الاطفال بالسفر

[نمله متلثمه]

مسافره هالصيف اسبوع لدبي ومعي طفله عمرها عشر شهور وش الاغراض اللي اخذها معي وبالمطار خاصة ياليت تفيدوني :eh_s(9):

 

[ليمونة وزيتونه]

الله يعينج توها صغيره ليش ماتخلينها عند اهلج
اخذي معاج غيرات لها وحليب يعني اللي تكفيها هالساعات للامطار

وتروحين وتردين بالسلامه

 

[نااناا]

من الافضل لج ولطفل انج تخلينها عند اهلج او اهل زوجج،،
لكن اذا مضطره تاخذينها الله يعينج..
اهم شي اخذي العربه عشان التنقلات والمشي واريح للبيبي اذا ناام
واخذي معاج مقاس حراره ضرورري تاخذينه واخذي ادول وتحاميل وكمادات الجل لتخفيض الحراره
وكثري الغيارات ،،، واخذي لعبه وقرقااشه وعضاضه،،،
طبعاً الحايب والاكل الخاص بالبيبي،،،
واخذي جنطه صغيره حطي فيها اغراض البيبي. الخاصه عشان اذا طلعتي لسوق تكون كل حاجات البيبي معاج
مثل غيارين وعلبه تقسيم الحليب ومميات وعصير صغير وكلينكس ديتول وحفاظات
اتمنى اكوون فدتج،،، وان شاالله البنات يفيدونج اكثر
وسفرره سعيده مقدماً

 

[دهن العود 74]

ماشاء الله نانا ما قصرت كلامها عدل اخذي لحاف خفيف لها وموفقة وتروحين وتردين بالسلامة 0

 

[نمله متلثمه]

شكرا لكم

 

[pinkiish]

البنات ماقصرو ولاتنسين الادويه اهم شي والعربانه اخذيها وياج واخذيلج جنطه ظهر حق اغراضها وايد اريح انا جدي سويت ويه عيالي 3سنين و4سنين والله يوفقكم ان شاءالله وتروحون وتردون بالسلامه