الانتظار .. من اصعب ما يواجه البشر !!

[مغربية قلبها كويتي]

السلام عليكم و رحمة الله و بركاته

يتدرج الانسان في محطات الحياة المتنوعة و المختلفة فيكون طفلا فصبيا ثم يغدو شابا و مكلفا بحمل مسئوليات عديدة ..

و في خضم الحياة .. يواجه الكثير من الصعاب و الانعكاسات و المنعطفات ..

و يكاد يكون الانتظار من اصعب و اعمق المشاعر التي يعيشها الانسان ..

هو شعور يخالج النفس و يذبذب المشاعر .. بالرغم من ذلك في كثير من الاحيان يكون شعورا فرديا لا يشعر به و يعايشه الا صاحبه ..

ذلك الاحساس الرهيب المفعم بالترقب و الامل و الرجاء ما بين رغبة بالحدوث او رجاء بعدمه !!

سؤالي هو ..

ما هي فكرتك عن الانتظار ؟؟

هل عايشته يوما ما ؟؟

ماذا تنتظر في القريب العاجل ؟؟

دمتم اخواني الاعزاء و دامت اقلامكم نابضة بالحق و الخير .. و امنيات اخوية بتحقيق كل ما تصبون اليه من امال ..

شكرا لكم جميعا

 

[ملح بدويه]

ماشاءالله عليج كم موضوع تكتبينه باليوم ؟؟

<< ياشين الانتظار >>

 

[MaZyOoOoNa]

ما هي فكرتك عن الانتظار ؟؟
واااايد صعب وااااااااااايد ويحرق الاعصاب خصوصا اذا شي يخص مستقبلج
هل عايشته يوما ما ؟؟
وايد عشته بس مو دايما يكون مهم يعني انطر اشياء عاديه مو مصيريه
ماذا تنتظر في القريب العاجل ؟؟
شي وااايد بخاطري ويارب يصير انتي بس ادعيلي

 

[العفاسيه]

اكره الانتظار بنظري >>> تعااسه .. وهم .. مرض .. هواجيس لدرجة الجنون

بس الانتظار ساعات يعطي حماس ووناسه اكثر بعد ما يصير الشي اللي تنطرينه وساعات يذبح يعني انطر الشي مده طويله ولمى يصير مابيه لاني مليت وانا انتظره

 

[بنت باباتي]

انا والانتظاره مو ربع كلش كلش
ما احبه

انطر اولد احس اني حامل من سنه الهدامه
<<< يعني عايشه يوم زمن الهدامه خخخخخخخخخخخخخ

 

[afesa]

اعتقد الصبر مرتبط بالانتظار واحنا ما صار عندنا صبر ولا تحمل وعشان جذيه نكره الانتظار ونكرهه بابسط معانيه من انتظار الدور بالمستشفىى وا نتظار الدوربالمحلات او عند المخبر وحتى في امورنا الشخصيه جميعا نكره الانتظار لاننا نفتقد الصبر وتسلمين

 

[برنسيسة زمااني]

الشي اللي انتظره ومن اصعبه الارتقاء بمستوى الوظيفه قاعده انتظر اني اغرها ومليييييييت من الانتظار

وفي وايد اشياء تلزم الصبر و مالنا غير الصبر لانها اشياء مو بأيدنا بييد الله سبحانه

 

[زينة الشرق]

الانتظار ..... من أصعب ما يواجه البشر ...... والانتظارمن وحهة نظري هو توأم الصبر ........ لا يفترقان أبدا ....... وللانتظار في حياتي نصيب الأسد ....... فاما أن نصبر أو لا نصبر ....... وفي الحالتين ..... الانتظار ..... اختبار صعب ..... جدا جدا جدا ....... نسأل الله أن يصبرنا ويثبت قلوبنا ...............

 

[إنسانه بكل حالاتي]

ما هي فكرتك عن الانتظار ؟؟
الانتظار الصبر لحين الوصول للهدف اللي أبيه
هل عايشته يوما ما ؟؟
أعيشه حاليا
ماذا تنتظر في القريب العاجل ؟؟
إنه الله تعالى يوفقني وينولني إللي أبيه عاجلا غير آجلا

موضوعج حلوووووووووو

 

[مغربية قلبها كويتي]

إنسانه بكل حالاتي& afesa تسلمولي يا رب
ملح بدويه
لشو بيهمك الجواب

 

[كحيلانه]

انطر الفرج ان شاءالله قريب يارب

 

[أمانيQ8]

