الاسعار نار نار .. والمعاش طار طار .. استر يا ستار !

[عهود الحب]

السلام عليكم و رحمة الله وبركاته


:


:

:



مرة شفت حلقة لعمتي اوبرا ماغيرها
حبيت اعلق عليها واستفيد معاكم وتستفيدون معاي
اهيا عن الاقتصاد بالمصروفات لمواجهة حالة الغلاء والفقر
الي صايرة بالشعب الامريكي بسبب الازمة الاقتصادية هناك




امانة بنات انتوا مومتلعوزين من الاسعار والمعاش الي بنص الشهر طاير


اكيد سويتوا طريقة للاقتصاد وتقليل المصاريف الشهرية
خصوصا انه البورصة بالعالم كله طايحة والاسعار شابه ضو

واحنا حيل حيل مضغوطين


يحوشنا ضغوطات نفسية انفكر بمستقبل عيالنا شلون بندخر لهم



على فكرة هالحالة المنكوسة حاشت العالم قبل بافلاس وول ستريت والي عقبها صارت مجاعات بالعالم وفقر عالمي
الله لايقوله


لكن لو أننا نتشارك بتجربتنا مع بعض للادخار والتوفير


وتقليل المصروف الشهري من المعاش :23_asmilies-com:



وشلوووووووون نخلي الاقتصاد وشد الحزام شعارنا اليومي

:27d66a9c24b146327bf



انا بقولكم طريقتي لتقليل الصرف اليومي وابيكم تساعدوني بنات
لأنه فعلا انا حيل متعبني هالموضوع
خلونا نساعد بعض
ونشد الحزام مع بعض !



:ssssso:​

 

[عهود الحب]

اول شي سويته قللت روحتي للسوق وسويت جرد كامل للملابس
كل مرة ينقص عندي شي حاطة مذكرة صغيرة بجنطتي واسجل فيها النواقص سواء من احتياجات لعيالي
او الجمعية والماجلة


والسوق مسموح لي مرتين الى 3 مرات بالشهر بسسسسسسس !!!!




ومرات يدور شهر كامل ما اطب السوق لاتستغربون


في ناس يطبون السوق مرتين بالسنة بالاعياد بس
وعايشين احسن عيشة ومريحين بالهم عالآخر






ثاني شي عقب ما اخلص لما تجي السالفة الصجية اشوف الطلبات الي مسجلتهم
هل اهمه من ضروريات الحياة وبنموت ان ما انوجدوا ؟؟؟؟؟؟؟؟
اذاا ماكانوا ضرورة استغني عنهم بلا تردد لأنه في شغلات كمالية وهي الي تاكل المعاش




اتصدق قد ما اقدر لأن الصدقة سر بركة المعاش وابتعد عن الحش احاول دايمن
استغفر في آيه تذكر ان من بركة الاستغفار الامطار والرزق الوفير







استغنيت عن شغله اسمها السفرة وخليت السفرة الدايمة احسن وكل مرة نغسلها شكو سفرة وتقططط يومي !!



استغنيت عن كثرة طلبات المطاعم
خليت شي اسمه مطعم يكون مرة بالشهر


وصدقوني مو صعبة




قطعت طلبات الفطاير والحلو للدوام
بالاحرى طلعت من واجب الحلا والفطاير
بسكوت خفيف بجنطتي وكرواسانة ونسكافيه
اريح لراسي واوفر لمعاشي



شرايكم ؟؟؟



اكيد عندكم افكار وبذكر لكم افكار اوبرا بعد​

 

[برونزية رشيقة]

اول شي سويته قللت روحتي للسوق وسويت جرد كامل للملابس
كل مرة ينقص عندي شي حاطة مذكرة صغيرة بجنطتي واسجل فيها النواقص سواء من احتياجات لعيالي
او الجمعية والماجلة


والسوق مسموح لي مرتين الى 3 مرات بالشهر بسسسسسسس !!!!




ومرات يدور شهر كامل ما اطب السوق لاتستغربون


في ناس يطبون السوق مرتين بالسنة بالاعياد بس
وعايشين احسن عيشة ومريحين بالهم عالآخر






ثاني شي عقب ما اخلص لما تجي السالفة الصجية اشوف الطلبات الي مسجلتهم
هل اهمه من ضروريات الحياة وبنموت ان ما انوجدوا ؟؟؟؟؟؟؟؟
اذاا ماكانوا ضرورة استغني عنهم بلا تردد لأنه في شغلات كمالية وهي الي تاكل المعاش




اتصدق قد ما اقدر لأن الصدقة سر بركة المعاش وابتعد عن الحش احاول دايمن
استغفر في آيه تذكر ان من بركة الاستغفار الامطار والرزق الوفير







استغنيت عن شغله اسمها السفرة وخليت السفرة الدايمة احسن وكل مرة نغسلها شكو سفرة وتقططط يومي !!



