الاسبوع الثاني لخبرة الماء والهواء

[قايد الغزلان]

السلام عليكم يا أبلات

حبيت اعرف شنوو تحضيركم حق الاسبوع الثاني المتعلق بالهواء؟؟

وشنووو افكاركم ومنبهاتكم؟؟

ياليت نتشارك ونفيد بعض

وشكرا

 

[زلابيا]

كتبي شنو دروسج عشان نقدر نعطيج منبهات انشاءالله

 

[تاضي]

السلام عليكم ورحمة الله وبركاته
اخواتي انا عندي حلقه يوم السبت عن اهمية الهواء
ياليت تفيدوني عن المنبه والمعلومات اللي اقدر اعطيها بالدرس وابي افكار حلوة وغريبة عن اللاصفي

 

[قايد الغزلان]

هلا اخت زلابيا مشكوره عالرد والسؤال
درسي يتعرف ان الهواء يحرك الاشياء ومعاها كلمة هواء

 

[زلابيا]

رسميلهم طياره ورقيه او سويها بالبوربوينت ..

وساليهم احنا وين نشوفها ؟؟ وشلون نلعب فيها ؟؟ لما يتوصلون ان نلعب فيها بره..

سأليهم شلون تتحرك؟؟ لما يقولون الهواء يساعدنا ويحركها لنا ..

الهواء يساعدنا في تحريك شنو بعد؟؟ الأشجار - السفن الشراعيه - الطائرات الورقيه- المراوح الورقيه

 

[pink rain]

تقدرينبعدتسوين سفينة منالورق وتحطينها بحوض وتقولين اطفال ماتمشي وتهفين عليها بالهواء وتمشي

 

[قايد الغزلان]

الاخت زلابيا.. والوان
الله يعطيكم العافيه وويوفقكم ياااارب
ماقصرتوا

 

[الحياة]

مشالله خوش افكار

انا عندي كلمة هواء وابي منبه حلو .. وسريع بعد ..؟ مادري شسوي منو جربت او قدمت هالدررس تفيدني يالغاليات..

وبالنسبة حق هالدرس اللي مساعه ( اهمية الهواء) انا سويته حق ان الهواء يحرك الاشياء من حولنا وايد حلو وكانت المشرفة داشة علي ومستانسة مني.. سويت صوت الاستشوار وحركته على شعر البنت وتعرفو انه شعرها يتحرك بالهواء وسويت قار شراعي من الورق ويبت مراوح صغار اللي بالورق ويتحركون بالهواء لما ننفخ عليهم.. وحطيت صورة علم يرفرف وقلتلهم هذا العلم شفيه .. ووصلو للهواء بعد

انزين بس ابي فكرة يدية ححق كلمة هواء​