الافرازات بعد الولادة او الاجهاض

[katkoota90]

مرحبا بنات



انا اجهضت وكان لي شهرين من الحمل
و امي نفستني عدل ادوية و رشاد و مدفية نفسي عدل و خلص الدم

ولما وقف تميت يومين عشان اتاكد قبل لا يصير جماع
والحمدلله ماكان في افرازات


و لما صار جماع حسيت بحررررقة

وبعد هالحرقة صار ينزل مني افرازات شفافه و مرات لونها اصفر سائلة مو جامدة
و فيهم ريحة خفيفة مو قوية حيل


خذيت مضاد حيوي و تحاميل كل يوم احط وحدة
بس صارلي ثلاث ايام خفت الريحة بس الافرازات موجودة


شسوي !!!! صارلكم جذي وللا بس انا !!!!
شسوي الحين !! اروح حق دككتورتي امل الراشد وللا شنو!!!


ترى بنات انا كلش ماعندي خبرة و انا اكبر وحدة و امي ما صارلها جذي من قبل

ساعدوني

 

[iLLuMinaTion]

الله يعينج

 

[اخت خالتهم]

انا كانت تنزل مني شفافه وااايد جنها ماي وعقب الدورة الثانيه اختفت

 

[Aloe Vera]

شكله التهاب روحي الدكتوره احسن

الله يشافيج و يعوضج

 

[katkoota90]

رحت اليوم للسيف دكتورة غازالة سوت لي مسحة تقول ماكو ريحة مو التهاب بس يمكن بكتيريا خفيفه تطلع النتيجة بعد ٣ايام

تعبببببببت من المحاتاه

 

[M!Ss Smart]

تصدقين انا نفسج اجهضت بشهر الثاني وقعدت اكل سوالف نفاس بعدين لما جامعني ريلي حسيت بحرقه بس مارحت الطبيب ان شاءالله ناويه اروح باجر طمنينا حبيبتي

 

[katkoota90]

تصدقين انا نفسج اجهضت بشهر الثاني وقعدت اكل سوالف نفاس بعدين لما جامعني ريلي حسيت بحرقه بس مارحت الطبيب ان شاءالله ناويه اروح باجر طمنينا حبيبتي

ايييي وانا الدكتورة فحصتني تقول حيييل ضيج عنق الرحم عشان جذي يحرررق

عطتني مرهم داخلي للحرقة و ناطرة نتيجة التحليل

 

[BeNt PaRiS]

هههههههههههههههههههههههههههههههههههههههههههههههههههه


نفس اللي صارلي



انا الحين اول دوره من بعد النفاس

و انا مجهضه بعد نفسج


الحين اكتبلج تجربتي

 

[BeNt PaRiS]

كنت نظيفه 10 ايام + افرازات صفره خفيفه


عقبها بني لمدة 5 ايام


عقبها نزلت علي الدوره حيل غزيره حيل حييييييييييييل

لدرجة اني البس حفاظتين فوق بعض


و كل ساعه ابدل الكوتكسه


نزلت الخميس اللي طاف

غزيره لمدة يومين


و من السبت صار الدم عادي و الاحد اخف


و الحين شويه


بدت تروح


و اخاف ما تروح الافرازات



و الحين بكتبلج تجربتي مع الجماع و الامه بعد الاجهاض

 

[BeNt PaRiS]

بااااااك


رحت للدكتور و عطاني :

تحاميل مهبليه معقمه + كريم احطه بالمنطقه من داخل مرتين باليوم + استخدم قبل الجماع كي واي طبي يسهل الجماع


قعدت 5 ايام و بعدها رديت طبيعيه


و كنت قبلها احس بحرقه و احس اني اضيج من قبل


بس الحمدلله الحين رديت عادي نفس قبل

 

[ام رينـاد]

الله يعينج

روحي دكتور

 

[BeNt PaRiS]

اتمنى اكون فدتج


و الله يعوضنا انا وياج و جميع البنات عاجلا غير اجلا



و موفقه حبيبتي

 

[BeNt PaRiS]

رددي :

" اللهم أجرني في مصيبتي ، و اخلفلي خيرا منها "



ترى زين هالدعاء عشان ربج يعوضج بإذن الله