استغنيت عن كثرة طلبات المطاعم
خليت شي اسمه مطعم يكون مرة بالشهر


وصدقوني مو صعبة




قطعت طلبات الفطاير والحلو للدوام
بالاحرى طلعت من واجب الحلا والفطاير
بسكوت خفيف بجنطتي وكرواسانة ونسكافيه
اريح لراسي واوفر لمعاشي



شرايكم ؟؟؟



اكيد عندكم افكار وبذكر لكم افكار اوبرا بعد​

يعطيج العافية خوووووووووش موضوووووووووووووع ....


في أنتظار أفكار أوبرا ؟؟؟؟؟ شنو قالت في الحلقة ؟؟؟؟؟؟؟؟؟؟؟؟؟؟؟؟

 

[عهود الحب]

اوبرا عاد غير
اهيا جابت خبراء عن المديونيات والفيزا


وقالت للي متعودين عالكي نت والفيزا لازم نتعود ندفع يدوي بدون كي نت اهمه ماعندهم كي نت عندهم خدمة مثلها
بس انا قلت كي نت من باب التشبيه

الحكمة انج لما تستخدمين الكاش تحسين بالفلوس لكن بالكي نت الفلوس تروح وانتي ماتحسين بنفسج تصرفين

وقالت انه نحاول نضغط على روحنا ونقلل من كمية الفيز الي عندنا البطاقات الفيزا اقصد
والغريبة انا اعرف بنات معاي بالدوام بهالطريقة عندهم مادري جم بطاقة
ونص معاشهم ينخصم من الفيزا وبلاويها اللي ماتخلص




انا عني انا انا ماعندي فيزا ومكنسلتها من تفكيري لأنه ادري شنو عواقبها !



قامت تجيب ناس جربوا سياسة شد الحزام


واحدة منهم قالت انها ماتخلي ولا بلاك بالكهربا مركب لازم تمصعه او تشلعه
لأنه حتى لو الزر مسكر يعتبر دائرة كهربائية ويصرف بكميات احنا مانحس فيها


وانه بعدين عقب ماسوت هالطريقة نزلت الفاتورة من 267 شهري الى 61 شهري
عرفتوا شلون !!!


فرق ملحوووووووووظ وواضح


انا واحدة فاتورة الكهربا والماي علي واعاني من هالشي حيل


قاعدة اعود عيالي على الاقتصاد بالماي قدر الامكان وشغالتي بعد



والليتات المبطلين بدون لزمة ماله داعي


الغرفة الي موقاعدين فيها مانتركها منورة بالعكس نطفي الليت ونقتصد بالكهربا



وجابت واحدة قالت انها استغنت عن السيارة بالمرة

وكله عالقاري اهيا وعيالها
بس طبعا صعبة بمجتمعنا سالفة القاري



انا خليت مشاوير السيارة محدودة بما انه انا ما اطلع هالكثر وبجذي نوفر بنزين



التلفون

وفواتيره

انا تلفوني كروت فسالفة الصرف الزايد
لاغيتها من حياتي
ومخليه مسجات ماكو نهائي
الا بشكل نادر جدا



ومو لأي شخص طبعا


كرتي ما اعبيه الا 10 دنانير بالشهر طبعا مجزأتها على نظام 3 دنانير كل مرة
والحمدلله مرات ما اعبيها كلها يقزر شهر و شهر ونص على 10 دنانير


ليش لأ !!
نقدر اكيد



ليش مانقدر​

 

[عهود الحب]

في وحدة اعرفها علمتني طريقة للصرف بدون اسراف

كانت طريقتها لما تمسك المعاش اول شي تسمي وتقرا دعاء بركة الراتب

وعقبها تطلع الاقساط الي لازم تدفعها باليد مو اقساط البنك لأنه هذا يسحبونها فورا
مرات تكونين مديونة لشخص وتسددين يدوي اخوج اختج خالتج ابوج امج
وهكذا


