<الاقارب عقارب>..مقوله تحتاج الى نقااااش ؟؟

[جوانا2010]

مقولة دائما اسمعها تردد على السنة الكثير ولااعرف مدى صحتها


ما رأيكم في هذه المقوله ؟؟؟

الاقارب .... عقارب

هل هي صحيحة..؟؟


هل تمت الى الواقع بصلة؟؟
هل هذه العباره مبالغ فيها ..؟؟
ام اننا نرددها لنهرب
من اقاربنا
أم هي حقيقة لانستطيع نكراها؟؟


أيعقل أن أقرب الناس الينا هم أعداء لنا في الحقيقة ؟؟
كيف نتعامل مع هذا النوع من الأقارب؟؟ أنعاملهم بالمثل ؟؟ ونرد الأساءه بمثلها ..؟؟
أم أن الأبتعاد وقطيعة الأرحام هي الحل الأسهل والأبسط ؟؟؟
نريد نقاش جاد وموضوعي وصريح لهذا الموضوع الذي أصبح ظاهرة خطيرة تجتاح مجتمعنا

بأنتظار تفاعلكم...:eh_s(7):
××××××××××××××
من وجهة نظري ومن الواقع اللي اعيشه..
هالمقوله صحيحه وماجانا الاذى الا من الاقارب ..:eh_s(2):
طبعا مو الكل في منهم ينحط على الجرح يبرا بس الاكثريه للاسف ..:eh_s(4):
​

 

[meme>the best]

إي نعم انا مع هالمقوله عقارب وحيايا بعد لمن ننصدم من الغريب نقول غريب عآدي والسالفه تهون اما اذا من الأقارب هذا بحد ذاته مصيبه وشوفي الحين كل المشاكل ألي تصير يشيب لها شعر الراس كلها من الأقارب للأسف =(

لأ انا مو مع انه نعاملهم بالمثل ولا مع قطع الأرحآم مانعالج الغلط بغلط نعاملهم بما يرظي الله عشان الله سبحانه والصبر عليهم ان الله يضاعف اجور الصٰبرين

والله يعين =(
يسلمو عالطرح جوانا ^_^

 

[آميرة<<نفسسى]

صدقت من قال هذه المقووولة<<< لآقارب عقــارب

 

[زهرة الفردوس]

للأسف أغلب الاقارب ماودج تحتكين فيهم لكن رسولنا الكريم وصانا علي صلة الرحم
وتأكدى المسلم مأجور على مايأتيه من ظلم وضيق وألم من اقاربه
مالج إلا تحتسبين الاجر

 

[جوانا2010]

meme>the best .......آميرة<<نفسسى ........زهرة الفردوس
حياكم الله مشكورات على الردود
نورتو​

 

[*ريما*]

مع هالمقولة
لانه بعض الاقارب صج عقارب
والبعض وليس الكل
ويسلمو ع الموضوع

 

[Beautiful soul]

مانقدر انعمم ونقول الكل
بس الغالب المشاكل تكون من بعــض الاقارب لان اهم يعرفونج ويعرفون شعندج ماعندج
والشي الطبيعي ان اكثر الناس اللي تعاشرينهم اهم الاقارب فاكيد ممكن تصير مشاكل وسوالف وقرقرقر وما الى ذالك

 

[حبي بيرين]

اي والله صدق الاقارب عقارب وحيايا بعد سبحان الله ماتجي المصايب الامنهم اتوقع بسب الحسد والحقد شوفي الان الناس لما تصير علاقاتهم سطحية معهم تقل المشاكل وهذا الافضل القريب اللي في قربه شر ابعد عنه يعني ريح واستريح تشكرات ع الطرح

 

[اوراق جنجفه]

للاسف بالنسبه لى ايه الاقارب عقارب
لان فيه فئه من الاقارب تذم وتكلم من وراج بالسوء وهم اقرب الناس لج وفوق هذا تكونين عفيفه وشريفه وهابه ريح من يومنج صغيره والناس تمدح فيج وتلاقين فجاه وحده من العمات تقول لا ترى بس قدامكم البنت مو مضبوطه للاسف الشي هذا صارلى بنفسي بس الحمدالله كلمه حسبى الله ونعم الوكيل ورتنى فيهم والله نصرنى
ورزقنى على قد نيتى
الزمن هذا مافيه عمى عمتى وعيالهم او خالى وخالتى وعيالهم وعلاقه قويه لا كل شى صار رسمى السلام عليكم وعليكم السلام احسن من قيل وقال
هذا رايي انا الشخصى

 

[مهوسة بالزين]

صدق للاسف الاغلبية علل والبعض لا والله بس صلة الرحم واجبة

والتعامل الرسمي معهم اافضل واريح

 

[الصيد اللعوب]

فعلا مع هالمقوله ميه بالميه ..وحلاته تكونين سطحي مع الاقارب واهم شي ماتقطعين لان صله الرحم عظييييييمه وقاطعها ذنبه عظيم واحتسبي الاجر عند الله ..انا شخصيا حاشني مليون طراااق من الاقارب واتغفرالله الغيره والحسد معميتهم ححححححححححححححيل يعني العشره مع الغريب بنظري احسن من الاقارب بمليون مره وطبعا اخص ما اعم ..

