الاستحمام...

[فرزاتشى]

السلام عليكم
دااايم احلم ان انا بالحمام اتروش بس خايفه بالحمام وكم مره حلمت ان يطلعون لي بسم الله بس اتغلب عليهم اخنقهم ويموتون


مع العلم ان انا بالحقيقه اخاف من هالسوالف يمكن له دخل خوفي والا ؟..


وفي حلم ثاني عادي ارسله بالخاص لاحد فيكم يعرف يفسر لي الله يعافيه هو عن جدتي الله يرحمها

 

[فرزاتشى]

بقول الحلم الثاني حلمت ان انا واختي كنا حوامل بالحلم وكنت اقول لامي شلون الحين بيبان اللي بطني وانا واختي لسه ماتزوجنا للحين مخطوبين اختي كانت تقول انا ماهمني انا بنفصل منه وكان بطني كبير والبيبي ينزل وارفعه من كثر ماهو ثقيل قالت لي امي عادي ياما بنات حملوا بفتره الملكه لما تولدين بمسك الولد وانتي سوي عرس وسافري قلت طيب بس يلا وديني شقتي انا تعبانه وبنام ودوني امي وابوي ودخلت شقتي لقيت عمتي وجدتي الله يرحمها لابسين عباتهم ومنسدحين بسريري وفيه حريم واجد بشقتي من اهل ابوي كنت بالحلم مخطوبه لولد عمتي جلست بالارض وجاتني زوجه عمه قالت لاتقعدين بالارض موزين بس بسالك زوجج يروح معاج الستشفى قلت ايه لوكان فاضي يروح بس احيان ينشغل اروح لحالي انا مومتزوجه وولد عمتي خاطبني بالحقيقه واختي جد مملكه وبتنفصل

 

[مفسرة الاحلام]

ان صدقت الرؤيا الاولى عليك ان تحصني نفسك بالاذكار بعد صلاة الفجر وبعد صلاه العصر يتضحلي انك تنسين تقرائين الاذكار وايضا لاتطولين فى الحمام وان كنتي تتروشين فهي مساكن الشياطين فقط والله اعلم واجل


الرؤيا الثانيه لا توضح شي فى المستقبل فكل مافي الرؤيا امور موجودة حاليا انتي واختك عندكم هم اختك همها تريد الانفصال وانتي همك متى اتزوج فقط امور لك ولاختك فى الحاضر وفي هذى الفترة والله اجل واعلم

الله يوفقك ويسر امرك