تطلع القطية مالت امها ومخصصه لامها خمسين دينار من كل معاش يانعمة الله عسى ربي يبارك لها
وتطلع جم الصافي


اذا كان يصفي لها مثال يعني خل نقول


200 دينار
تقسمهم على اربع اسابيع

وتحطهم بأظرف
كل راس اسبوع تطلع الظرف الجديد وتصرف على قده


شوي شوي تعدل حالها وصار يصفى لها


300
قامت تشيل منها 50 دينار توفير للمستقبل


شوي شوي قامت توفر اكثر
والمعاش ربي بارك فيه وزاد والمديونيات قلت اكثر



علموني انتوا طريقتكم بالتوفير لكم ولعيالكم


وشلون تقللون الصرف
شنو تسوووووون بنات

امانة الي عندها سياسة معينة تعلمني وتفيد الكل​

 

[pretty eyes]

والله خوش موضوع بس احنا بالكويت ما نوفر الاننطق على روسنا مو مثل هالاجانب احنا اذبحتنا هالمظاهر

 

[روزالكويت]

صاجين والله مالعب فينا غير الكماليات...

 

[روح آلمشآعر]

تصدقين آنآ مو موظفه بس آقولج طريقتي مع آختي !
غثتني لآن صآر لهآ سنه موظفه وآهي مآ وفرت لنفسهآ شي
مآ يجي نص آلشهر آلا خلآص مآعندهآ ولآ شي !
طبعآ آنآ قلت لهآ مآ يسير جذي آلمفروض توفرين لنفسج
عآد حطيت لهآ بوك وقلت لهآ آول مآ تسلتم آلرآتب
تطلع منه كل آلمصروفآت آللي عليهآ وآلبآجي تحطه بآلبوك
آلبوك آنآ خآشته عندي عشآن مآ تآخذ منه !!!!
وخففت من روحآت آلسوق وآلحمدلله
توفر لهآ مبلغ تقريبآ وصل 1000 دينــآر بس مآآذكر جم صآرلهآ !

،،

في طريقه ثآنيه آنآ قلتهآ لآختي آلثآنيه تسويهآ وسوتهآ توهآ من شهر تقريبآ
تفتح لهآ حسآب ثآني وتسوي آستقطآع شهري 50 دينآر
بس مو تصرف بآقي آلمعآش لآ توفر وتقتصد بآلصرف !
ممكن آنتي لو مآعندج صرف وآجد تقدرين تسوي آستقطآع شهري 100 دينآر !




وووبس آتمنى طرقي آعجبتكم



،

 

[نسكافيه]

احسن شي الاظرف كل اسبوع ظرف وتصرفين منه تحسين انج منتظمه وماسكه روحج ومقتصده

 

[عهود الحب]

ماقصرتوا يابنات


فعلا طريقة البوك او الاظرف او الاستقطاع ناجحة جدا اهو الهدف واااااااضح انه احنا
نخش فلس ابيض ينفعنا لليوم الاسود ودوام الحال يابنات من المحال


بس المشكلة نبي طرق لتقليل المصاريف


انتوا مافهمتوني


شلووووووووون نحد من الصرف

في طرق مثل تقليل روحات السوق والاستغناء عن الاشياء الكمالية لأنها كماليات
ماراح نموت بدونها وحرام نخسر فلوسنا عليها






نبي حلووووووووول ياهوه نبي نتصرف
قولولنا شنو تسوون عشان تقللون المصرف الشهري


اتذكر قبل بالمانيا كان جيس الجمعية بفلوس طبعا بنسات قليلة بس تشكل مصرف بالنسبة لهم
فكانوا ياخذون معاهم سلة دايمن عشان يحملون فيها اغراض الجمعية
وكانوا ماياخذون خضرة الا بالكيلوات
مو احنا كراتين واخرتها تنقط !!



فهمتوني​

 

[رايقة1980]

موضوعك اكثر من روعة

طريقتي

ما اشتري حلو من محل غالي يعني اذا بشتري اشتري حلو من محلات عاادية

والسوق قللت روحاتي له

صحيح افكار عادية بس تنفع


ومن الشهر الجاي قررت ما اشتري الماركات الغالية بالنسبة للماكياج الا للضرورة

في وحدة من الخوات حطت موضوع عن الماكياج اللي بسنتر بوينت وغيره وعجبتني الفكرة
قررت ما اشتري الماكياج الا من ريميبل ولوريال وهالطقة طبعا اقصد الحمر والماسكرا والبلاشر


