبين نصيحتي روحي صبح ومسا اللي في 360 روعه لذيذ اكله وايد حلووو

 

[وردة النرجس]

طربوش إختي

لأن أكله متنوع أكثر ومشروباته شامله

مومثل مياس وسراي المشروبات محدودة

وعليكم بالعافية

 

[مساء مونترو]

سراي البدع - الطربوش اكله يمي يمي..

 

[هنـــد]

انا اللي جربته سراي بموفنبيك البدع عجبني وقعدته حيل حلوه

اما الباجي ماجربتهم

وعليج بالعافيه مقدما

 

[فوانيسq8]

الله يعافيكم بنات
ومشكورين صج ما قصرتوا

أنا رحت يوم اليمعة مطعم المياس وعجبني :eh_s(15):

إن شاء الله أجرب باجي المطاعم اللي نصحتوني فيها عشان أقارن ما بينها

:e3: :tek: