الاسهم والبورصه اللي تعرف بالاسهم والبورصه تدخل

[@فطفوووطه@]

مرحباااا بنات شلونكم

ان شاء الله بصحه وسلامه كلكم

بنات اللي تعرف بالاسهم تفيدني لو ببيع او اشتري اسهم شلون اعرف قيمة السهم كم بالدينار الكويتي يعني كم قيمة السهم انا كلش مااعرف بالبورصه ومااعرف شلون اذا السهم مرتفع او نازل لو تشرحولي بطريقتكم اكون شاكره لكم

 

[a woman on top]

مبدئيا لازم تفتحين حساب تداول وتحطين فيه 500 على الاقل
وبعدها ممكن تاخذين دورة عند البنك نفسه تتعلمين منها كل شي عن تداول الاسهم
او تسجلين بدورة (فهد الصقر) اللي يحط اعلاناته بالجريدة كل يوم يعلمج على التداول
واكيد لما تبدين وتجربين راح تتعلمين والشغله سهله جدا
بس ترا السوق ماله امان ووايد ناس راحت فلوسهم وتحسفوا بغيت انبهج بس والله يوفقج

 

[@فطفوووطه@]

مشكوره حبيبتي بس انا بولد ويني ووين الدورات ودي اعرف شلون اعرف قيمة السهم

 

[مطيرية متواضعة]

اختي ترى كل الي يقدمون دورات جذابين حرامية لو فيه خير جان هو ربح بالسوق شحقة يسوي دورات ويتعب عمره معانا

تبين تعلمين ادخلي منتدى المؤشرنت واسئلي وفي دورات مكتوبة وفي دورات باليوتيوب شرح

اول ماراح تدخلين بتخسرين مثلي انا تركت الاسهم واتجهت للفوركس والحمدلله كل شهر اربح بحدود 2000دولار ومرات اخسر

بس الربح اكثر من الخسارة والحمدلله لان مبلغي صغيييييييير حييييييييييل



نصيييييييييييييييييحه حطيها بذنج بسوق الاسهم والي مثلة مافي احد صادق الا اذا شفتي ربحه بعيونج وجربتي شغلة اقل شي شهي شهرين

غالب اهل هذي الاسواق يعرف يسوي دورة يعرف يكتب الف صفحه عن اختصاص الاسهم يعرف يجذب

لكن عند الشغل والدخول الحقيقي يبين على حقيقته وتعرفين انه خيطي بيطي مثل مارحتي جيتي

 

[a woman on top]

مشكوره حبيبتي بس انا بولد ويني ووين الدورات ودي اعرف شلون اعرف قيمة السهم

----------------------------------------------
www.kse.com
هذا موقع سوق الكويت للاوراق المالية ودخلي عليه الصبح عشان تشوفين سعر السهم وهو يتغير لايف
بس لما تبين تشترين لازم تدشين على حساب التداول ومنه تشترين

 

[@فطفوووطه@]

مطيريه متواضعه
حبيبتي مشكوره عالنصيحه ياقلبي


ام سعد
ماقصرتي كفيتي ووفيتي