الاذخر اسم غريب موو دشي

[بودرة سكر]

السلام عليكم انا بنتي عندها ازمة ربو ووصفت لي وحده دواء عشبي اسمه الاذخر فيه احد يعرفه او استخدمه

وكيف الكميه والطريقه والي يعرف علاج يفيد لازمة الربو تقول الله يعافيها

يسترعليكم

_03ba:انتظر الردود

 

[اريج الجوري]

رد : الاذخر اسم غريب موو دشي

اول مره اسمع فيها ,,,


ماتشوف شر ان شاء الله ,,,


ترى ماكو احسن من علاج الطبيب شغل العشاب كله مؤقت ,,,


سلامات ...

 

[ZajiL]

حتى انا اول مره اسمع فيه

بس يااختي الربو مو لعب والله صدقيني اخطر شي
وديها الطبيب خل يعطيها علاج يريح صدرها
وعسى ربي يشافيها

 

[طعم الشهد]

اي مو اي وحده تعطيج وصفه تاخذينها يمكن طاحت عليها بس يمكن تسبب لج انتي مشاكل
لاتفتحين حق نفس باب الله يشفيج

 

[معلمة مصدومة]

السلام عليكم
فعلا الاذخر عشبة زينة للربو وللنشلة والصدر
اذا بنتج كبيرة شوي حطي الاذخر بجدر ماي وخليه يفوح وبعدين تحط على راسها فوطة كبيرة اوكمبل بحيث ان البخار اللي
يطلع منه يدش بخشمها ووجهها واذونها يعني بخار للوجه واذا بنتج صغيرة خليها تشرب مغلي العشبة وبالشفاء ان شاء الله
وفي شغلة ثانية عند العطار علج لبان اخذي منه شوي ونقعيه ساعة ببطل ماي صحة وكل شوي خل تشرب البنت منه
وراح ترتاح ان نشاء الله