الاسبوع الجاي راح اجي الكويت ممكن بنات اتساعدوني؟؟؟؟

[روضة الامارات]

هلا بنات الكويت ممكن اتساعدوني ....بغيت عبايات للعيد..عندي وايد اسامي بنات والمشاغل بالكويت(بس محتارة) ...بغيت اشياء حلوة وغريبة وما اقدر ازورهم كلهم...ممكن ادلوني مع ارقامهم .....مشكورين يا بنات

 

[M!$$ CUTE]

حتى انا بزور الكويت الاسبوع الياي !!!!!!! هههههههههههه

وناسة يمكن نشوف بعض في المطار خخخخخخ

ان شاءالله البنات يفيدووننا

ماحبيت اطلع بدون لا ارد ^.^

 

[al7anona]

حياكم الله

بتنورون الكويت




http://www.q8yat.net/showthread.php?t=373751



ماعندي فكرة والله ان شاءالله البنات يفيدونج

 

[.jana.]

حياكم الله بنات بديرتكم الثانيه
انا مالي بالعبايات بس حبيت ارحب فيكم بديرتنا

 

[جود المطيري]

هلا ومرحبا فيكم
ومحلات العبى وايد بس الحلوه فى الفروانيه
مجمع الخيمه فيه كم محل حلو مثل البواشى وبدون اسم وشهرزاد
ومجمع النمران محل الحلوه وبو كنان ومجمع المغاتير فوق كذا محل حلو بس انتى وذوقج
واتمنى انى فدتكم

 

[Queena_85]

يا هلا و يا مرحبا

 

[Q8-nailart]

حياكم الله و مالكم الا الفروانيه و بس

 

[خلوفه]

صح كلام زميلاتي ماكو غير الفروانية وأرخض عندج مجمع الخيمة عندهم البواشي وبدون اسم واليشمك وغيرها وبعد مجمع العربيد بلازا الفيصلية وغيرهم بالطابق الثاني وعندج النمران عبايات بوكنان وكله مجمع عبي في الرخيص والغالي وعندج العربيد والخيمه لخياطة الدراريع

 

[عبق البنفسج]

حياج الله بالكويت ..
اختي بس عبيكم أحلى من الكويت بمليون مرة .. والكويتيات والسعوديات يروحون الامارات ويبون عبي من عندكم
عالعموم انا موراعية عبي عشان جذي ما اقدر افيدج بس ان شاء الله البنات يفيدونج

 

[! بــدويه وآآيــد !]

:~


عنــدج الفروآآنيه في جــم محل عبي حلووو


حيآآج الله




:~

 

[روضة الامارات]

مشكـــــــورين حبيباتي.....

 

[Hambka Q8]

الفروانيه
مجمع الحمراء مول


بس بالسعوديه احلى ^^

 

[المنقذه]

اختي العبايات نخصص السعوديه والبحرين اما في الكويت فشغل عادي (عملي)

والله يوفقج

 

[خلوفه]

بالعكس منو قال الكويت بس عملي تعالي وشوفي أصلا في عبي للإستقبالات والأعراس في المجمعات اللي قلتها لكم أنا رحت السعودية والإمارات مالقيت العبي الحلوة بعد في عبي في مجمع المغاتير ومجمع الصيفي وكلهم بالفروانية

 

[green tea]

عندج عبااياااات شهد بالجاااابريه رووووووووعه ونزاااكه وماتلقينه الا بالكويت
يم الشناكل بالجابريه
ومكانهم الجابريه اذا دخلتي من الدارئري الرابع امشي سيده لي اول دوار وتاخذين الدوار يسار و بعدين اخر يوتيرن فوق تحت و تلقينه على يمينج
وعندج حناين الكويت بمجمع النقره فوق هم حلووو

 

[ام حمادنه]

انا دايم اشوف الناس يقولون عبي الامارات والبحرين والسعوديه احلى

والله يوم رحت كل شي عادي وفي اشياء يقولون جديده وهي قديمه

الكويت بالعكس من كثر المحلات والعبي صار تنافس والله اعرف سعوديات يقولولي موديلاتكم مافي مثلها ولما نلبسها الكل يسالنا منين

بعدين لاتنسون بنات الواحد يحب يغير ويشوف الجديد مثل مااحنا ملينا من عبينا اهم ملو من محلاتهم يبون تغييييييييييير

حياج الله اختي

عندج العبي بالفروانيه مجمع الخيمه مول صغيير بس كله عبي ودراريع

وعندج مجمع الحمرا مول ومجمع العربيد بلازا في محلات عبي وفي محلات المنصور للمكياج

وعندج مجمع العربيد ورا الجمعيه هذا بس للدراريع

انا اقولج الفروانيه اذا تبين عبي وملافع ومكياج وهالسوالف يعني فيها حق تشري تبين تشترين روحي الفروانيه

ولاتطوفج المعارض اللي على البحر شغل مصممات كويتيات يصير بجانب مستشفى الاميري تصير بيوت تراثيه روعه شغلهم

اما باجي الاسواق الراقيه فشغلها نفس الامارات لان شغل عالمي