الاشياء الي تشترينها وما تناسبج شتسوين فيها؟؟

[سمسميه]

السلام عليكم
بنات اكيد كلكم مريتوا بهالمواقف ان تشترين شي وما يناسبج
مثلا
شامبو يمدحونه حيل لما تستعملينه يسبب لج قشره او ينشف الشعر!:0bee2e8d89:
كريم للبشره بعد الاستخدام تكتشفين ان بشرتج حسست منه!:krkrkr:
مكياج شريتيه وبعدين لما رديتي البيت طلعه اللون مو نفس المحل وطاح جبدج!
ديودرانت من اول استعمال حسيتيه ما منه فايده! :tomato2:
وغيرها وغيرها----

شتسوون فيهم ما تقدرين تعطينهم احد لانهم مستعملين واذا خليتيهم عندج بيتمون بمكانهم لما تنتهي صلاحيتهم وبياخذون مكان للتخزين ويسسوون حوسه!
وحرام ينقطون بالزباله الصراحه في بعضهم سعرهم غالي!!

شتسوون بهالحاله؟؟؟:eh_s(1):


بانتظار تجاربكم

 

[opera]

الشامبو استخدمه في عسيل الارضيات ومرات احط منه داخل الحمام الافرنجي اونتي بكرامه يعني لمن تسحبين السيفون يطلع ماي وصابون وريحته مثل الشامبو حلوه

الكريمات البشره اقطها بالزباله بس في مثلا لوشن يكون فيه عطر ريحته تكون مو حلوه على جسمي .. اخذه معاي الدوام وامسح في طاولتي كل يوم الصبح وتطلع ريحته حلوه .. الي يمر عند المكتب يشم الريحه

 

[سمسميه]

اوبرا
والله خوش افكار مشكوره

 

[مشتاقة لأمي]

الشامبو مثل ما قالت اوبرا اغسل فيه الحمامات واحيانا اكت منه شوي بالمغسله إذا ريحته حلوه واصب الماي شوي فوقه .

الكريمات اسال خواتي اي وحده من صديقاتي او جاراتي وقت ماتذكر او جبنا طاريه اللي حيل قريبين مني إذا يستخدمونه ومناسبهم واعطيهم.

المكياج إذا ماركة غالي وما ناسبني اختي بنت اخوي اي وحده تموت بالمكياج اقول لها عنه إذا تبيه واكنه العيد عندهم وانا انفك منه.

فيه بنات يخلون المكياج حق البنيات الصغار وقت يتجمعون بمزرعه ولا البر ويسوون لهم مسابقات وخرابيط يخلونهم يلعبون فيه بدال ما يشترون.

الديودرنت صعبه ماقدر اعطي احد ما ناسبني بالزباله سيده عادة اسعارهم معقوله فمو مشكله .

 

[تيوليب]

هااااي انا عن نفسي مبذره حييييل واشتري شغلات ومااستعملهم خاصة العطور لما ارجع البيت تختلف ريحة العطر عندي حييييل مادري ليش؟:lkmnkl: وبالأخير اختي المستفيده_03BA:

 

[Pink GirL]

والله في اشياء اقطهم واشياء مثل الشامبوهات او اللوشن اعطيهم خواتي
واذا محد يبيهم مصيرهم للخدامه او الزبالة

 

[سمسميه]

كتبت رد ومادري وين راح؟

مشتاقه
حلوه افكارج
بنك
والله في اشياء استخسر اقطهم
توليب
على الاقل اختج ولا ينفقطون عليها بالعافيه

مشكورين على الرد

 

[ShgRdeeYa]

سمسيه اذا يت على هالسوالف اتهون :eh_s(1):
انا يختج فيني مرض

اذا زعلت اروح الافنيو او المرينا و اشتري اللي ابيه و اللي ما ابيه و اذا طخيت اقول ابيه انا شنو شاريه

و اوزعهم على خواتي :eh_s(14):

مادري شلون اتخلص من هالشي
يعني اذا ظاق خلقي اشتري و بس غالي رخيص حلو مو حلو

مو خوش سالفه

 

[سمسميه]

ادمان التسوق مشكله!! اغلبنا نعاني منها وخصوصل ال emotional shopping

 

[dalal]

ممممممممم انا عن نفسي ماتصادفني هالامور الا بالوشنات والميكاب..

اللوشن على طول احطه بالصاله على الطاوله عشان الي رايح وراد يحط منه (وامي تزفني اني حاطته بالصاله تقولي مكانه مو اهني ):dddds:

والميك اب على طول تصريف حق خواتي والي مايعجبهم حق الخادمه ...