الانتظار صعب واكره ما احبه وطبعا دوم مرتبط بالصبر وانا ماعندي صبر بالمره
اكثر شي يقدر ينرفزني اهو الانتظار...
واللي انتظره عودة اختي مع ابنيتها من رحلة العلاج!! الله يشافيها

 

[عيون^عليا]

بصراحه

~~ اغنيه يوم آخر >>>>> بننتظر ونخاف يطول الانتظار ~~~~~



بس ان شاء الله مع جية الحجاج يجيب ربي الفرج


قولو آآمين يارب


آآآآآآآآآآآآآآآآآآآمين يارب يردون بالسلامه ونكحل عيونا بردتهم

 

[(كويتيه عسل)]

انا قبل ماكان فيني صبر ولا اعرف انطر اللي ابيه يصير يعني يصير بأسرع وقت

مالي شغل شنو العواقب المهم اللي ابيه يصير

بعد مااشتغلت وصرت مدرسه

صرت صبوره وبالي صار طويل واتحمل وانطر

انا تدربت في الميداني في مدرسة صبيان ابتدائي وما كنت اتحمل ولا اعرف اصبر على اليهال

والمشرفه تقولي لازم كل الطلبه في الصف يسكتون وينتبهون ومحد يتكلم ولا يلعب ولا يسولف

واذكر كلمتها تقول لازم يصيرون صنم كنت اتطز عليها واضحك

اقولها هذول يهال طبعهم يبون يلعبون مايعرفون مسؤولية روحهم

مااقدر اغصبهم ينتبهون للدرس واهما مايبون مافي شي غصب

تقولي انتي وشطارتج تخلينهم ينتبهولج اسألها شسوي ماكانت تقولي تقولي انتي اكتشفي هالشي بنفسج

جربت كل الطرق ومااقدر ازفهم مومتعوده ازف واصرخ عليهم جربت الهدايا ماكو فايده التشجيع ماكو فايده

جربت كل شي ماينفع معاهم الا الصبر والتعود على طريقة الابله اليديده وهالشي يبيله وقت

وهم بعد المعامله الطيبه والاحترام يخلي الطلبه يحترمون الابله ويسمعون الكلام بدون زف ولا هدايا

الابله اللي شخصيتها ضعيفه تزف الطلبه لانها موصبوره وعصبيه وماتعرف تسيطر عليهم

والطلبه ماراح يسكتون الا لما الابله تصرخ لانهم خلاص تعودو على هالاسلوب

ويستغلون نقطة ضغف الابله ويتعمدون يطفرونها علشان تصرخ وتتعب وتعصب

والابله على مايمر شهر الا اهيا في المستشفى ضغطها مرتفع وصوتها رايح

والابله اللي ماعندها شخصيه كل يوم ليل ونهار تشتري سكوت وانتباهم

بهدايا حتى اذا يوم مايابت هديه يصير الصف فوضى

 

[مغربية قلبها كويتي]

شكرا على مشاركتكم

 

[SeNyOrA Q8eYa]

ما هي فكرتك عن الانتظار ؟؟
اكـرهه يتلف اعصااابي
هل عايشته يوما ما ؟؟
واااااااااااايد وكل يوم اعيشه
ماذا تنتظر في القريب العاجل ؟؟
شي وااايد بخاطري وادعولي بنات انه يتحقق !

 

[شندوخه]

الانتظار ابيخ شي واصعب شي بس والله مهما يكون اتم له حلاوته ووناسته خاصه اذا الشي اللي تبينه صار واااااااي ياحلاته اصلا

 

[شيخه***البنات]

ما هي فكرتك عن الانتظار ؟؟

فكرتي عنه ان شي واايد واايد صعب و محد يقدر يتحمله وعند كل الناس صعب ..

بس الانتظار شي حلوو اذا الواحد صبر و بالاخر ينوول هذا الانتظار ..

هل عايشته يوما ما ؟؟

أكيــــد ومنو منا ماعايش هالشي ..

ماذا تنتظر في القريب العاجل ؟؟

الله يفرجها ان شاءالله كلي ايمان بربي ان يفرج همي وينولني اللي فباليعاجلا غير اجلا وينولي اللي صبرته

وانتظرته ان شاءالله ..

 

[مغربية قلبها كويتي]

شكرا على مشاركتكم

 

[bskota]

ايييي عااايشته الحين واحس بلذته لانه ساعات الانتظار بانتظار الفرج تقربنا من الله سبحانه وتعالى اكثر واكثر و تكفر عن ذنوبنا وهالشي له قيييمة كبيرة عندي ويخفف لووووعة الانتظار والوساوس والتوتر شاااكرة لج موضوعج حبيبتي