الاسهم

[supermarket]

مشاركة: الاسهم

بنات في احد يعرف شي عن الصناديق الاستثمارية

 

[ظلال القرآن]

مشاركة: الاسهم

خوش موضوع


بس ريلي يقول لا تكتتبين كافي انا

 

[ام ديما]

مشاركة: الاسهم

السلام عليكم

يابنوتات ياحلوات باكر اكتتاب شركة السور للوقود11/12


والاكتتابات مافيها خسارة باذن اللة السهم بمية فلس وبعد جم سنة يصير 6او7اضعاف واللة الرازق



ونصيحة اي اكتتاب شرعي لايطوفكم

والاكتتاب بكل البنوك التمويل والتجاري والوطني والاهلي وغيرهم والمطلوب الفلوس وصورة البطاقة


وسلامتكم

 

[Pinky Dream]

مشاركة: الاسهم

يعطيج العافيه ام ديما والله يوفقج ان شالله

بس متى اخر يوم للاكتتاب؟؟ ولازم جم بطاقه معاي؟؟

 

[كويتية أمورة]

مشاركة: الاسهم

ظلال القرآن غريبة ريلج يقول لاتكتتبين!!! اول مرة اسمع واحد يقول جذي!!
انا اقول اكتتبي الدنيا مايندرى عنها باجر ينفعونج
وانا مابي اشيشج على ريلج بس ياربي غريبة يقولج كافي انا!!!<<<<<وحدة تزلق وايرات خخخخخخخ
لا والله صج ظلال الاسهم ينفعونج خصوصا بالاشياء المضمونه فرصة

 

[ام ديما]

مشاركة: الاسهم

اخر موعد 29\12 ولازم تجيبين معاج صور البطايق المدنية للاقارب من الدرجة الاولى

مثل الزوج والاولاد والام والاب


وبالتوفيق واسفة عالتاخير

 

[bambena]

مشاركة: الاسهم

من صجكم! اذا السهم ب100 فلس والكويت كلها بتكتتب واخرتها يعطونج 100-300 سهم شاسوي فيهم هذيلا ومهما ارتفعوا جم بيوصلون ، والله انا احس قاصين علينا عشان يكملون راس مالهم وفعليا ماكو ربح لنا احنا الربح كله للشركات والجهات اللي مكتتبه بمعظم راس المال

 

[تفاخيه مبطوطه]

مشاركة: الاسهم

بنات بغيت أفيدكم بالموقع الرسمي اللي تقدرين تجيكين فيه على أسعار الأسهم كل يووووم

ضغطي هنااااا

وشنو يعني إكتتااااااااااب؟؟

أشتري الأسهم بدون ما أبيعهم تنزل لي أرباح يعني؟ ولا شنو بالضبط؟؟

 

[bambena]

مشاركة: الاسهم

تفاخيه مثلا انا شركة بامبينا وانتي شركه تفاخيه بنسوي شركه يديده تفاخيه بامبينا وماعندنا راس مال كافي مثلا انا اتحمل 25 وانتي 25 والباجي 50% اكتتاب مثلا سعر االسهم 100فلس وكل شخص يشتري بحد اقصى مثلا 1000 سهم ب100 دك تروحين تشترين 1000 سهم واهم يوزعون الاسهم واذا وايد ناس شارين مثلا يعطونج 300 سهم ويردونلج باجي فلوسج هذا الاكتتاب وكل سنه تنزلج ارباح فلوس نقدا او زياده اسهم
احس وايد قرقه عورت راسج \:

 

[تفاخيه مبطوطه]

مشاركة: الاسهم

أهاااا

يعني ماتحتاج متابعه مني وكل يوم أجيك إشصار ؟؟

أشتريها وأنساها ؟ وتنزل الأرباح بروحها بحسابي؟؟

 

[ليالي نجد]

مشاركة: الاسهم

الاكتتاب بشركة السور مضمون ان شاء اله ميه بالميه

يعني مثلا دشي بالف دينار مثلا ( يعني تقريبا بعشر بطاقات ) وانسييييييهم كلش

بعد سنتين او ثلاث تلقين سعر السهم وصل 400 او 500 فلس واذا اكرمنا الله يمكن اكثر

يعني لمبلغ اللي اكتتبتي فيه يتضاعف او يزيد لثلاث امثال اواربعه امثال حسب ارتفاع السهم والتداول ( يعني اذا طلع لج بيت مابتحاتين بالتأثيث ان شاء الله)

الاكتتاب مامنه خوف الخوف من المضاربه ويبي لها صبر ومتابعه دقيقه لتغير السهم

اللي ببداية عملها بالاقتصاد والاوراق الماليه حلاتي اتخليها بالاكتتاب الحين واذا صار عندها سيوله ومبلغ سنع دشي المضاربه اللي اهي شراء الاسهم اذا انزلت وبيعها اذا ارتفعت

علشان احيانا الظروف تحدج للحاجه لمبلغ من المال ومايكون عندج سيوله فتضطرين للبيع بخساره اذا السهم مارتفع

والله الموفق

 

[ليالي نجد]

مشاركة: الاسهم

عيب السوق الكويتي تداوله يطول بعكس السعودي والاماراتي

مع ان الكويت سباقه بهالمجال بس دايما الهوامير يتحكمون بالسوق والفقارى حلاتنا ناكلها وننطر

 

[تفاخيه مبطوطه]

مشاركة: الاسهم

شكلي بجرب هالإكتتاب !!!

الحلو بالأسهم إنه ممكن بشهر ولا شهرين إنتي مدوبله راس مالج إذا حالفج الحظ طبعاً

بس هالأيام السوق راكد وماكو حركه كلش !! إغلقه!

سالفة الإكتتاب هذي يبيلها جم ألف تقطينهم وتنسينهم .. مو راس مالج كله تحطينه إكتتاااب

 

[bambena]

مشاركة: الاسهم

ليالي من وين الف ،اذا ذبحوا عمرهم يخصصونلج حدهم 300 سهم ! مايسوى

تفاخيه ماينزل بحسابج بالبنك ، ينضاف في حسابج بالشركه نفسها والشركات يحطون اعلانات ان في توزيع ارباح اما نقدي او اسهم زياده

 

[@ الرسامة @]

مشاركة: الاسهم

يا سلام عليكم


توني اطيح على موضوعكم





المجموعة الدولية شكلها بتشقح السما يا بنات


والاكتتاب بشركة السور مضمونة بعد باذن الله

 

[jareeeda]

مشاركة: الاسهم

ممكن احد يعلمنا شلون بالضبط نشتري الاسهم وشلون نبيع وهل ممكن نشتري عن طريق الفيزانت ؟؟

 

[bambena]

مشاركة: الاسهم

بنات منو تعرف متى اخر يوم لاكتتاب بنك الريان القطري؟؟؟

 

[ام ديما]

مشاركة: الاسهم

اخر يوم للريان 29\1

 

[bambena]

مشاركة: الاسهم

شكرا ام ديما

 

[مرجوجه]

مشاركة: الاسهم

الريان بنك والا شنو وين مكانها