 

[سهروني]

أنا ماأستفيد الأمن الشامبوهات أغسل فيها الطرح طبعا لشامبو مايغير لمعة القماش وغير يعطي نعومة وأغسل بالدواسات مالت الممرات يعطي نظافة ونعومة في نفس الوقت أما الباقي الكريمات مصيرهم الزبالة وأنتم بكرامة

 

[عهود الحب]

البنات الصغار اهمه اكثر ناس مستفيدين من علب المكياج الي كلش ماينفعني
العطورات خدامتي سيدا بدون نقاش او خدامات المدرسة
مرات يكون في تسترات حلوين موملوت قط اجمعهم واخليهم سبيل للبنوتات الي بعايلتنا بيوم الزوارة
مرات يكون في ملابس حلوين
تستخسرين تقطينهم او حتى ماتدرين وين يودونهم بالصدقات احب اعطي ناس انا اعرف انهم محتاجين
او حتى ابادل خواتي
خاصة ملابس المواليد والاطفال واغلب اللي نشتريه غالي وحلو ويدوم فحرام ينقط



المجلات تسوي مشاكل ببيتي نجمعهم ونتبادلهم انا وخواتي

الكتب الدينية احب اوزعهم مااخلي شي طايح محد يقراه

العبي اصدقهم على فراشات الدوام تاخذين فيهم اجر وتسترينهم

العلب الحلوين ملوت الهدايا
يووووووووه يا سمسمية ياكثر ما نلاقي اشياء مسويه زحمة ومالها تصريف
الله المستعان
انا لي مدة ماسكة ايدي وماقمت اشري اشياء شكثر نفس اول
صرت اقتصادية حيل احسن واوفر

 

[سمسميه]

دلال
سويت خطتج والله محد استعملهم !! عيزت ادلل عليهم
سهروني
خوش فكره
عهود الحب
خوش افكار
واحنا ما نتوب من المشترى

جزاكم الله خير على الردود

 

[ام الدرر]

الشامبو اغسل فيه جسمي او رغوة للبانيو او للحلاقة بالموس
الكريمات اذا مايضر ادهن ايدي واغلب الاحيان ريولي والبس دلاقات حزة شغل البيت
او حق بناتي والمكياج نفس الشي
والعطورات اخليهم لتعطير الغرف والسراير واثواب الصلاة او للسيارة

 

[سمسميه]

ام الدار
حلو والله لتعطير اثواب الصلاة
شكرا للافكار

 

[نونو ام كشة]

انا اللي ما ابيه او امله اوزعه على خواتي والشغلات اللي مو ذاك الزود اعطيها حقق خدامتي تتشقق وهالحجي ينطبق على كل شي عندي...

وبصراحه في بنات عندهم افكار حلوه ,,,,,,,,, يسلمووووووووووووووووو على الموضوع

 

[ياعشيري جعلك السلال]

الشامبو اغسل فيه الحمام

كريمات حتى ملوت البشره ماتعجبني استعمله حق رجولي

مكيااج اوزعهم

 

[james546613]

الملابس اتصدق فيهم والكريمات المع الجواتي فيهم عن تجربه -العطور رشرش للحمام وانتم بكرامه المجلات والكتب اودهم للصناديق بس والله درب على ماوصل

 

[بمبة المفترسة]

[font="arial black"]

عطيهم خواتج او الخدم حتى الديودرنت عطيهم الخدم
الشامبو اخليه لغسيل فرش الشعر او اخليه لغسيل البقع اللي بالملابس احسن من البودر
او مثل ماقالوا البنات للعبي او الملابس الصوف او الشماغات
المكياج خواتج او حتى الخدم
الكريمات اخليهم حق ريولي او الاكواع او حق جسمي او اعطيهم الخدم
العطورات اخليهم لغرفتي او السيارة او بالدوام تعطرين فيهم المكان​

[/color[/font]]

 

[برونزية رشيقة]

أختي الصغيرة قبل لا تتزوج كللللللللللللللللللللللشي تاخذ كلشي ما تقووووووووووول لأ ..


ألحين من تزوجت وتخرجت عشتوووووووووووو ما تبي تاخذ ..

كان عندي أندونيسية كلشي كنت أعطيها .. بس طلعت حقودة ما بيين بعينها الخير والنعمة !!! المهم مو موضوعنا ...

ألحين بيني وبينكم أحط في أكياس اللجان الخيرية مالوووووووووووووت التوزيع على الأسر المحتاجة ..

أربط كيس جمعية أقط فيه الكريمات والشامبو والعطورات أللي طايحة بجبدي أربطه وأقطه في كيس اللجنة مع الملابس المستعملة ...

ولا أفكر اعطيهم خدامتي اليديدة علشان ما أخربها نفس ما خربت الخدامة الأولية قبل ..بسبة هالسوالف ....!

الديودرنت وكريمات الشعر أللي ما تركب علي زبالة طبعا ..