 

[بنوته كيكه]

ما رأيكم في هذه المقوله ؟؟؟
تنفع بعض المراة

الاقارب .... عقارب

هل هي صحيحة..؟؟
نعم بس مو حق كل الاقارب

هل تمت الى الواقع بصلة؟؟
والله صلته في الناس مو كلها بس حق الموزنين

هل هذه العباره مبالغ فيها ..؟؟
ام اننا نرددها لنهرب
من اقاربنا
أم هي حقيقة لانستطيع نكراها؟؟
والله تبين الصدق فيه بعض الاقارب مو عقارب الي ذايبه تاكل
بس فيه ناس تقوله حق اقارب والله مافيه شي بس علشان تهربون
أيعقل أن أقرب الناس الينا هم أعداء لنا في الحقيقة ؟؟
ايه فيه بس مو واجد شويه وفيه اقارب ماتمنا الخير حقهم

كيف نتعامل مع هذا النوع من الأقارب؟؟ أنعاملهم بالمثل ؟؟ ونرد الأساءه بمثلها ..؟؟
لا والله افضل وسيله انه ماتحتكين معهم اللهم سلام بس

أم أن الأبتعاد وقطيعة الأرحام هي الحل الأسهل والأبسط ؟؟؟
لا حرام كل شي ولا قطع الرحم
حرام الله قطع الارحام فقد حرم الله تعالى قطع الرحم، ولعن فاعله فقال جل شأنه: ( فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الْأَرْضِ وَتُقَطِّعُوا أَرْحَامَكُمْ*أُولَئِكَ الَّذِينَ لَعَنَهُمُ اللَّهُ فَأَصَمَّهُمْ وَأَعْمَى أَبْصَارَهُمْ)
اقضل وسيله قلت لج انه بس تخلين بينج وبينهم مجرد سلام لا اكثر ولا اقل ودعي الله يهديهم

 

[PuPa^^SWeeT]

فيه اقارب حبيبين و فيه اقارب ضارين و فيه اقارب مهما يكون فيهم خير



انا ضد هالمقولة المتشائمة


صلة الاقارب ينبع من الراس العود اليد او اليدة


اهم اللي يقربون و يبعدوون


حتى اتلاحظوون بيوت من يتوفى اليد و اليدة محد سال عن الثاني


وفيه العكس يردون على بعضهم



صلة الرحم و القرابة من اساسيات الدييين و الاخلاق و الفضاايل


والواحد يبذل مابوسعه علشان يمشي هالسفن المتشابكة

لين توصل بر الامان

لابد فيه تصادمات بالدرب

بس منو اللي حياته كاملة مافيها تعكر


والاقارب يبقوون مع تقدم العمر شوي تهدي النفوووس


اللي ما تهدي يكون داخلها شي يا انها مريضة و تعبانة بالتالي اتصير متعبة


او اتكوون مجرد نفس ماتعرف الاخلاق


وهذا يعود بالاساس للراس العوود مثثل ما قلت

 

[ياملحي]

نعم وبكل اسسسسسسسسسسسسف الاقااارب عقاااااااااااااارب وانا مع هالمقووووله

 

[زوجة عزيز]

مقوله صحيحه 100%

 

[وردة-الكويت]

بعض الاقارب عقارب والله يعين

 

[فلنتينو]

صحييييحه مليون بالميه
وقرب اللحم من اللحم يخيس

 

[ميس المشاعر]

أكييييييييييييييد لكن بدووون تعميييييييييييم
يعطيج العافية

 

[جوانا2010]

يعطيكم العافيه بنات على الردود ...
مشكورات نورتوا..

 

[..<< ندى الورد >>..]

ما نعمم على كل الاقراب لانها لو خليت خربت

بس الواقع اللي قاعدين نعيشه هالايام يثبت لنا هالمقوله .~

بس ما انگر انه في مجتمعي وعايلتي وقت الشده گلنا ايد وحده وعلى قلب واحد مهماا كان بيناا مشاكل وغيره وحسد .~


اشگرج على الطرح الراقي .)