أسهم غير مدرجة يعني اسهم اكتتاب والشركة قائمة او في طور التكوين ولكن الأسهم الي عندج ماتقدرين تبيعينها لأنها مو موجوده في سوق الكويت للأوراق الماليه
هذي الأسهم الغير مدرجة ممكن تنباع في سوق الجت, وعليها ضمانات, ولكن لو واحد مايخاف ربه يمكن يبهدلج وبعدها محاكم وقصص لين ترجع فلوسج
اذا اذا تبين تشترين اسهم, اشتريها من الشركه نفسها اي بمعنى اكتتاب وليس من خلال اشخاص, ونطري سنتين او ثلاث لما تدرج الشركه بالسوق الرسمي وهو سوق الكويت للأوراق الماليه وبيعيها
اما بالنسبه للنصيحه, اسعار الإكتتابات الجديده تكون 100 فلس + علاوة اصدار 5 فلوس يعني
اما الحين الأسعار بالسوق الرسمي بعد طيحة السوق تحصلين اسهم على 51 فلس أو 55 فلس
يعني اذا عندج 2000 دينار اشتري 40 ألف سهم وشوفيهم بعد 4 سنين, ادعيلي
بيت الميت الأسهم مدبوله, يعني 4000 دينار, وهذا غير الأرباح السنوية
ولكن حطي بالج شنو الشركة الي تختارينها, وشوفي شركة مو خسرانه من خلال بياناتها المالية وأرباحها الربع سنوية والسنوية و و و
اتمنى فدتج
