الام الغير كويتية التي ترعى معاق

[fateemaalkaaby]

السلام عليكم

عندي ستفسار بخصوص الام الغير كويتية والي ترعى ابنها الكويتي المعاق هل يمشيلها مساعدة مالية علما بانها غير موظفة يعني يشملها القانون اليديد علما بان ابنها يستلم راتب من المجلس حيث اعاقته شديدة
وشكرا

 

[الصابرة المحتسبة]

رد : الام الغير كويتية التي ترعى معاق

وعليكم السلام

هلا اختي للأسف لايشمل الغير كويتية.

 

[أمــيره]

هلا وغلا اختي
وبالنسبه لسوالج انا كلمت نائب د التمار وسالته نفس السؤال
وقال اذا الطفل المعاق كويتي يمشي للام لو شنو جنسيتها
والله يشفي اعيالنا ويصلحهم​

 

[الصابرة المحتسبة]

صحيح كلامج اخت ام أميرة دام انه كويتي


بس بخصوص راتب ام المعاق ليما الحين ما وضحت الصورة لا الشروط ولا المستندات.

 

[الصابرة المحتسبة]

رفع

 

[@شمس الضحى@]

السلام عليكم
بعد اذنج ام عبدالله بجاوبهاا حسب الي سمعت
رفيقتي سعوديه وولدها كويتي وراحت للهيئه وسألتهم وقالو تستحقين دام الولد كويتي واعاقه شديده
وكملت طلباتهم وسلمتهم الضرف في النادي بحولي

 

[الصابرة المحتسبة]

وعليكم السلام

هلا شموس يعطيج العافية وعسى ربي لايحرمني منكم.

 

[@شمس الضحى@]

وعليكم السلام

هلا شموس يعطيج العافية وعسى ربي لايحرمني منكم.

الله يعاافيج يقلبي
ولا يحرمنا منج يالغاليه
نعين ونعاون بالي نقدر عليه