... ولي عودة لموضوعك باذن الله

 

[قطوه ورديه]

خوش موضوع
بس ياربي انا زوجه وربت بيت
وموموظفه معاشي 125
اخش شنو ولا شنو
ودي استانس ودي اشتري هدايا والعاب
حق ولدي واختي ظروفها صعبه فاساعدها اشوي 10 و لا5 وبنفس الوقت ودي اخش
حق المستقبل بس كل شي غالي
اصلا انا ساعات اشوف بدله
ولا نفنوف ويعجبني وانصدم بالسعر
فاتردد اشتري ولا
وعلى فكره احنا الحين مسجلين جمعيه
كل شهر اميه

 

[برونزية رشيقة]

ماقصرتوا يابنات


فعلا طريقة البوك او الاظرف او الاستقطاع ناجحة جدا اهو الهدف واااااااضح انه احنا
نخش فلس ابيض ينفعنا لليوم الاسود ودوام الحال يابنات من المحال


بس المشكلة نبي طرق لتقليل المصاريف


انتوا مافهمتوني


شلووووووووون نحد من الصرف

في طرق مثل تقليل روحات السوق والاستغناء عن الاشياء الكمالية لأنها كماليات
ماراح نموت بدونها وحرام نخسر فلوسنا عليها






نبي حلووووووووول ياهوه نبي نتصرف
قولولنا شنو تسوون عشان تقللون المصرف الشهري


اتذكر قبل بالمانيا كان جيس الجمعية بفلوس طبعا بنسات قليلة بس تشكل مصرف بالنسبة لهم
فكانوا ياخذون معاهم سلة دايمن عشان يحملون فيها اغراض الجمعية
وكانوا ماياخذون خضرة الا بالكيلوات
مو احنا كراتين واخرتها تنقط !!



فهمتوني​

مووووووووووووووووووضوع ياي بوقته خاصة مع الأزمة الأقتصادية العالمية .................
في أنتظار المزيد من الأفكار ...

يلله ناطرينج _03ba:

 

[صلاتي-حياتي]

موضوع حلو ومفيد

اهم شغله اهي التقليل من روحة السوق لان ماياكلنا الا هالسوق
والله اني اروح ابي شغله ضرورية اشتري الف شغله مو ضروريه
مكياج اكسسوارات شغلات والله مومحتاجه لها بس شنسوي مانعرف نرد روحنا عن شي واللي بخاطرنا ناخذه وهذا اكبر غلط

فنصيحتي قللوا من روحة السوق والجمعية الا للشغلات الضرورية
حاولوا تخشون الفايض من المعاش يعني هالشهر بقى من المعاش 50 خشيهم بحساب ثاني وهلم جرا باقي الاشهر

صراحه تعبنا مايجي نص الشهر الا مطفرين ونقط وجيهنا عند اللي يسوا واللي مايسوا نطر 20 و30

 

[ملسونه المصونه]

فعلا موضوع جا بوقته واالله لو نفتك من العزايم والمواجيب كان إنا بخير يابنات تخيلي بنروح نقهوي وحده لازم نجيب الحلو بالشئ الفلاني

والفطاير نفس الشي وانا ودي القى حل لهالموضوع بصراحه انفقرت بسبة هالشئ

وان شاء الله الخطه الخمسيه الجايه هي التقليل قد ماقدر لكن المواجيب شلووووووووووووووووووووون احل مشكلتها

 

[Q8_QT]

آنا جربت طريقة لمدة شهر وانفعت وياي وإن شاء الله بستمر عليها
بسبب ظروف نمر فيها ويارب الله يفرجها أحط معاشي على معاش زوجى ونقعد كل شهر نشيل منهم الأقساط والإلتزامات اللي علينا كل شهر وباجي المبلغ يتقسم على :
وأشوف احتياجاتي وشنو ناقصني سواء لي شخصيا مثل الملابس أو للبيت أوحق ولدي وأوزعهم يعني ضروري أشتري هالشهر واللي موضروري أأجله لي الشهر اللي وراه موشرط كل شي أشتري مره وحده
وطبعا مبلغ يخصص لأغراض الجمعية
ومبلغ أخليه احتياطي للظروف الطارئة بس (واستفدنا من هالمبلغ لأن صارت ظروف وسحبنا منه)
ومبلغ مصروف لي ولزوجي
ومبلغ رفعته ونسيت نهائيا إن موجود ويكون للتوفير ماينجاس
أتمنى إنكم تستفيدون من طريقتي لأن فعلا حلوة ونظمت أموري
وتقبلوا تحياتي

 

[Flower20]

اولا الصدقة
والله مفعولها عظييييييييم وتحسين الفلوس ما تخلص
وخاصة الصدقة بيوم الجمعة

ثانيا :-
استغنيت عن حف الصاالون
كنت كل اسبووعين احف ويهي بالصالوون ب4 دناانير يعني 8 بالشهر
الحين قمت اشتري شمع جااهز واحفه بنفسي وتعلمت شلون اضبط حواجبي
والله يخلي المكينة لجسمي
والحمام المغربي وغيره كله اسوويه بالبيت

ثالثا:-
لما اروح السوق امسك نفسي واشتري الاشياء الي ناقصتني بس واكون محتاجتها حييييييييل
وخففت من مشترى الجناط والجواتي عزكم الله لان اغلب الي اشتريه من اسووق وما احتااجه يكون من هالاشيااء
وادور المحلات الي مسوية sale

رابعا:-
ملابسي القديمة رديت استعمل بعضهم

مثل العبي انصدمتتت شكثر عندي عبي حلوين وموضتهم للحين موجودة بس الفسق خلاني اشتري عبي يدد
وسويت بعض التعديلات عليهم وصاروا يهبلوون
والملافع نفس الشي هم انصدمت شكثر عندي ملافع وما استعملهم بس اشتري يديد

فتشووا باغراضكم القديمة اللي نسيتوها وصدقووني بتلقوون اشياء حلووة

خامساً
استغنيت عن المطااعم واذا حدي مشتهية اكل المطاعم اطلب من مطعم سعره موو غالي مثل المطاعم المشهوورة
وياكثر المطاعم الرخيصة والحلوة بديرتناا

سادساً
اشتري الخضرة والفواكه بأيام التخفيضاات
وأشتري ماجلة البيت بالجملة من سووق الميرة بدل الجمعية
صدقووني ارخص بواايد
وحتى الككاو والحلااو اخذلي كرتوون كامل يطلع ارخص من المفرد

سابعاً
القرقة بالتلفوون النقال خففتها لووووووول
والله يخلي قرار الاتصالات الارضية بالمجاان للتلفون النقال


انا هذي طريقتي من شهررين لاني ناوية اجمع
بهالزمن ما ينفع الانسان الا فلوسه للاسف

 

[الباسمه]

خووش موضوع ويعطيكم العافيه
كل اللي قلتوووه جربناه ولقينا حلول بس تبيقى المشكللللللللللله العالقه المواجيييييييييب
تكسر الظهر وتخيلو اللي تزورني وانا نفاس وتقط 50 او 100 هذي توهقني ما تونسني لاني اذا جا عندها مناسبه لازم ارد لها 150؟؟؟؟؟؟؟؟؟؟؟
والله وهقه غير الحلو والفطاير وورق العنب ما باقي الا نفرش فراشنا عند الناس
مره من المرات زرت انا وزوجي واحد من ربع المقربين وهو سوري مو كويتي وتخيلووو مرته من اصل سوري بس كلامها كله امريكي متربيه هناك المهممممم
اول ما دخلت لقيتها شابه الابجوره بس والله يابنات مو مشغله ليتات الغرفه حتى قلت يمكن ناسيتها
قعدت شوي والا تقولي do you like coffe or tea?????
عاد هنيه صج طقيت على راسي المره قعده تخيرني اذا ابي او لا
وهذا مو بخل بالعكس اهم خوش ناس
بسسسسس افكر لو اقولهالكلمه لاحد جايني البيت بتصير سيرتي على كلل لسان لووووووووووووووول طولت عليكم
بس صج ابي حل حق المواجيب وبنفس الوقت مو حلللوه ارد اللي يعطوني يعني ما استقبل الهدايا

 

[عهود الحب]

اليوم حلقة اوبرا
الحين حطوا عليها عن الموضوع ذاته



في طريقة الحين قالتها
حاول ليوم واحد الا تصرف فلسا واحدا
حاول لاسبوع واحد الا تستخدم بطاقة البنك بتاتا

حاول لشهر واحد الا تتناول الطعام من مطعما



تابعوا الحلقة اللحين بنات نصيحة

 

[جوري الكويت]

حسافه توني اشوف الموضوع .. طافتني الحلقه

نصايحكم حلوه ,, جاري التطبيق باذن الله من هالشهر